12
0
0
等級3
38
0
2019-08-23 895 瀏覽
餐廳走瑰麗氣派,以龍為主裝飾,由餐具擺設到菜單封面,都見到龍嘅蹤影。枱剛好喺落地大玻璃旁,海景就冇,但就有成個新濠影匯賭場作景,唔知食食吓會唔會食出賭癮呢?先講講佢地嘅待客之道。所有客人走入餐廳都會被帶到等候區等,然後再逐張逐張台帶位。每張枱都近乎1對1服務,只要一舉手就有服務員黎幫你,每次落菜都會介紹菜式,又自動波令你茶杯常滿,米芝蓮餐廳果然係要食埋服務😏。 點菜後,每人都會有一盤頭盤,有由玥龍軒專業茶師調配符合季節飲用嘅好茶同一口炸鮮奶。茶順口清香,配炸得香脆嘅甜鮮奶,幫你打開味蕾,準備享用之後嘅點心。最特別係盤內有一個空嘅高身杯,係用黎聞,用嗅覺品嚐香茶。講返主角點心先😏玥龍極品鮮蝦餃🦐一粒蝦餃就知道一間酒樓嘅質素。呢粒竹炭蝦餃做到作為蝦餃嘅要求:皮薄餡靚;而且蝦大隻得黎爽口。圓潤嘅蝦餃加上金箔更顯貴氣。竹笙蟹粉百花卷🦀百花卷以蝦膠製成,本身味道比較淡,淋上嘅瑤柱蟹粉可以話有畫龍點睛嘅作用,令整個百花卷鮮味提升。鮮蝦韭黃春卷🦐蝦春卷非常脆口,但並不是驚喜之作;相反小妹鍾意裝春卷嘅盤子,好似酒杯咁,令整個點心升級咗。香茜石班脆皮海龍皇腸粉🐟係腸粉皮包住石班春卷;春卷炸得香脆,並冇被
更多
餐廳走瑰麗氣派,以龍為主裝飾,由餐具擺設到菜單封面,都見到龍嘅蹤影。枱剛好喺落地大玻璃旁,海景就冇,但就有成個新濠影匯賭場作景,唔知食食吓會唔會食出賭癮呢?

先講講佢地嘅待客之道。所有客人走入餐廳都會被帶到等候區等,然後再逐張逐張台帶位。每張枱都近乎1對1服務,只要一舉手就有服務員黎幫你,每次落菜都會介紹菜式,又自動波令你茶杯常滿,米芝蓮餐廳果然係要食埋服務😏。 點菜後,每人都會有一盤頭盤,有由玥龍軒專業茶師調配符合季節飲用嘅好茶同一口炸鮮奶。茶順口清香,配炸得香脆嘅甜鮮奶,幫你打開味蕾,準備享用之後嘅點心。最特別係盤內有一個空嘅高身杯,係用黎聞,用嗅覺品嚐香茶。

講返主角點心先😏

玥龍極品鮮蝦餃🦐
26 瀏覽
0 讚好
0 留言

一粒蝦餃就知道一間酒樓嘅質素。呢粒竹炭蝦餃做到作為蝦餃嘅要求:皮薄餡靚;而且蝦大隻得黎爽口。圓潤嘅蝦餃加上金箔更顯貴氣。

竹笙蟹粉百花卷🦀
百花卷以蝦膠製成,本身味道比較淡,淋上嘅瑤柱蟹粉可以話有畫龍點睛嘅作用,令整個百花卷鮮味提升。

鮮蝦韭黃春卷🦐
25 瀏覽
0 讚好
0 留言
蝦春卷非常脆口,但並不是驚喜之作;相反小妹鍾意裝春卷嘅盤子,好似酒杯咁,令整個點心升級咗。

香茜石班脆皮海龍皇腸粉🐟
31 瀏覽
0 讚好
0 留言
係腸粉皮包住石班春卷;春卷炸得香脆,並冇被腸粉皮整腍,食落比炸兩更香脆。腸粉皮夠薄夠滑,可惜石班份量比較少,唔係好食到石班。

秘製魚翅灌湯餃
30 瀏覽
0 讚好
0 留言
咁多點心中小妹最鍾意嘅😍上台後先倒入湯,係你面前將睇落平平無奇嘅蒸餃變成灌湯餃。湯頭加入幾絲金華火腿,飲落清醇鮮美,並唔係一般灌湯餃個種死咸;而且餃子餡料十足,每一啖湯都可以食到餡料,真心推介👍🏻!

金喳脆皮帶子餅
29 瀏覽
0 讚好
0 留言
酥皮幾鬆脆,味道有少少似食黃橋燒餅,但小妹覺得略為油膩。

合桃流沙包
27 瀏覽
0 讚好
0 留言
第一次食加入合桃嘅奶皇流沙包,感覺幾新鮮,合桃令包多咗一份口感;奶皇香滑而且甜度適中,有驚喜!

23 瀏覽
0 讚好
0 留言

30 瀏覽
1 讚好
0 留言
最後唔可以唔講埋佢嘅送嘅點品盤,每一粒都精緻又好食。除咗有蓮蓉酥、Macaroon,仲有杏仁豆腐兔子🐇同黑芝麻小豬🐖。小豬造型好得意,芝麻味好香濃,布丁滑得黎又有少少芝麻粒嘅口感,出奇地好食😋

貴為「譽瓏軒」姊妹店,「玥龍軒」質素的確有番咁上下,味道服務都到位,米芝蓮一星的美譽並唔止係光環。另外大部份點心價錢係50-70蚊,其實比香港唔少貴價/酒店點心平,所以小妹覺得值得一試! (唯一比較唔抵啱嘅係茶錢係每位計,而最平嘅都等於一個點心嘅價錢,比例上唔係咁值)
36 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-07-20
用餐途徑
堂食
人均消費
$200 (午餐)
慶祝紀念
生日
推介美食
  • 合桃流沙包
  • 玥龍極品鮮蝦餃
  • 秘製魚翅灌湯餃