影片
更多
2010-01-08
19 瀏覽
哩間都有一段時間無去幫襯啦，因為一般都唔多食葡撻ge。咁o岩有同學由美國返黎，話好多年無食過葡撻，本身比較推薦路環安德魯ge，但由於無車唔太方便去到咁遠，於是就去左幫襯瑪嘉烈啦，諗住應該差不多架je，惡夢就開始喇...同學入去買完葡撻同咖啡出黎之後，我就入去買凍飲啦，咁正當我睇左一輪要飲乜野，開左個櫃門拿起杯凍奶茶ge時候，企凍櫃附近ge阿姐就好大聲咁："AAA，唔拿得架你，未買飛架你，買左飛先好拿啊!"我當堂呆左幾秒望住佢...完全O晒嘴，佢又碌返大對眼望住我，完全唔覺得自己好似嚇左我一跳咁...駛唔駛咁差啊d態度？細細聲講聲"唔好意思啊你買左飛先拿啦!"都得卦？更何況當時舖頭入面係得我同一兩個客je(今日唔係假期，兼且又凍又落雨，所以唔會太多人)，如果你多人驚有人走數ge你咁樣喝住佢都可以理解丫...佢咁喝住我真係令到我好尷尬，搞到我好似賊仔想偷佢杯奶茶咁...當時好想話返佢轉頭，或者照拿住杯奶茶去俾錢，但同學仔難得返黎行下，就費事搞咁多野，而且據我睇其他食評亦有人話佢地d服務態度唔ok，即係嘈完都唔會改，埋左收銀度買飛，拿左杯奶茶出去就算數。出去坐低諗住食下佢個葡撻啦，態度差d野
咁o岩有同學由美國返黎，話好多年無食過葡撻，本身比較推薦路環安德魯ge，但由於無車唔太方便去到咁遠，於是就去左幫襯瑪嘉烈啦，諗住應該差不多架je，惡夢就開始喇...
同學入去買完葡撻同咖啡出黎之後，我就入去買凍飲啦，咁正當我睇左一輪要飲乜野，開左個櫃門拿起杯凍奶茶ge時候，企凍櫃附近ge阿姐就好大聲咁："AAA，唔拿得架你，未買飛架你，買左飛先好拿啊!"
我當堂呆左幾秒望住佢...完全O晒嘴，佢又碌返大對眼望住我，完全唔覺得自己好似嚇左我一跳咁...
駛唔駛咁差啊d態度？細細聲講聲"唔好意思啊你買左飛先拿啦!"都得卦？更何況當時舖頭入面係得我同一兩個客je(今日唔係假期，兼且又凍又落雨，所以唔會太多人)，如果你多人驚有人走數ge你咁樣喝住佢都可以理解丫...
佢咁喝住我真係令到我好尷尬，搞到我好似賊仔想偷佢杯奶茶咁...當時好想話返佢轉頭，或者照拿住杯奶茶去俾錢，但同學仔難得返黎行下，就費事搞咁多野，而且據我睇其他食評亦有人話佢地d服務態度唔ok，即係嘈完都唔會改，埋左收銀度買飛，拿左杯奶茶出去就算數。
出去坐低諗住食下佢個葡撻啦，態度差d野好味都算數勒，點知...個葡撻係就係仲熱，但就食唔出雞蛋同牛奶ge果陣香甜味，味道同安德魯相差一截...杯奶茶都係唔好飲ge....
哩間瑪嘉烈真係唔會再有下次，以後再有朋友黎澳門，寧願遠d都會帶佢地去路環果間買...買完o係街邊食都好過貼錢買難受....
張貼