道玄坂茶房 (已結業)

同屋企人去食, 三個人, 叫咗三杯飲品: 益母草花蜜(幾特別, 好飲!), green tea frost(抹茶口味, 大愛~), mocha frost(好喝!) 全部野飲都有試, 因為係自己人, 冇乜所謂啦 =p叫咗parma ham salad一份, 個黑醋dressing好特別, 冇喺其他地方試過的, 份量OK, 有火箭菜同蟹抓菜, parma ham好食!主菜叫咗一份steak(以百幾蚊一份嚟講, 味道好ok), 一份白酒忌廉汁安康魚扒(呢個超得! 從來未食過呢種魚, texture好特別, 有d彈牙咁架), 仲叫咗一個豬骨濃湯叉燒拉麵(嘩~ 個叉燒係入口即溶的, 好似食五花腩咁, 佢地話係自己整, 絕對係誠意之作! 麵質又夠彈牙! 隻蛋係半生熟, 好正! 係個湯略為咸咗d)叫咗兩個甜品: 心太軟(朱古力味較濃, 配埋雪糕, 味道剛好), 薰衣草黑松露朱古力(好似食緊好大舊godiva軟心朱古力咁, 超濃朱古力味! 好甜, 一個人實食唔哂, 除非係好食得甜嘅人!) 總括嚟講, 地方好坐, 食物味道好, 價錢唔係話好平果種, 大概每人百零二百蚊左右, 不過真係食得好飽