影片
更多
2008-12-31
39 瀏覽
好多人嚟澳門都一心想追尋香港差唔多絕跡嘅兒時懷舊甜品，除咗荷蘭園禮記嘅人氣雪糕三文治外，莫義記嘅大菜糕亦好出名，呢次要食大菜糕之外，亦想試吓佢個榴槤雪糕： 榴槤雪糕：雪糕嘅份量唔多，不過一絲絲嘅新鮮榴槤果肉就頗多，啖啖都食到榴槤肉；榴槤味道非常濃郁，就好似食咗新鮮榴槤嘅效果一樣，並唔係一般只靠人造榴槤香料製成嘅榴槤雪糕可以媲美！雪糕嘅質感滑溜，不過因為榴槤肉多，感覺似雪芭多過似雪糕，真係啖啖透心涼！嗰朕可惡嘅榴槤暗暗香味一直喺口腔裏面揮之不去，食完去瑪嘉烈排緊葡撻嘅時候不為意吐咗一啖胃氣，旁邊坐喺度食緊蛋撻嘅食客即刻同朋友講：點解有朕榴槤味嘅？真係唔好意思嘞，忍唔住！ 只要鍾意食榴槤嘅都唔應該錯過呢個味道真實嘅榴槤雪糕，食過一定番尋味！ 芒果大菜糕：芒果味大菜糕嘅味道當然冇榴槤雪糕咁濃烈嘞，淡淡嘅芒果味頗簡單清新，大菜糕嘅質感滑溜爽口，彈牙冰凍，好似較挺身嘅啫喱，味道清清淡淡甜甜哋，感覺唔錯！夏天呢度嘅甜品一定係消暑極品，冬天食也別有一番滋味！雖然個個都係買一兩杯，但招呼仍然熱情，難怪次次經過門口都係一大堆人！
好多人嚟澳門都一心想追尋香港差唔多絕跡嘅兒時懷舊甜品，除咗荷蘭園禮記嘅人氣雪糕三文治外，莫義記嘅大菜糕亦好出名，呢次要食大菜糕之外，亦想試吓佢個榴槤雪糕：
榴槤雪糕：雪糕嘅份量唔多，不過一絲絲嘅新鮮榴槤果肉就頗多，啖啖都食到榴槤肉；榴槤味道非常濃郁，就好似食咗新鮮榴槤嘅效果一樣，並唔係一般只靠人造榴槤香料製成嘅榴槤雪糕可以媲美！雪糕嘅質感滑溜，不過因為榴槤肉多，感覺似雪芭多過似雪糕，真係啖啖透心涼！嗰朕可惡嘅榴槤暗暗香味一直喺口腔裏面揮之不去，食完去瑪嘉烈排緊葡撻嘅時候不為意吐咗一啖胃氣，旁邊坐喺度食緊蛋撻嘅食客即刻同朋友講：點解有朕榴槤味嘅？真係唔好意思嘞，忍唔住！ 只要鍾意食榴槤嘅都唔應該錯過呢個味道真實嘅榴槤雪糕，食過一定番尋味！
芒果大菜糕：芒果味大菜糕嘅味道當然冇榴槤雪糕咁濃烈嘞，淡淡嘅芒果味頗簡單清新，大菜糕嘅質感滑溜爽口，彈牙冰凍，好似較挺身嘅啫喱，味道清清淡淡甜甜哋，感覺唔錯！
夏天呢度嘅甜品一定係消暑極品，冬天食也別有一番滋味！雖然個個都係買一兩杯，但招呼仍然熱情，難怪次次經過門口都係一大堆人！
張貼
