澤賢記

營業中

休息中

位於澳門馬場亞威羅街嘅 澤賢記 係一間小店，喺美景花園美都閣地舖，環境簡單，感覺同周圍嘅社區氣氛好貼合。店主要賣傳統小食，營業時間由中午12點到晚上10點，星期一休息，純粹用現金付款今次我試咗佢哋嘅招牌 葡撻味雞蛋仔，店員話呢個係皇牌賣點。雞蛋仔每粒表面有個菠蘿包皮嘅設計，看落幾特別，賣相都算吸引。但食落口感覺麻麻，蛋仔有啲硬同韌，唔夠鬆軟，葡撻嘅香味亦好似唔夠突出，味同我想像有啲落差。如果淨係想打卡留念，呢個造型可能會有啲吸引力，但味道上真係一般，唔算太令人回味。服務方面，店員態度普通，落單同上菜都幾快。價錢我唔記得太清楚，但喺澳門街頭小食嚟講，感覺有啲偏高。份量唔算多，食完覺得試過就夠，唔會特登再去。總括嚟講，澤賢記嘅葡撻味雞蛋仔賣相勝於味道，造型有新意，但口感同味道上可以再改善。喺馬場一帶試吓新口味嘅朋友可以考慮，但對於追求味道嘅人嚟講，試一次就差唔多。下次或許會試吓佢哋其他小食，睇吓有冇更好嘅表現。

已經好耐冇去澳門成日都見到好多人分享呢間雞蛋仔有段時間仲要排好耐先有得食最誇張聽過係要兩個鐘？好彩我去果陣唔使排隊見到Menu已經十五十六好多都好想食不過真係唔肚餓 揀咗最熱門嘅葡撻味雖然冇之前咁誇張，要等咁耐但由於都係即叫即制最起碼要15至20分鐘～喺側邊望住佢點樣整勁重手，整咗勁多葡撻餡入去😆😆✨真係完全係值得等架🤤🤤外脆內嫩 omg 好滑好嫩好creamy😍😍實係好香燉蛋又好似布甸咁絕對無失望🫶🏻下次想試下其他味但係澳門必食葡撻，一定要試！🥳

澳門人氣葡撻雞蛋仔-澤賢記葡撻..加雞蛋仔🧐你無聽錯呀，2款野可以friend架🤣係咪未試過呢😏嚟到澳門除咗食葡撻之外，點都要試試呢款新鮮整既葡撻雞蛋仔🥰因為即叫即整，當日前面有幾個人咋，所以等左10分鐘左右，就有得食啦🥰拿上手已經急不及待想食😂表面外脆內軟，入面嘅熱辣辣葡撻餡好香，每粒都係滿哂架😂蛋漿好滑，好香😌記住唔好放咁耐先食，會淋左😅無咁好食

人哋話澤賢記喺澳門必食😋上網見人哋差唔多要排成一粒鐘 即刻有啲卻步🥺好彩仔細搵吓啲分店 原來淨係氹仔都有幾間 呢間地理位置超好💕 如果大家食完金利雞米 慢慢行五至七分鐘就到😚 當散吓步之後又食甜品🤣🌟招牌原味葡撻雞蛋仔 MOP38 (8.5/10)雖然冇乜人排隊 但係都等咗差唔多15分鐘🤣 因為叫完佢先即刻人手整 每一粒都有滿滿嘅葡撻 都算係幾足料😚不過要小心個葡撻真係好熱🤣 蛋香味算係濃😋🌟靜岡綠茶葡撻雞蛋仔 MOP35 (6.5/10)會話原味真係最好食 呢個食落唔似綠茶味 反而係有一浸好重嘅茶味🥲 重到好似有少少燶燶哋咁嘅味🥺 之後個茶味又冚過咗啲蛋香味 食落去就冇咁好食～

見上網咁多人食依個葡撻雞蛋仔，所以特登嚟見識下。好彩今日雖然係星期日，但係都唔係好多人等，大約等咗15分鐘就有個雞蛋仔出爐。叫咗佢哋招牌嘅葡撻雞蛋仔。新鮮整好嘅時候係好熱，食落去啲葡撻好好味，唔算話好甜，而個雞蛋仔都好脆口，加埋成件事都幾好味，係令你食完再想食嘅感覺。不過價錢上面就有啲貴，比普通嘅雞蛋仔再貴一倍。但係都值得試吓👍🏻

葡撻蛋球仔 🧇 MOP36 澤賢記原來已經創立左接近80年 ， 係澳門有6間分店。 雞蛋仔即叫即造， 大約都等左15 分鐘。 新鮮出爐既雞蛋仔好挺身， 皮脆得黎厚薄剛好， 入面加左葡撻蛋漿， 微甜 ， 食落外脆內軟， 好夾👍🏻