李康記豆腐花 (已結業)

行左一段路個肚仔又有空位, 去訪下這間有名的豆腐花。新埗頭街位處橫街雜巷, 真的要有心去才會找到, 由陶陶居向新馬路方向行會見到一間金舖, 轉入去再轉左就見到。成間舖得三樣東西買: 豆腐、豆腐花和豆漿。豆腐花有熱有凍, 可以選擇加/不加花奶。 要左碗熱豆花加花奶$5: 因為未試過咁食法, 想知道是否滑上加滑。豆花片得均勻, 畢落去又唔會整碎哂, 好滑溜,一入口會自然滑落喉嚨。唯豆味不算太濃。