九如坊 (已結業)

地方就一般普通啦，如果唔熟地方就好難揾嘞，佢喺議事亭前地(俗稱噴水池)轉右入一條巷，入到一半左右再轉左入一處空地，" 九如坊" 就喺入面，該處空地原本係一憧舊樓，拆卸後嘅空地就做咗 " 九如坊" 嘅舖前露天枱椅區，再加上很多綠色植物修飾。Sangria 生菓酒幾好飲，洒味重，1公升要成百五元，都好貴，重貴過" 紅鶴" ( 九十幾元)，稍嫌碎菓肉太多。炸馬介休、馬介休梳乎厘、海鮮飯非常好食，尤其海鮮飯就最正嘞，啲飯汁好香，飯內好多餸，有成四至五係中蝦、一隻大青口、兩嚿大魚肉、些少魷魚肉等等。不過咖哩雜菜就太過普通、遜色，水準喺香港周圍都有，可以不試。雖然啲菜式好好食，但係價錢太貴，重貴過大酒店嘅 " 紅鶴" 。