李康記豆腐花 (已結業)

好耐無黎李康記食豆腐花了. 今次特意安排到一到.坐低後, 都未叫伙記埋黎, 伙記已經拎住一盆幾碗豆腐花埋黎問我地要三碗定四碗...咁岩我地要三碗, 佢就將佢手上既豆腐花放低俾我地喇...暖暖地既豆腐花, 望落已經覺得好滑, 加上花奶直頭超滑啦. 不過對奶無興趣既我就無落奶啦. 就咁食都好好味!! 自助加糖水, 可以控制甜度, 仲好啦~ 不過搞笑在連豆奶都係自己加糖水呀!!五蚊碗豆腐花, 去邊度搵? 香港都要DOUBLE價錢啦. 所以好抵呀!!!