更多
2013-04-29
811 瀏覽
一間裝修簡陃, 只係開夜晚兼只做外賣的車仔麵, 好多時都大排人龍, 我點都要一探究竟! 幾個人都要排十分鐘, 因為每人都唔止買一盒... 都有不少人嗌全餐麵... 好似我企響街頭度食真係得我一個, 澳門人通常都係買番屋企食的! 餐牌樣樣$18, 我真係唔知淨餸定有麵, 反正樣樣都想食, 倒不如來個全餐麵, 十幾樣餸都只係$37! 出奇的是, 撈麵竟然與湯麵同價, 同埋係用飯盒裝, 而唔係用湯兜! 個飯盒size比香港一般外賣飯盒還要大, 竟然有成尺長!師傅淥完麵, 響個網籬度加醬油撈好才入飯盒, 如果當正餐的話, 勸你一定要加底! 你睇下我盒野d麵響邊???? 賣相不太討好, 只見好多野扔埋一堆, 睇真d, 雞腳都有4隻! 絕無欺場! 那就先試雞腳! 好林好入味, 完全唔駛用牙咬都已經去晒d骨! 當然要咬一咬鬆條骨啜埋裏面d汁先冇嘥! 牛腩同樣好林, 原因係佢切薄片之餘, 每一舊仲要係半筋半腩, 我就係最鍾意食呢d牛碎腩! 黃色果兩舊一咬落去, 竟然係薯仔!!!! 我知道響澳門係普遍, 但我真係未試過薯仔送麵, 粉粉林林得薯仔味, 其實覺得唔夾的.... 麵就出奇的好奇, 生麵爽滑彈
餐牌樣樣$18, 我真係唔知淨餸定有麵, 反正樣樣都想食, 倒不如來個全餐麵, 十幾樣餸都只係$37! 出奇的是, 撈麵竟然與湯麵同價, 同埋係用飯盒裝, 而唔係用湯兜! 個飯盒size比香港一般外賣飯盒還要大, 竟然有成尺長!
師傅淥完麵, 響個網籬度加醬油撈好才入飯盒, 如果當正餐的話, 勸你一定要加底! 你睇下我盒野d麵響邊???? 賣相不太討好, 只見好多野扔埋一堆, 睇真d, 雞腳都有4隻! 絕無欺場! 那就先試雞腳! 好林好入味, 完全唔駛用牙咬都已經去晒d骨! 當然要咬一咬鬆條骨啜埋裏面d汁先冇嘥! 牛腩同樣好林, 原因係佢切薄片之餘, 每一舊仲要係半筋半腩, 我就係最鍾意食呢d牛碎腩! 黃色果兩舊一咬落去, 竟然係薯仔!!!! 我知道響澳門係普遍, 但我真係未試過薯仔送麵, 粉粉林林得薯仔味, 其實覺得唔夾的.... 麵就出奇的好奇, 生麵爽滑彈牙, 咬落去即係斷開, 唔會黏住d牙既感覺, 其他餸一般啦, 只係鴨紅比較差, 冇乜味又鞋又浪唔起d汁.... 整體而言都係好味的!
張貼
