影片
更多
2011-06-27
14 瀏覽
好多年冇食過瑪嘉烈嘅葡撻喇，昨日再試，入口覺得太甜 (可能自己唔鍾意食太甜)。今次發表食評嘅主要因素係因為覺得佢服務態度太差！(雖然件事唔係發生喺我身上！)話說昨日喺短短買葡撻同食葡撻嘅廿幾三十分鐘裡面，已經睇到佢哋嘅服務員話咗D客幾次。事件一：見到有幾個女仔等位，當果枱客走嘅時候，咁果幾個女仔就坐低，更順便將剛走客人嘅膠杯同紙碟執埋一邊，點知有個短頭髮戴眼鏡嘅女服務員竟然同果幾個女仔講：「係唔係你執呀？俾你執埋佢喇！」攪到果幾個女仔非常尷尬！事件二：有兩個女仔買咗嘢飲同葡撻，佢哋買完之後就拎咗D葡撻出咗門口等位同等D服務員拎飲品俾佢哋，但當服務員拎咗杯熱飲出嚟俾佢哋，佢哋話係要凍飲，果個服務員亞姐就話：「你哋自己叫架嘛，依家又話要凍，你哋想要咩架？你自己入去攪掂佢呀！」事件三：有個女人同個男人講：「嘩！依度D服務態度真係差！我買完嘢只係收番啲錢落錢包先攞嘢啫，佢話我 (我相信佢應該講緊裡面嘅服務員) - 你喺喥摷咩呀？出咗去先摷啦！」 事件四：其實堂食嘅熱飲係由服務員送上的，咁有個服務員拎住幾杯熱飲出嚟派送，一路嗌NO.一路派俾D客，點知嗌到「12」嘅時候冇人應，咁個服務員(又係果個
今次發表食評嘅主要因素係因為覺得佢服務態度太差！(雖然件事唔係發生喺我身上！)
話說昨日喺短短買葡撻同食葡撻嘅廿幾三十分鐘裡面，已經睇到佢哋嘅服務員話咗D客幾次。
事件一：
見到有幾個女仔等位，當果枱客走嘅時候，咁果幾個女仔就坐低，更順便將剛走客人嘅膠杯同紙碟執埋一邊，點知有個短頭髮戴眼鏡嘅女服務員竟然同果幾個女仔講：「係唔係你執呀？俾你執埋佢喇！」攪到果幾個女仔非常尷尬！
事件二：
有兩個女仔買咗嘢飲同葡撻，佢哋買完之後就拎咗D葡撻出咗門口等位同等D服務員拎飲品俾佢哋，但當服務員拎咗杯熱飲出嚟俾佢哋，佢哋話係要凍飲，果個服務員亞姐就話：「你哋自己叫架嘛，依家又話要凍，你哋想要咩架？你自己入去攪掂佢呀！」
事件三：
有個女人同個男人講：「嘩！依度D服務態度真係差！我買完嘢只係收番啲錢落錢包先攞嘢啫，佢話我 (我相信佢應該講緊裡面嘅服務員) - 你喺喥摷咩呀？出咗去先摷啦！」
事件四：
其實堂食嘅熱飲係由服務員送上的，咁有個服務員拎住幾杯熱飲出嚟派送，一路嗌NO.一路派俾D客，點知嗌到「12」嘅時候冇人應，咁個服務員(又係果個有個短頭髮戴眼鏡嘅女服務員)見到「NO.12」張卡果個客竟然同佢講：「12呀！俾D反應好唔好？！」
唉 ～～ 學劉德華話齋：今日今日咁嘅服務態度，唔得架！
雖然真係好好生意、唔憂做，但係都希望都唔好咁樣對D客囉！！
張貼
