影片
更多
2015-08-15
2198 瀏覽
返香港都有一段時間, 終於寫返呢個食評黎讚下先其實地理位置上黎講間酒樓係輸蝕少少, 因位處賭場外圍最入角落頭, 而唔係威尼斯人購物街, 所以如非經過都好難搵到...人流唔多, 再加上燈光昏暗, 以為未開門添, 點知入到去古色古香, 設計高雅大方, 攞番唔少分數~午市時間有個一人份量ge套餐幾抵食, 每位$150左右就有兩款點心, 一個湯, 一個飯麵同一款小炒, 以佢個格局檔次黎講算ok...我地就order左兩個套餐share, 豆角炒雞丁幾惹味可口, 時菜清得黎又唔會淡而無味...另外招牌菜炸子雞絕對值得推介: 皮脆肉嫩, 鹽焗香口, 去骨後份量充足啖啖肉, 就算貴少少都抵試點心方面, 質素整體都達高級菜館水平, 其中黑松露餃同埋帶子燒賣最好味 套餐附上ge粟米羹配料多多, 係意外驚喜...值得一提ge係上面兩款點心: 一款係鹹點鮑魚撻, 另一款係甜品燕窩鮮奶撻~~ 自問對海產唔太認識, 唔識分係邊度ge鮑魚, 但原隻細鮑都算足料, 味道鮮美, 咬落實淨彈牙, 應該都冇呃秤撻皮係香甜ge曲奇皮, 伴住肥美鮑魚, 味道同口感出奇相配, 令人回味無窮!!同樣地, 燕窩鮮奶撻撻皮亦甜度適中
其實地理位置上黎講間酒樓係輸蝕少少, 因位處賭場外圍最入角落頭, 而唔係威尼斯人購物街, 所以如非經過都好難搵到...人流唔多, 再加上燈光昏暗, 以為未開門添, 點知入到去古色古香, 設計高雅大方, 攞番唔少分數~
午市時間有個一人份量ge套餐幾抵食, 每位$150左右就有兩款點心, 一個湯, 一個飯麵同一款小炒, 以佢個格局檔次黎講算ok...我地就order左兩個套餐share, 豆角炒雞丁幾惹味可口, 時菜清得黎又唔會淡而無味...另外招牌菜炸子雞絕對值得推介: 皮脆肉嫩, 鹽焗香口, 去骨後份量充足啖啖肉, 就算貴少少都抵試
點心方面, 質素整體都達高級菜館水平, 其中黑松露餃同埋帶子燒賣最好味 套餐附上ge粟米羹配料多多, 係意外驚喜...值得一提ge係上面兩款點心: 一款係鹹點鮑魚撻, 另一款係甜品燕窩鮮奶撻~~ 自問對海產唔太認識, 唔識分係邊度ge鮑魚, 但原隻細鮑都算足料, 味道鮮美, 咬落實淨彈牙, 應該都冇呃秤撻皮係香甜ge曲奇皮, 伴住肥美鮑魚, 味道同口感出奇相配, 令人回味無窮!!同樣地, 燕窩鮮奶撻撻皮亦甜度適中, 唔會搶左鮮奶ge清甜味; 香滑鮮奶配合燕窩絲一爽一滑, 又係另一款令我難忘ge點心, 有機會實返試~!
最後仲有個精緻甜品送~~ 紫米布甸btw, 服務員態度好好, 加分位
張貼
