安德魯餅店

營業中

休息中

盡管瑪嘉烈幾方便就腳幾好味都好，盡管氹仔官也街都有安德魯，盡管安德魯幾遠幾唔就腳，盡管.......食完瑪嘉烈葡撻，點都會心思思去埋安德魯係路環嘅總店，食勻兩間葡撻先感覺完美！今次除咗葡撻，重買咗一個香蔥火腿酥同香蔥芝士酥，但主角，當然係葡撻啦！蛋超幼滑，甜味啱啱好，皮起鬆脆，論香，味，脆，都比瑪嘉烈出色少少，即使山長水遠黎都覺抵！另外兩個酥，同樣蔥味不足，失望。感覺安德魯服務比瑪嘉烈出色，最低限度店員有親切嘅笑容回敬。安魯烈店鋪四週有好多地方被你慢慢食，甚至有海景同教堂被你一邊慢慢食，一邊慢慢欣賞風景，果份優閒感係瑪嘉烈俾唔到你，係瑪嘉烈重要同人搶位添。