青洲劉記美食 (已結業)

今次去澳門大家指定要食嘅係豬扒包，多次去澳門都食唔到出名果間，其實要花上多時間去等一個豬扒包又好似好無謂咁，所以都係澳門openrice search到呢間大家激讚嘅店，所以一定要去試。原來此店距離澳門碼頭不太遠，搭的士都係約35蚊，但就在青洲小學後面，真係要搵一搵。大排檔feel， 一定係熱死辣辣架啦，好彩有好多把強力扇，如果唔係食到標油.....大家order左好多野食：豬扒包：包身表面脆，內里很軟，好正，豬扒亦醃得很好味。豬扒撈粗：豬撈固然好味，但麵條亦不錯，撈上汁，好味道。油菜：勁抵，阿姐話3.5一碟，唔係細細碟，亦很甜。西多士：勁好味，多士很厚，不像香港的西多中間亦沒有挾著花生醬，實在太正了！雞翼：多種食物中較平凡的一種。炸魚旦：初初以為類似四海啲炸魚旦咁，但原來係用上魚肉炸成，很好味！服務方面很不錯，阿姐都好nice！