黎到餐廳門口, 見到入面係沒人, 我地都猶豫左一陣, 不過見黎到就入去喇! 我地入到去, 餐廳入面就有一個靚仔黎招呼我地, 比我地每人一份餐牌, 不過一見到d價錢有d 眼都突, 因為真係太貴了, 如果要湯+前菜+主菜+甜品, 一個人應該差唔多要$300!
但我們行左成日, 好想要一杯水, 但正式既西餐廳所有飲品都係要收費, 我地又太口渴, 所以都叫左一支礦泉水, 但要成MOP35一支, 下次去西餐廳記住自備水!
我地唔算太肚餓, 而且估計西餐廳份量應該唔多, 所以我地叫左4款食物
煙三文魚凱撒沙律 -- 第一道黎既菜, 估唔到係勁大碟, 根本完全唔似係前菜既份量! 我地眼都突了! 講番味道方面, 係用左好特別沙律醬, 味道比想像中好, 而且有成四塊大大既煙三文魚, 即刻覺得抵左, 仲有好多唔知咩名堂既疏菜都好食! 
薄牛肉卷 -- 叫之前係沒想像過出黎係似咁, 每一件有成個拳頭咁大, 塊皮至少有成2CM 厚 (咁都叫薄? ), 入面包住疏菜(不知名,味道有D苦味)同埋煎到半生熟既牛肉再配上有D似係甜既燒汁, 食落去又幾好味又開胃, 感覺都幾特別! GOOD!
煙肉磨菇意大利粉 -- 用左茄汁黎整有D酸酸地但又不會有太酸既感覺, 做得恰到好處! 而且都有好多磨菇同煙肉, 足曬料又大碟, 咁都只係MOP75我又覺得抵番, 係香港都無試過食得好過呢個既意大利粉, 讚~
南瓜焗飯 -- 味道唔會太甜剛剛好 , 但因為之前已經食左個幾樣再食呢個真係覺得好漏, 真係飽到食唔落喇..
好可惜因為太飽既關係無試本書介紹既心太軟
埋單MOP395, 每人都係100蚊到都覺得值得!
值得一讚係呢到D服務好好, 我地叫左一支水, 佢比我地每人一個冰杯仲要幫我地倒埋, 而個個薄牛肉卷, 佢見我地4個人食好有禮貌咁同我地講聲會幫我地切四份, 仲有食完都會問下我地對於食物同服務既意見, 真係意料不到既服務, 下次黎澳門一定會再黎幫襯!
