莫義記貓山王

莫義記最出名嘅就係貓山王榴槤雪糕同大菜糕，
離遠就已經聞到嗰陣濃烈嘅榴槤味，
雖然我本身唔會抗拒榴槤，
不過就唔係特別鍾意，
所以無打算試榴槤雪糕，
二來係因為佢都幾貴下，
淨係諗住試大菜糕。

大菜糕除咗原味之外，仲有好多唔同嘅口味選擇，
有選擇困難症嘅我表示真係好難揀，
最後終於揀左呢款三色大菜糕，

三色大菜糕

$20

一件就有齊三隻味：士多啤梨、椰子、哈密瓜，
味道都算突出，而且都幾清新，
一次過滿足我個願望。
凍冰冰嘅啫喱感，
天氣熱辣辣食，
夠哂爽呀！