世記咖啡快餐

通常食世記都會去官也街嗰一間，但其實有一間隱世咗嘅世紀可以坐低慢慢食。呢一間喺新八百伴附近嘅世記我極度推介。去到先叫餐後入座，叫咗一個凍奶茶同埋招牌凍檸茶，奶茶唔錯，檸茶冰都係茶，所以唔會比啲冰融左整淡個味。個印尼撈麵炒蛋加雞扒都超級正，最正係個厚蛋，應該係我人生中食過最好食嘅一個蛋，個雞扒炸得非常出色，如果你覺得豬扒包正的話個雞扒都可以試吓。個三文治就不過不失，下次都可能叫更加招牌嘅嘢，腸仔同埋火腿都冇乜特別。

下次過去澳門會再食。