更多
2017-07-26
2517 瀏覽
好耐無去過澳門，去到澳門例牌梗係要食番餐葡國菜啦。今次唔去船屋，揀左呢間都有好多好評嘅波爾圖。見到有人話唔訂枱會無得食，所以即刻就打左去訂枱。早左兩個字去到門口，見到間鋪入面都幾full 下，真係唔訂枱會無得食。入到裡面雖然坐得有d迫，不過唔緊要，野食先係重點嘛！先叫左個馬介休球試試先，味道適中唔會好鹹，上枱夠熱亦都炸得好香口。檸檬白酒煮蜆都幾得特別，個汁酸酸地咁好開胃。呢度用蜆肉加埋d汁一齊食真係幾特別，食下食下唔覺唔覺就清晒成碟喇！至於今晚嘅重點就梗係乳豬飯啦！乳豬飯嘅份量都唔細，好彩我地無再叫其他肉類，唔係就一定食唔晒。乳豬皮夠脆，而且都有d 肉又唔會話太肥，配埋佢本身嘅釀飯真係幾好食，唔錯！
早左兩個字去到門口，見到間鋪入面都幾full 下，真係唔訂枱會無得食。入到裡面雖然坐得有d迫，不過唔緊要，野食先係重點嘛！
先叫左個馬介休球試試先，味道適中唔會好鹹，上枱夠熱亦都炸得好香口。
檸檬白酒煮蜆都幾得特別，個汁酸酸地咁好開胃。呢度用蜆肉加埋d汁一齊食真係幾特別，食下食下唔覺唔覺就清晒成碟喇！
至於今晚嘅重點就梗係乳豬飯啦！乳豬飯嘅份量都唔細，好彩我地無再叫其他肉類，唔係就一定食唔晒。乳豬皮夠脆，而且都有d 肉又唔會話太肥，配埋佢本身嘅釀飯真係幾好食，唔錯！
張貼
