店面好大，裝飾好新淨，先去落單，隊員想試氮氣咖啡（香港都只有好少星巴克有）買最普通嘅一款（因唔想之後食唔落自助餐）呢度仲會送餐，
買完攞牌仔就搵位坐低！人多揀咗個靠牆梳化位，睇到店中央嘅咖啡師沖我哋嘅咖啡☕️
氮氣冷萃咖啡（tall size/$58)兩杯凍黑咖啡，用小方木盤上，配上清水，加一張咖啡豆介紹，賣相精緻，我好少飲凍咖啡，因為凍咖啡聞唔到咖啡香味，自從減肥後只飲黑咖啡，第一啖飲落順喉易入口，咖啡夠濃回甘味，唔會太苦（其實飲咖啡只係入門級，我要求不高）識飲識食嘅隊員話因氮氣冷卻唔會溝淡咖啡，所以味道唔會淡咗！竟然令我對凍咖啡改觀（當然都係鍾情熱咖啡☕️）
店員一貫星巴克水準，有禮斯文！
令人感到舒服嘅早晨咖啡
