個橫裝好重意國風情。一諗到意國電影，就會想起迪士尼Pixar套盛夏友情天 Luca。個故事係講兩名海妖，走上陸地，嚐試過人類生活。背景係碼頭。今次個餐桌係對正個永利皇宮噴水池。個人建議拍拖中既情侶，男友最佳約會聚餐之地。
先上個包籃。多款麵包任君選擇。一個人食晚飯，都提供多款餐包。個包好美味。新鮮出爐。
我點咗個黑松露意粉$218，加個咖啡冰淇淋$78。加一後$325.6。因為我係永利臻享會員，有九折。埋單只付$296。廚師係我個餐桌前，表演即場煮黑松露意粉。好大驚喜。個意粉即煮即食。猛然想起繁花寶總係至真園廚房即叫即食碟港式乾炒牛河。學寶總果句，無得頂。個意粉好重黑松露味道，皆因廚師係用黑松露油煮。最後個甜品，係用黑咖啡 expresso，淋在冰凍雪糕上。好重咖啡味道。兩道菜超水準。
