影片
前排IG一直比佢地出品洗版，其實想試好耐，奈何每次經過大排長龍，網上評論甚至話至少等二三十分鐘，直到當日平日下午去個頭又咁好彩見到無人，終於試到我期待已久麻糬系列，麻糬系列可以揀奶茶/烏龍/鮮奶任一做茶底，甜度冰度可以調整，對麻糬無興趣仲有其他茶飲、鮮奶奶茶、布丁等選擇。.麻糬芋泥奶茶 正常甜正常冰 ($29)黑糖珍珠鮮奶 正常甜正常冰 ($29).麻糬、芋泥同奶茶係我好鐘意既組合，實在好難想像幾麻糬放落廢水界入面，吸起身有啲煙韌咬口又滑滑地，必須用飲管大力咁索，口感幾得意，奶茶正常甜度可以接受，有啲似台式奶茶。當飲曬麻糬同奶茶，我先吸到最底芋泥，有少許芋頭粒狀咬下，整體味道同配搭都算特別又好飲，但芋泥份量過小，幾啖無曬😂，另外麻糬再多啲就更好！我個人覺得麻糬有個魔力，令我想續杯繼續吸麻糬😆。.另一杯叫左近年來成為經典的黑糖珍珠鮮奶，珍珠煙韌有咬口，眼睇沖飲品過程，除左落明治鮮奶以外，有加唔知係鮮奶定cream落去，令我有啲意外，同行人話成杯比較膩。整體無預期中咁驚喜，可以一試，但唔需要排長龍試。
繼續閱讀
您可能會有興趣的...