1
0
0
電話號碼
+853 2875 1688
營業時間
今日營業
18:30 - 02:30
星期一至日
18:30 - 02:30
以上資料只供參考, 請與餐廳確認詳情
朋友大力推薦這家炭火燒烤果然厲害，我們星期一來也座無虛席，而且等位的人超多，建議大家先訂位。這裡食物款式很多，朋友點的都好好吃，特別是牛肉，豬肉，雞翼，魚都很juicy, 炭火燒的蒜蓉包好香脆。餐后甜品來一客涼粉清熱氣，大滿足。女士們必試水果茶，它是果汁加花茶，一「枝」有6杯左右，實屬女士打咭呃like必選。餐廳位置特別好，就在金沙附近，吃飽可以再下一城。
繼續閱讀
上個月去澳門住左晚，就系呢間食晚飯，好好食，烤肉大部份沒有醃製，原汁原味，老板人好好，我們點了T骨，原本打算每人一件，但老板友情提醒，肉好大件，而且會比較硬，果然，好大件，一件夠五個人食，真系好嚡，真心感激老板的提醒，要不然一人一件，其他就食唔落了，海鮮好鮮，大人細路食得好盡興，仲有八節，抵👍
繼續閱讀
本身都冇咩期待，所以就冇影到相，點知係驚喜之作，真係忍唔住分享下!行到攰攰地打算求其食餐就入左去，一行到入去已經有少少feel都算唔錯，有啲似韓國餐廳喜來稀肉。最正既係我見到佢竟然係用炭火燒！！老實講，淨係呢樣野已經加左分，啲風味同普通既鐵板冇得比！首先，我地一行8人叫左啲沙律食左先(因為嚟得快，我地好肚餓)，都叫幾唔錯幾開胃，啲柚子醋唔會落得太多太酸，啲份恰到好處令我地對嚟緊既野食有啲期待。因為某朋友係賭場贏左幾百蚊所以加碼叫左生蠔試試佢…一開始我地都鬧佢做乜係呢啲地方食(內心潛台詞係點解唔去酒店食！)然後見到細細粒蠔上嚟內心已經好不滿…點知！！！好新鮮好甜好飽滿…我個陣就好似係食神既家燕姐咁大叫好__好食！之後都好正常咁叫啲燒物食下，五花肉既肉質唔錯，燒到幾juicy…條燒魚冇得頂，個老闆係出面大爐幫我燒，好軟滑好新鮮，啲魚味出曬嚟。店內仲有兩部飛鏢機，當你等人等到悶、等到想發脾氣個陣，必備良物！當然，小妹係個啲三發之中會有兩支鏢係地下個啲，不過成班人一齊都有啲野玩下。Overall都幾好，尤其係食物水準。上次見到佢仲有燒鮑魚不過太飽就冇試到,不過下次去到就一定會試會影番啲相上嚟！
繼續閱讀
您可能會有興趣的...