🥔 葡式薯茸焗馬介休（MOP$94）
薯蓉細膩幼滑，調味唔會過鹹，馬介休嘅鹹香滲入薯蓉裡面，鹹香濃郁又唔會搶味，整體味道平衡，口感綿密👍🏻
🥩 葡式咖喱崩沙牛腩配咸麵包（MOP$92）
牛腩 燜得夠淋，完全吸收咗葡式咖喱獨特風味！🍛 葡式咖喱 帶微微辛辣，混合淡淡椰香，同印度或泰式咖喱唔同，冇咁濃烈香料味，反而有種溫和嘅醇厚感。麵包微微帶鹹味，沾埋咖喱汁食特別惹味，比單食更好味！
🥬 葡式炒雜菜（MOP$56）
炒雜菜用咗 酸酸甜甜嘅茄汁調味，但椰菜偏硬，冇咩特別驚喜，感覺較普通
整體嚟講，呢間葡國菜算係價錢親民，味道不過不失，馬介休同葡式咖喱算係有驚喜，如果想試地道葡國菜，又唔想去貴價餐廳，蕃茄屋都係個不錯嘅平民選擇，可以一試！
