行嚟行去都唔知食咩好
我想食 #乳豬
但新斗記只開中午12-3pm
想食韓國菜
但老公話不如食正常啲
入咗度小月
我記得幾年之前嚟過
好一般～
但今次有驚喜
當然服務態度係加分嘅
一入去見到我哋拎住行李
服務生立即過嚟幫手
坐低即刻有熱茶送上
🔸#祖傳肉燥飯 🍛
度小月以百年祖傳香醇肉燥
入到門口就見到有一鍋喺度
肉燥加入熱辣辣嘅飯
食到人心都暖埋😍
🔸#擔仔麵 🍜
小小嘅碗內，蝦仁🍤、肉燥
麵條好香。。。
基本上滑溜麵條好快食完一碗
🔸#蚵仔酥 🦪
鍾意佢逐粒分開
平時食蚵仔煎一餅比較heavy
一粒粒輕盈好多，又容易食到蚵仔鮮味
又咁易飽
🔸#三杯蝦粉絲煲 🦐
通常去食飯都會叫粉絲蝦煲
因為大人同小朋友都啱食
呢個係近年覺得最好食嘅～
粉絲爽滑、乾身，淡淡嘅胡椒味
蝦新鮮彈牙👍👍👍
🔸#沙茶牛肉 （加辣）🌶
好惹味，牛肉份量足
我哋三個食辣都根本上食唔晒
底下用椰菜墊底
連椰菜到清埋
🔸#台式糯米糍
呢個反而麻麻哋
比較硬身
唔夠港式嘅軟林林
