鳳城珠記麵食專家

營業中

休息中

澳門旅遊區既食店一向人山人海，所以今次我地特登行入啲，遠離少少遊客區，試一試依間珠記麵家，店面不大，唔洗等位，而侍應安排咗我地坐閣樓，正合我依啲鍾意靜靜地食野嘅人。牛雜麵湯底夠濃，但唔會比你一種咸嘅感覺，味道適中，麵質夠哂爽口彈牙，牛雜份量亦都夠多，食一碗就剛剛好喇。魚皮角米粉湯底一如牛雜麵，濃度適中，魚皮角夠哂爽口，份量亦都剛剛好。舖仔細細，但勝在唔會人逼人，靜靜地食返碗麵感受一下澳門地道風情，價格亦都相當便宜，都係廿幾蚊碗麵，好抵食，值得推介。