92
40
9
等級4
224
2
2017-04-23 2205 瀏覽
原來屈小姐其中一位好朋友都係澳門迷黎既,係我地出發之前,佢推薦左我地去試《波爾圖》既葡國餐,而又咁岩賴生係澳門有親戚住,拜託左佢地幫賴生book左位(真係太好啦⋯⋯如果唔係有排等,好多人哦)間餐廳位於官也街大馬路果度,好容易搵。而門口已經有餐牌,不妨係等既時間,睇下想食咩!入到去坐低,其實張枱偏細,而且比較逼,枱與枱之間好窄,會聽到隔離枱講野,亦方便我地睇下人地D野好唔好食(呢個係賴生同屈小姐既壞習慣)經過一輪觀察同商議之後,我地決定左叫4樣野:芝士焗軟殻蟹、葡式檸檬白酒煮蜆,葡式海鮮燴飯同馬拉盞炒椰菜1)芝士焗軟殻蟹 :⭐️⭐️⭐️⭐️好正呀!成隻蟹鋪滿芝士,超濃郁,仲要有拉絲嫁!加上係軟殻蟹,冇骨,食落啖啖肉!而隻軟殻蟹都尚算香脆!有少少膏!整體唔錯唔錯!2)葡式白酒檸檬煮蜆 :⭐️⭐️⭐️基本上呢,呢度個葡式檸檬白酒煮蜆整唔到個精髓出黎,太咸啦,又冇檸檬味⋯湯底:葡式檸檬白酒煮蜆,佢煮唔到個檸檬清香出黎,完全唔覺有檸檬酸味,仲要佢白酒未煮到揮發晒,有酒味得尼唔夠甜,再加上太咸,完全食唔到蜆既鮮甜味蜆:份量都夠,粒粒都有肉,只有1-2隻仲有少少沙,但味道比咸湯底遮左3)葡式海鮮燴飯 : ⭐️⭐️⭐️無
更多
原來屈小姐其中一位好朋友都係澳門迷黎既,係我地出發之前,佢推薦左我地去試《波爾圖》既葡國餐,而又咁岩賴生係澳門有親戚住,拜託左佢地幫賴生book左位(真係太好啦⋯⋯如果唔係有排等,好多人哦)


間餐廳位於官也街大馬路果度,好容易搵。而門口已經有餐牌,不妨係等既時間,睇下想食咩


入到去坐低,其實張枱偏細,而且比較逼,枱與枱之間好窄,會聽到隔離枱講野,亦方便我地睇下人地D野好唔好食
(呢個係賴生同屈小姐既壞習慣


經過一輪觀察同商議之後,我地決定左叫4樣野:芝士焗軟殻蟹、葡式檸檬白酒煮蜆,葡式海鮮燴飯同馬拉盞炒椰菜
芝士焗軟殻蟹
$48
39 瀏覽
0 讚好
0 留言
1)芝士焗軟殻蟹 :⭐️⭐️⭐️⭐️

好正呀!成隻蟹鋪滿芝士,超濃郁,仲要有拉絲嫁!加上係軟殻蟹,冇骨,食落啖啖肉
!而隻軟殻蟹都尚算香脆!有少少膏!整體唔錯唔錯!
葡式檸檬白酒煮蜆
$98
29 瀏覽
0 讚好
0 留言
2)葡式白酒檸檬煮蜆 :⭐️⭐️⭐️

基本上呢,呢度個葡式檸檬白酒煮蜆整唔到個精髓出黎,太咸啦,又冇檸檬味⋯

湯底:葡式檸檬白酒煮蜆,佢煮唔到個檸檬清香出黎,完全唔覺有檸檬酸味,仲要佢白酒未煮到揮發晒,有酒味得尼唔夠甜,再加上太咸,完全食唔到蜆既鮮甜味


蜆:份量都夠,粒粒都有肉,只有1-2隻仲有少少沙,但味道比咸湯底遮左
葡式海鮮燴飯
$118
59 瀏覽
0 讚好
0 留言
3)葡式海鮮燴飯 : ⭐️⭐️⭐️

無論海鮮同飯既份量都好多,幾抵食,只係味道太似一個濃既蕃茄汁燴飯,食唔出有海鮮味⋯


海鮮:有1隻大蝦,幾隻蝦,3隻青口,蜆同魷魚,全部都彈牙既,之但係既然隻大蝦都開左邊,點解唔順手挑埋條蝦腸呢,眼見到真係扣左分


味道:濃烈蕃茄味,冇海鮮味,還好加左一D碎香草入去,食落去(有香草既時候)先多左重味道既變化,感覺不正宗,食多兩啖就無衝動繼續食,完。
馬介休炒椰菜
$68
69 瀏覽
1 讚好
0 留言
4)馬介休炒椰菜 :⭐️⭐️⭐️⭐️

呢個唔錯唔錯
!馬介休既咸味炒左入椰菜入面,咸咸地又甜甜地!又唔算太油,出奇地好食
。同埋馬介休呢既魚肉就唔似咸魚嫁,唔實嫁,仲keep到魚肉既texture!




總括而言,係《波爾圖》食葡國菜係平既,假如我地係其他葡國餐廳食一樣既野,應該要成$600-700蚊,但係呢間⋯$350就搞得掂!


不過要追求正宗葡國菜風味(同好味)既,就建議去第2度啦!呢間唔岩你,岩窮遊(而對食要求唔高)既小情侶們!


Ps 見隔離枱叫左乳豬飯啲乳豬真係超肥,好彩(偽健康嘅)屈小姐之前研究過Openrice,無叫到姐


#都叫試到部份既葡國野
#對住你食,D野食都好食左
#條脷愈食愈尖,但我會負責處理嫁😚
#出外靠朋友同親戚
#好彩book左位,唔係要等成個幾鐘就慘
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2017-03-19
等候時間
10 分鐘 (堂食)
人均消費
$175 (晚餐)
推介美食
芝士焗軟殻蟹
$ 48
馬介休炒椰菜
$ 68