瑪嘉烈蛋撻店

營業中

休息中

慕名而来，排队人挤人必不用说，出来发现明明给了三十港币，也用中、英文都告诉人说了要三个，打单就打了两只蛋挞（标价一只十元）。两张纸币和一张的区别很明显吧？当日收银员MXXY莫要装傻！当天去了另一家食铺，找零几百元忘了拿，老板跑出来找我给钱，差距啊

去到澳門必定要食葡撻, 瑪嘉烈葡撻最近大馬路又易搵到, 行到附近會有指示叫你行入巷仔。去到門口大排長龍, 多人多到要企係門口食葡撻。 等咗 15分鐘, 終於到我, 然後買了兩個葡撻 (每個 10元)。熱辣辣嘅葡撻, 香脆酥皮, 酥皮好多層, 啖啖奶油香, 好好食, 好足料, 10蚊個係值得嘅!

又黎澳門啦！近哩十年每次去澳門，一落船，就去瑪嘉烈！葡撻做早餐唔錯，碼頭行去又唔遠，最緊要，葡撻好味嘛！依家每次去澳門，總會食勻瑪嘉烈同路環安德魯，盡管安德魯好味d，但瑪嘉烈地點較方便，於是乎成為每次落船第一間幫襯嘅餐廳。鬆皮香脆，蛋軟滑，滿分！感覺一落船就可以係瑪嘉烈舒舒服服有位坐唔洗排餐死食到葡撻，係澳門旅程一個好開始！最可惜幫襯過幾次飲品，不論果汁同咖啡，味道都比較淡。下一站，添發食魚翅！PS:我入店幫襯時，唔該前，Thanks 后，老板娘回覆一句多謝，超窩心！要知道，香港人好多都極無禮貌喲！

來澳門第一站就是這家食店，到了門口就看到一條長龍。聽說這家食店的葡撻比較有名，買了兩件試試看。幸好排了十分鐘左右就買到，葡撻價錢比較貴，十蚊一個一口咬下去，熱燙燙的葡撻，酥皮沾油濃郁的奶油香，蛋黃比普通葡撻多，十分足料，物有所值。

💓澳門胃食之旅💓🌟招牌葡撻 🥧 $10♡黎到澳門就梗係要食葡撻啦😚😚😚 焦焦既表層，滑滑既蛋饀🥚🥚🥚 厚厚而酥脆既酥皮,邪惡度爆登😈😈😈 唔錯既，不過如果再熱啲就更好啦☺☺☺💕#reneemacau💕評分：😈😈😈😈( out of 5)

係噴射飛航 $40蚊個雜牌杯麵都照食，無辦法都要頂住肚先。轉眼落船都已經三點幾咯，仲未 lunch 好肚餓呢！即衝去瑪嘉烈食新鮮出爐燙嘴酥皮葡撻先得，未出發先興奮，期待期待。群情洶湧，人山人海，瑪嘉烈被重重包圍，唔洗錢咩！焗撻香味籠罩整條街，隔離食肆飯店就冷清清，對比十分大啊。終於搵到兩個座位瑟縮一角，此地已被州民、被賓賓佔據。算數，飲啖茶、食件撻好快結束。長長的人龍，排隊吧！不時聽到收銀嬸嬸責罵，內部唔準影相呀！中氣十足，哈哈。酥皮葡撻，熱到出煙呀，小心燙親櫻桃小嘴。滑嘟嘟嫩蛋，蛋面焦香可口，清爽甜味加超凡蛋香，還有酥皮鬆化牛油味強烈。併湊出 5 星色香味，香港絕對食唔到！係香港我全年都未必食一隻蛋撻，只有澳門葡撻我一口氣連食 6 個，全部都係我架！一次過食左 6 年既撻喇，太好食停唔到口啊！凍奶茶，天氣實在太熱喇，黎杯冰凍飲品先！無冰架喎，大啖啜透心涼，奶味清爽不膩，淡淡茶味出眾，幼滑順喉，送撻無得頂！歇一歇，出發下一站牛記咖哩，食食食再食食食，蟹粥蟹麵我黎喇！

餐廳環境：2/5 （店鋪外有枱櫈、但衛生環境不予置評）員工態度：3/5 （店舖除左賣蛋撻外，仲有即叫即製三文治，如果你只買三文治，不要排錯隊，因為條隊有時好長下）食物質素：3.5/5 （蛋撻真係好食；凍奶茶唔似奶茶，似奶水，香港人未必飲得慣）食物價格：3/5 （蛋撻價錢合理；凍飲還可）其他：1. 請預備散紙。

去到澳門，人生路不熟，除咗靠google map，其次要投靠既梗係openrice，話晒都係覓食指南。澳門黎講我就覺得葡撻係不得不吃既，但吃邊一間呢？search到呢一間熱門又啱方向，就去咗正值佛誕紅日，唔少人係街上走。天氣有30幾度既日子，面對住只有室外位既呢到，仍然見到啲人一個接一個咁排隊同紛紛喺度搵位置，諗住佢一定好好味，因此都帶有點期望。（後尾都有留意到其實餐廳好少清楚室外既桌椅）佢既經營模式係先排隊付錢後攞貨，然後自己搵位坐。 咁作為新食客黎講，唔知道原來佢喺呢個經營模式，就諗住去攞完嘢食之後俾錢啦。點知企係葡撻架既阿姨態度極差我一行到過去，諗住睇下有無貼住價錢/問下幾錢之際，佢伸手想要張單，我先知道係要比咗錢先。（有段小插曲：我諗住難得黎到澳門openrice熱門餐廳，就諗住影相寫食評。佢個樣勁衰咁加揮手拒絕，有必要咁無禮貌嗎？）咁我轉個頭就去收銀買野食，諗住「算，都係硬食一次」就買咗個葡撻，都要$10一個架，因為同行既朋友唔食，最後都只係買咗一個試試佢。我拎住張單去比葡撻個阿姨，其實佢都無認真睇張單，一野就夾咗兩個比我，然後我同佢講：我買咗一個咋。佢隨即將兩個葡撻既袋掉埋

話說黎澳門玩，飲飲食食嘅第一站行到新馬路，食完陳光記就醒起附近有瑪嘉烈。瑪嘉烈蛋撻店嗰位置都幾入下，係條巷仔入面。我自己黎親澳門都必食瑪嘉烈嘅葡撻，因為真係勁好食啱啱食完陳光記，就應該要食個飯後甜品喇。不得不說個門面好靚好有葡國特色。好香蛋味，又夠脆個樣好奇怪，同香港見到嘅牛角包唔一樣樣嘅。但幼邊係超脆，但包身就真係似普通牛油面包，唔夠脆。呢道3樣嘢夾埋都係30蚊好正，如果唔係頭先係陳光記食咗個早餐飯，我諗會買多幾個葡撻食。P.S. 我自行程太緊密，搞到回程返港嘅時候冇時間買1打葡撻，後悔死我。好掛住瑪嘉烈啲葡撻。

每一次到訪澳門都必需要食的葡撻今天天氣非常熱34度☀️門外已經出現一條很長的人龍🚶🏻‍♀️🚶🏻‍♂️🚶🏻‍♀️🚶🏻‍♂️🚶🏻‍♀️🚶🏻‍♂️在烈日曝曬下排隊🔥大家都被汗水濕透全身💦為求的就是吃到新鮮熱騰騰出爐的莆撻

瑪嘉烈葡撻 $10澳門之旅第一站 遠近馳名既葡撻熱辣辣食落幾好食 朋友覺得啲撻皮麻麻 我就覺得算係咁 過澳門前特登去kfc叫左件葡撻食比較下 明顯分得出高下澳門通街都賣葡撻 建議搵啲有名氣有人龍排隊既 唔係前世未排過 而係葡撻賣得快做得快 新鮮滾熱辣係加分關鍵 希望下次可以試埋安德魯葡撻再比較下

盡管安德魯嘅葡撻比瑪嘉烈好味，但每次去澳門，一落船，第一站總會去瑪嘉烈食葡撻當早餐。去到見到排成70幾人嘅龍，怕怕，轉去陳光記食燒鴨先，翻轉頭得十幾人排隊，唔洗排好耐，okay，排隊幫襯！嘩！個葡撻好熱！熱到辣咀！香港嘅撻，分牛油曲奇底同酥皮底，自己中意酥皮底，瑪嘉烈嘅酥皮底，好脆，好多層，但唔係好厚，係香港食唔到哩種口感，正！食咗瑪嘉烈十多年，品質保持不變，感恩！ps:一直感覺澳門食巿好鬼有性格，今次幫襯瑪嘉烈，聽到老闆娘兜口兜面話d內地人無禮貌！型呀！

朋友同我講，澳門的呢間蛋撻好好食，所以同另一半遊澳門，都專乘要去試試。來到門口，無論排隊或者門外的食客都好多，果然很有人氣。所以忍唔住買咗半打，一打開個盒，濃濃的蛋香散發出來。拎上手係暖暖地，外皮係好厚身。一咬落去係酥皮的口感，而且好重蛋香，質感跟外皮同樣地厚，也帶有點點焦糖的甜味，朋友果然冇介紹錯~

タルトの中にプリンが入っているような食感でとても美味しかったです。日曜で周りの、お店はお休みが多い日だからなのか、1-2分ほどであまり待つことも無く食べられました。

每次去到澳門出差一定要抽時間黎一趟瑪嘉烈，今次就剛剛好趕及六點收鋪前最後一爐，是星期日所以遊客眾多，人龍排左幾十人，睇黎瑪嘉烈葡撻仍然係咁受歡迎。位置係葡語學校旁邊的一條橫街。有職員指示先到櫃面買飛，然後再排隊攞野食。六點正準時出爐，一𣊬間就攞到新鮮熱辣嘅葡撻，酥皮好鬆化，蛋漿嫩滑香甜，面頭嘅焦糖燒得剛剛好，一次過要食兩個! 十蚊一個，性價比非常高! 十蚊一個，55蚊六個嘅葡撻，水準依舊非常高，下次到澳門一定要再黎!