阿志麵家

營業中

休息中

這個龍蝦麵超好食，價錢唔貴， 而且很有地道風味，店舖地方不算很大，有老澳門的味道。可以再配一支樽仔奶茶更加有風味，值得一試，但係逢星期一休息另外要記得夾啱時間先至好去。

之前聽過朋友介紹呢間隱世小店，今日專登去搵下！入到去鋪面唔大，只有幾張小枱，剛好有位，坐低叫咗一碗龍蝦麵，一個砂薑豬手，一杯凍咖啡。碗麵的湯底味道十分濃郁，豬手整得好林好入味，而且份量都算多，兩個人食都OK，個汁充滿沙薑和蒜頭的香味！😋😋😋杯咖啡都好飲。冇諗過咁嘅舖頭會飲到呢種包裝嘅凍咖啡，沒有加冰，唔會越飲越淡，值得一試😀😀😀臨走時跟老闆娘傾偈，原來佢哋都有擺康公夜市，星期日夜晚做唔停，所以星期一會好攰，一定會星期一休息唔開店！

睇完網上介紹、我同阿妹一早訓醒搭的士去搵依間舖！其實係大三巴行過去都唔遠！但要睇地圖慢慢搵！我地兩個人點左一個原隻龍蝦拉面、炸軟殻蟹、意大利醋排骨仔、剩雲吞同一枝羅漢果水！間舖得八個位！我地好在早黎！唔駛等即刻點餐！原隻龍蝦拉面既龍蝦係彈下既！個面都好好食！炸軟殻蟹個擺設以為去左高級餐廳！個排骨仔好似糖酸骨！個剩雲吞都好好味！細細粒！一啖一粒！事頭婆應該係個婆婆黎！同我地都好好傾！我地都掃哂成檯食物！沒有浪費！好滿足既一餐！

阿志麵家，算係一間澳門比較隱世嘅食店，食過一次之後就愛上咗！小弟最喜歡香口食物，所以叫咗個拉麵係用XO 醬撈麵，所以成個麵都好香，配料選擇豬軟骨，入口淋，唔太韌。不過呢度地點係比較難搵，而且澳門用google map又未必準，所以小心迷路呀！