78
38
45
等級1
1
0
我想講,我係香港和澳門(什至亞洲地區),周圍食左十幾年,係openrice做cd rom都好多年,從未想過寫食評,因為覺得有太多高手前軰,我文筆唔好,無謂多寫,今次第一次寫都唔係食評,只係好想同大家分享我既經歷幾個家庭來澳門玩,吃完晚飯約晚上十點,有些小朋友要瞓,所以宵夜環節,只有5大2小出動,剛剛食完晚飯,其實都好飽,難得放下年幼子女,當然想盡情吃,但無奈實在太飽關係,打算分吃可以少食多滋味,如果好好吃,明天便跟缺席者再來這店平時很多人排隊,這晚十時過少少到達,見不用等位,當時店內只有一枱客,大家都輕鬆坐下,當我們商量吃那一款的時候,疑似老闆已不停提醒我們要一人一碗,不能分吃如果在人多時段,我是非常明白,不要令人減少收入嘛,我們見最平一碗$25,如果我們5人都叫$25碗,即整枱最低消費是$100,於是我們叫了3碗$60的,5人當中,有2人胃口偏小,只想試2啖(不用分碗),3煲羹上桌後,我們要求多2隻匙,未開口,老闆便一輪咀不客氣地向我們說了一些有的沒的說話,內容大約說我們香港人不要幫襯最好,他店明明十點關門但仍樂於接待我們(我們離開時也有新客坐下),已表示他們的誠意,可是我們卻沒誠意
更多
我想講,我係香港和澳門(什至亞洲地區),周圍食左十幾年,係openrice做cd rom都好多年,從未想過寫食評,因為覺得有太多高手前軰,我文筆唔好,無謂多寫,今次第一次寫都唔係食評,只係好想同大家分享我既經歷

幾個家庭來澳門玩,吃完晚飯約晚上十點,有些小朋友要瞓,所以宵夜環節,只有5大2小出動,剛剛食完晚飯,其實都好飽,難得放下年幼子女,當然想盡情吃,但無奈實在太飽關係,打算分吃可以少食多滋味,如果好好吃,明天便跟缺席者再來

這店平時很多人排隊,這晚十時過少少到達,見不用等位,當時店內只有一枱客,大家都輕鬆坐下,當我們商量吃那一款的時候,疑似老闆已不停提醒我們要一人一碗,不能分吃

如果在人多時段,我是非常明白,不要令人減少收入嘛,我們見最平一碗$25,如果我們5人都叫$25碗,即整枱最低消費是$100,於是我們叫了3碗$60的,5人當中,有2人胃口偏小,只想試2啖(不用分碗),3煲羹上桌後,我們要求多2隻匙,未開口,老闆便一輪咀不客氣地向我們說了一些有的沒的說話,內容大約說我們香港人不要幫襯最好,他店明明十點關門但仍樂於接待我們(我們離開時也有新客坐下),已表示他們的誠意,可是我們卻沒誠意的要分吃他們的「珍貴的精華」,說如果我們不喜歡可以不做我們生意,我們十分無奈,已經有禮貌地不停說我們就是平時人多沒機會試,現在有機會很想試,可是實在吃不多(是的,就是老闆形容十分細的碗的份量都不能一人一碗),我們的解釋,在老闆眼中原來是另一回事,老闆隨即說我們大多說話,十分討厭,其實我們都有打算起身離開算了,但不知何來的忠誠,被罵到快要哭都很想吃,於是跟老闆說抱歉,我們不想令他不開心,3煲湯羹打包好了
老闆取回拿去打包時繼續不停碎碎念,不停說「你們不高興可以不要的,不用勉強外賣啦」我們真的十分委屈耶,再次說真的想吃,打包ok的
唉!為了一碗長龍湯羹,就被人教訓了十分鐘
原本想返回酒店跟未能同行的團員分吃,最後在竹星面店分吃完竹星面,老闆娘好好的拿碗匙讓我們在店內分吃外賣湯羹,由於心情影響味覺的關係,此刻不便評論味道

原本都覺得家有家規,店有店規,應該尊重人家,外賣是雙贏的選擇,還在自圓其說

可是回到酒店,上來openrice見上篇的食家說「可以分吃」,這刻我的心情實在百感交集,不明白為何好地地,十分鐘消費$180會得到這樣的體驗

心想莫非正如我的澳門好友話事齋「澳門因為旅客氾濫的關係,以往居民的親切友善隨著生意太好不憂做,所以店主的原則和心情已經無限放大,澳門人都不喜歡去遊客店」

幸好之後淺嘗的2店令我們得到窩心的服務,滿足愉悅的感覺,証明澳門的人情味仍在,說實在人情味往往都能夠提升食物的「味道」,我喜歡的澳門仍沒變啊,感恩!
(以上食評乃用戶個人意見 , 並不代表OpenRice之觀點。)
張貼
評分
用餐途徑
外賣自取
人均消費
$36 (宵夜)
等級4
2012-10-01 425 瀏覽
由於住左係氹仔,晚上專登坐的士過來食翅食宵夜~來到已經接近11點,店員在做清潔,見到我們一行四,又安排我們坐下,真好彩,唔駛摸門釘。叫了2煲瓦煲花膠魚翅($85),另叫了2碗豪華碗仔翅($38)~我們分來吃,發覺原來兩款翅的味道都是一樣,只是貴價的一款有埋花膠啫,而且煲翅好濃味,我唔知係加左好多鹹定係好多味精,但我食得好唔舒服,對於味精之類的化學品,我的胃有點受不了,這次是我第一次幫襯,亦是最後一次了
更多
由於住左係氹仔,晚上專登坐的士過來食翅食宵夜~

來到已經接近11點,店員在做清潔,見到我們一行四,又安排我們坐下,真好彩,唔駛摸門釘。

叫了2煲瓦煲花膠魚翅($85),另叫了2碗豪華碗仔翅($38)~
鹹爆!!
100 瀏覽
0 讚好
0 留言
我們分來吃,發覺原來兩款翅的味道都是一樣,只是貴價的一款有埋花膠啫,

而且煲翅好濃味,我唔知係加左好多鹹定係好多味精,但我食得好唔舒服,對於味精之類的化學品,我的胃

有點受不了,這次是我第一次幫襯,亦是最後一次了
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$62 (宵夜)
等級4
657
5
2011-12-13 194 瀏覽
朋友帶我來食碗仔翅. 原來這店都挺出名. 上次來澳門看到門口大排長龍, 看到廿多元一碗的碗仔翅還是走了. 今次9時多到達, 店內不多人. 隨意坐下叫了幾碗翅.份量不多, 但都幾真材實料吧. 雖然知不會是真的, 但食起上來滿口索索聲, 挺過癮. 而且味道不錯, 主要是因為狂落旁邊的麻油和醋調味.但不竟它不是大碗而且味道和香港食的分別不大, 香港的還只賣$15, 我自己的話就不會再來. 若朋友想來食我也不妨再食一次.
更多
朋友帶我來食碗仔翅. 原來這店都挺出名. 上次來澳門看到門口大排長龍, 看到廿多元一碗的碗仔翅還是走了.

今次9時多到達, 店內不多人. 隨意坐下叫了幾碗翅.

份量不多, 但都幾真材實料吧. 雖然知不會是真的, 但食起上來滿口索索聲, 挺過癮. 而且味道不錯, 主要是因為狂落旁邊的麻油和醋調味.
但不竟它不是大碗而且味道和香港食的分別不大, 香港的還只賣$15, 我自己的話就不會再來. 若朋友想來食我也不妨再食一次.
81 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2011-08-20
用餐途徑
堂食
人均消費
$22
等級3
99
0
2011-12-02 147 瀏覽
黎得澳門就緊係喪食架啦, 今次又點少得食魚翅既一份呢? 四人行夜晚8點左右就黎到, 都仲有個人排緊隊, 大慨等左10分鐘左右先入得呀! 呢個雞絲竹笙砂鍋魚翅係3-4 人份量的, 裡面真係有翅架, 有d仲好大塊添, 好正!豪華碗仔翅, 哩個d 料比較少, 味道冇砂鍋翅咁濃, 可能我鐘意較濃味少少, 所以覺得砂鍋魚翅好味d.呢度岩哂我哩D 窮鬼, 冇錢買翅食, 哩度好抵食又好味! 下次再黎一定ENCORE 砂鍋魚翅!
更多
黎得澳門就緊係喪食架啦, 今次又點少得食魚翅既一份呢?
四人行夜晚8點左右就黎到, 都仲有個人排緊隊, 大慨等左10分鐘左右先入得呀!
192 瀏覽
0 讚好
0 留言
82 瀏覽
0 讚好
0 留言
呢個雞絲竹笙砂鍋魚翅係3-4 人份量的, 裡面真係有翅架, 有d仲好大塊添, 好正!
58 瀏覽
0 讚好
0 留言
豪華碗仔翅, 哩個d 料比較少, 味道冇砂鍋翅咁濃, 可能我鐘意較濃味少少, 所以覺得砂鍋魚翅好味d.

呢度岩哂我哩D 窮鬼, 冇錢買翅食, 哩度好抵食又好味! 下次再黎一定ENCORE 砂鍋魚翅!

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$72
推介美食
  • 雞絲竹笙砂鍋魚翅
等級2
20
0
2011-09-04 97 瀏覽
兩年前去澳門已經想試下, 但幾次經過都排好長的隊, 所以都放棄了.今次再去澳門, 出奇地竟然只得三四個人, 所以便走埋去排, 但都要等上15分鐘! 都仲要跟另外兩個朋友分開坐! 咁我哋因為唔咪好餓, 只是想試下, 便打算兩個人叫一個. 個阿姐便有點寸咁話, 一定要一人叫一個. 咁我哋就叫了一個$38的豪華碗仔翅, 同$55的花膠海參煲仔翅. 咁兩碗嚟到, 我食$55那煲, 老公食$38那碗, 我想分啲比老公, 咪叫佢比隻碗仔囉! 點知個阿姐好差態度咁話, 兩碗一樣味架, 只係一個有花膠海參一個無. 點呀? 想要個碗仔都唔得? 我咪話, 我要落醋落麻油, 我老公唔食, 所以咪要隻碗仔. 個阿姐之後就黑晒口面好唔願意咁攞了隻碗仔比我哋! 後來我哋的朋友(佢哋坐另一枱)食完出來, 仲講我哋知, 同佢哋枱有一對男女, 兩個都叫了煲仔翅, 咁因為熱, 佢哋想要個碗仔, 分出來歎涼食. 個阿姐又係同一番話, 兩煲一樣, 唔駛用碗仔分. 其實大家都已經各叫了一煲, 比隻碗仔有幾辛苦佢? 辛苦佢要洗多隻碗? 真的百思不得其解.至於味道....真係有點失望囉! 以前見啲人係咁排隊都要食, 以為好好味,
更多
兩年前去澳門已經想試下, 但幾次經過都排好長的隊, 所以都放棄了.
今次再去澳門, 出奇地竟然只得三四個人, 所以便走埋去排, 但都要等上15分鐘! 都仲要跟另外兩個朋友分開坐!
咁我哋因為唔咪好餓, 只是想試下, 便打算兩個人叫一個. 個阿姐便有點寸咁話, 一定要一人叫一個. 咁我哋就叫了一個$38的豪華碗仔翅, 同$55的花膠海參煲仔翅. 咁兩碗嚟到, 我食$55那煲, 老公食$38那碗, 我想分啲比老公, 咪叫佢比隻碗仔囉! 點知個阿姐好差態度咁話, 兩碗一樣味架, 只係一個有花膠海參一個無. 點呀? 想要個碗仔都唔得? 我咪話, 我要落醋落麻油, 我老公唔食, 所以咪要隻碗仔. 個阿姐之後就黑晒口面好唔願意咁攞了隻碗仔比我哋!
後來我哋的朋友(佢哋坐另一枱)食完出來, 仲講我哋知, 同佢哋枱有一對男女, 兩個都叫了煲仔翅, 咁因為熱, 佢哋想要個碗仔, 分出來歎涼食. 個阿姐又係同一番話, 兩煲一樣, 唔駛用碗仔分. 其實大家都已經各叫了一煲, 比隻碗仔有幾辛苦佢? 辛苦佢要洗多隻碗? 真的百思不得其解.

至於味道....真係有點失望囉! 以前見啲人係咁排隊都要食, 以為好好味, 怎知都係不外如是. 我甚至懷疑佢有落味精. 翅, 海參同花膠本身都係無味既東西, 我就唔咪好見碗翅裡有金華火腿之類的東西, 碗嘢咁濃味, 唔咪味精, 啲咪係响邊度出嚟呢?

最後我終於明白點解現在只得三幾個人排隊, 原因就係味道普通但服務極差的關係囉! 可能過多兩年我再去, 都唔知仲係唔係度添!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2011-09-03
等候時間
15 分鐘 (堂食)
人均消費
$45 (下午茶)
等級4
2011-08-12 44 瀏覽
整理好行李後, 我們馬上去找回上次吃魚翅的地方.下午茶時間, 還是要排隊等位. 大約15分鐘就有位了.另一半叫了個海參魚肚煲仔翅怎麼跟上次吃的差那麼多? 湯底稀絲絲的, 魚翅一小塊也不見, 只看到很多魚肚......我的是貴一點的海參魚肚大隻翅只是魚肚更多更大塊....魚翅....不太找得到.吃完後我倆一致覺得比以前差太多了, 下次可以不用再來.
更多
整理好行李後, 我們馬上去找回上次吃魚翅的地方.
下午茶時間, 還是要排隊等位. 大約15分鐘就有位了.

另一半叫了個海參魚肚煲仔翅
54 瀏覽
0 讚好
0 留言
怎麼跟上次吃的差那麼多? 湯底稀絲絲的, 魚翅一小塊也不見, 只看到很多魚肚......

我的是貴一點的海參魚肚大隻翅
58 瀏覽
0 讚好
0 留言
只是魚肚更多更大塊....魚翅....不太找得到.
吃完後我倆一致覺得比以前差太多了, 下次可以不用再來.
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
等候時間
15 分鐘 (堂食)
人均消費
$80 (下午茶)
等級1
3
0
2011-06-29 15 瀏覽
食完祥記行前一分鐘就係添發碗仔翅,己經有十幾人排隊,等咗三十分鐘先到我哋,才發覺得三張四人枱,同埋靠牆幾個位,怪不得要等咁耐,堂食人頭計,就算叫窩百幾蚊砂鍋魚翅都唔得,我只是一嘗心態,點了最平$22鷄絲翅,當然不能有所要求,都叫做新鮮滚熱辣~
更多
食完祥記行前一分鐘就係添發碗仔翅,己經有十幾人排隊,等咗三十分鐘先到我哋,才發覺得三張四人枱,同埋靠牆幾個位,怪不得要等咁耐,堂食人頭計,就算叫窩百幾蚊砂鍋魚翅都唔得,我只是一嘗心態,點了最平$22鷄絲翅,當然不能有所要求,都叫做新鮮滚熱辣~
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2011-06-25
等候時間
30 分鐘 (堂食)
人均消費
$22 (晚餐)
等級2
5
0
2011-06-20 22 瀏覽
講真, 佢地老闆d態度真係完全唔得.最大問題係, 佢又唔主動介紹一下d翅既佢分別給客人知, 一味叫人一次過叫曬4碗 (我地一行四人), 還有, 我地初次去, 真係唔知要以人頭去order的, 而且, 佢又唔講明order時只叫價錢便可喎, 當我地order時, 梗係叫xx翅架啦.. 跟著佢既態度同聲線好明顯係串果隻囉.當魚翅來到時, 講真. 以呢個price去食就唔係真係咁貴的, 可以話ok.但係當真係有食翅或做海味生意既人黎講就......唔係咁靚囉. 只可以話佢有唔同既煮法罷了.如有機會的話, 我會choice過第二間去食, 唔會再去這間.
更多
講真, 佢地老闆d態度真係完全唔得.


最大問題係, 佢又唔主動介紹一下d翅既佢分別給客人知, 一味叫人一次過叫曬4碗 (我地一行四人), 還有, 我地初次去, 真係唔知要以人頭去order的, 而且, 佢又唔講明order時只叫價錢便可喎, 當我地order時, 梗係叫xx翅架啦.. 跟著佢既態度同聲線好明顯係串果隻囉.

當魚翅來到時, 講真. 以呢個price去食就唔係真係咁貴的, 可以話ok.
但係當真係有食翅或做海味生意既人黎講就......唔係咁靚囉. 只可以話佢有唔同既煮法罷了.

如有機會的話, 我會choice過第二間去食, 唔會再去這間.
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2011-07-31
等候時間
10 分鐘 (堂食)
人均消費
$60 (午餐)
等級1
2
0
2011-06-18 15 瀏覽
添發碗仔翅根本唔好食...價錢又貴,喺香港嘅普通街邊碗你仔翅都好食過佢...香港嘅朋友唔信我講嘅話可以自己去試吓.....地方好細,但係服務態度都可以嘅...最平嘅所謂翅都35蚊...根本無咩料..跟住嘅就係55蚊..有少少翅..但係都係食緊豆粉水咁...再貴d就係80蚊...總之就係唔抵
更多
添發碗仔翅根本唔好食...價錢又貴,喺香港嘅普通街邊碗你仔翅都好食過佢...香港嘅朋友唔信我講嘅話可以自己去試吓.....地方好細,但係服務態度都可以嘅...最平嘅所謂翅都35蚊...根本無咩料..跟住嘅就係55蚊..有少少翅..但係都係食緊豆粉水咁...再貴d就係80蚊...總之就係唔抵
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2011-06-04
等候時間
10 分鐘 (堂食)
等級2
6
0
2011-06-16 12 瀏覽
不明平日去都有咁多人排隊等候,座位又迫,以為好味道!食完好失望,d人講到好好味(除咗有兩件所謂魚翅仔)都不外如事味道ok~但話好好味, 不如話好好味精....我一行五人食完渴到...即刻要找地方買野飲解味精,....*絶無下次 (講真太子d碗仔翅好味過佢)真係要多得傳媒~推介.....(唔試過真係不知道又比人欺騙!)
更多
不明平日去都有咁多人排隊等候,座位又迫,以為好味道!
食完好失望,d人講到好好味(除咗有兩件所謂魚翅仔)都不外如事
味道ok~但話好好味, 不如話好好味精....
我一行五人食完渴到...即刻要找地方買野飲解味精,....
*絶無下次 (講真太子d碗仔翅好味過佢)
真係要多得傳媒~推介.....(唔試過真係不知道又比人欺騙!)
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2011-06-13
等候時間
20 分鐘 (堂食)
人均消費
$38 (下午茶)
等級3
37
0
2011-06-04 8 瀏覽
上次黎澳門添發竟然咁arm休息今次無論如何一定要食到 \_/12點去到發現原來佢1點先開 =__=唯有行下先la12點11就行返過去點知入面已經坐滿人外面亦都有一條隊la =__=等左15分鐘我地決定叫一個招牌海參花膠煲仔翅同一個濃湯翅海參花膠都幾多料海參有2舊...花膠有4舊...size都唔算細濃湯翅有大約4梳翅真係超大梳不過個湯好似咸左少少overall黎講添發都比附近果間X客好好多同埋終於明白點解上次X客都要排半個鐘全因為添發無開d客過晒去今日X客完全唔洗排隊
更多
上次黎澳門添發竟然咁arm休息
今次無論如何一定要食到 \_/

12點去到發現原來佢1點先開 =__=
唯有行下先la
12點11就行返過去
點知入面已經坐滿人
外面亦都有一條隊la =__=

等左15分鐘
我地決定叫一個招牌海參花膠煲仔翅同一個濃湯翅
海參花膠都幾多料
海參有2舊...花膠有4舊...
size都唔算細

濃湯翅有大約4梳翅
真係超大梳
不過個湯好似咸左少少

overall黎講添發都比附近果間X客好好多
同埋終於明白點解上次X客都要排半個鐘
全因為添發無開d客過晒去
今日X客完全唔洗排隊
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2011-06-02
等候時間
15 分鐘 (堂食)
人均消費
$70
等級2
18
0
2011-05-24 32 瀏覽
去完大三巴就去福隆新街行下, 依~~~點解咁多人排隊, 原本係食碗仔翅, 但係咁多人排隊即係好野, 可是門外已經有成十個人排隊, 最後決定外賣豪華碗仔翅 $38蚊, 等左十分鐘仲落雨添, 只好在簷下食左佢, 味道可以, 材料有蛋, 肉絲, 竹笙及兩片有湯匙咁大的魚翅如果下次有時間先入去食煲仔翅
更多
去完大三巴就去福隆新街行下, 依~~~
點解咁多人排隊,
67 瀏覽
0 讚好
0 留言
原本係食碗仔翅, 但係咁多人排隊即係好野, 可是門外已經有成十個人排隊, 最後決定外賣豪華碗仔翅 $38蚊,
95 瀏覽
0 讚好
0 留言
等左十分鐘仲落雨添
, 只好在簷下食左佢, 味道可以, 材料有蛋, 肉絲, 竹笙及兩片有湯匙咁大的魚翅
70 瀏覽
0 讚好
0 留言
如果下次有時間先入去食煲仔翅

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
等候時間
10 分鐘 (外賣自取)
人均消費
$38
推介美食
  • 豪華碗仔翅
等級2
28
0
2011-04-18 12 瀏覽
有一次行過紅窗門, 又未食過呢間d 碗仔翅, 聽日朋講話ok...咁就入去買返屋企食la...叫左一個招牌魚肚海參大隻翅, 一個豪華碗仔翅, 一個雞絲竹笙碗仔翅...佢係即叫即煲ge...so都要等一陣la, 拎左返屋企就梗係即刻開黎食...招牌魚肚海參大隻翅 - 我唔覺得佢舊翅可以稱大隻lo...又加左醋同麻油...total只係食到d醋同麻油味...豪華碗仔翅 - 就ok la... 都係好普通ge碗仔翅味,就係多左1~2條薄到不得了ge海參...雞絲竹笙碗仔翅 - 呢碗就真係碗仔翅咁lo...有咩咁特別...最特別ge就係佢特別貴lo...如果可以比我簡...就算佢同出面ge碗仔翅一樣價錢...我都未必會食佢...
更多
有一次行過紅窗門, 又未食過呢間d 碗仔翅, 聽日朋講話ok...咁就入去買返屋企食la...
叫左一個招牌魚肚海參大隻翅, 一個豪華碗仔翅, 一個雞絲竹笙碗仔翅...佢係即叫即煲ge...so都要等一陣la, 拎左返屋企就梗係即刻開黎食...
招牌魚肚海參大隻翅 - 我唔覺得佢舊翅可以稱大隻lo...又加左醋同麻油...total只係食到d醋同麻油味...

豪華碗仔翅 - 就ok la... 都係好普通ge碗仔翅味,就係多左1~2條薄到不得了ge海參...
雞絲竹笙碗仔翅 - 呢碗就真係碗仔翅咁lo...有咩咁特別...最特別ge就係佢特別貴lo...
如果可以比我簡...就算佢同出面ge碗仔翅一樣價錢...我都未必會食佢...
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
等候時間
10 分鐘 (外賣自取)
人均消費
$50
等級2
9
0
連續食完兩餐自助餐後晚上又轉戰到新馬路手信街朝聖. 在福隆新街例牌都係食 d 人氣食物, 第一站先食翅, 七時未到已有三數人在門口等位, 等了一陣已可入座. 先來豪華碗仔翅 $38-, 味道有 d 似飲宴場合的魚翅, 不是旺角的碗仔翅, 除了肉絲以外也有小許魚翅. 食完第一碗魚翅漱口後食髓知味, 再來一個招牌煲仔翅 $55, 砂鍋上, 而且熱辣辣起泡, 好似食砂鍋粥一樣, 差 d 燙傷口腔, 味道更勝一籌, 內有大大舊翅, 小許海參及魚肚等, 加 d 浙醋加 d 麻油口感一流, 真係正 ! 可惜地方比較擠迫, 祇有廿多個座位, 食得比較辛苦, 建議各位不要先去買手信才來食翅, 大包細包放在地下真的不方便, 食完翅後才去買手信就舒服得多啦.埋單 : $38+38+55 合共 $131-
更多
連續食完兩餐自助餐後晚上又轉戰到新馬路手信街朝聖.

在福隆新街例牌都係食 d 人氣食物, 第一站先食翅, 七時未到已有三數人在門口等位, 等了一陣已可入座.


先來豪華碗仔翅 $38-, 味道有 d 似飲宴場合的魚翅,
不是旺角的碗仔翅, 除了肉絲以外也有小許魚翅.


食完第一碗魚翅漱口後食髓知味,
再來一個招牌煲仔翅 $55, 砂鍋上, 而且熱辣辣起泡, 好似食砂鍋粥一樣, 差 d 燙傷口腔, 味道更勝一籌,
內有大大舊翅, 小許海參及魚肚等, 加 d 浙醋加 d 麻油口感一流, 真係正 !


可惜地方比較擠迫, 祇有廿多個座位, 食得比較辛苦,
建議各位不要先去買手信才來食翅, 大包細包放在地下真的不方便, 食完翅後才去買手信就舒服得多啦.

埋單 : $38+38+55 合共 $131-
91 瀏覽
0 讚好
0 留言
招牌煲仔翅 正!
57 瀏覽
0 讚好
0 留言
豪華碗仔翅 正!
62 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2011-02-08
等候時間
5 分鐘 (堂食)
人均消費
$66 (晚餐)
推介美食
招牌煲仔翅 正!
豪華碗仔翅 正!
  • 招牌煲仔翅
等級1
3
0
2011-01-24 7 瀏覽
岩岩入左條街,見到鋪頭喇,前面都唔少人入呢間野,我地一行兩人好好彩有位坐,睇睇鐘,原來岩岩一點鐘....岩岩開鋪,order野之後出去街影幾張相既時間,門外既人龍都變得唔短喇...order左既係:20蚊碗仔翅,80蚊濃湯煲仔翅叫野食果陣同呀姐講要幾多錢果隻就得,佢送到果陣都係話「睇住!!小心熱!!黎,一碗幾多幾多蚊」咁,都幾過癮。先黎既係呢碗廿蚊雞肉竹笙翅,基本上味道近酒樓擺酒果隻,size就係一隻碗咁,一個人黎到唔想駛咁多錢可以考慮呢款。80蚊濃湯花膠煲仔翅,本身諗住叫75蚊果隻花膠海蔘煲仔翅,但經另一半一提,75蚊個湯同20個湯係一樣的,不如加多5蚊試下濃湯丫,果然雞湯係脆絕配,加埋一大片翅同花膠,都應該幾受女仕們歡迎。冬天食完暖笠笠=) 我諗其實係因為出左名,同埋真係叫做平價食魚翅先吸引到咁多人過來食,本人絕非話不值一試,而係如果係一定要食既話,真係最好準時開鋪就黎
更多
岩岩入左條街,見到鋪頭喇,前面都唔少人入呢間野,我地一行兩人好好彩有位坐,睇睇鐘,原來岩岩一點鐘....岩岩開鋪,order野之後出去街影幾張相既時間,門外既人龍都變得唔短喇...

order左既係:20蚊碗仔翅,80蚊濃湯煲仔翅
32 瀏覽
0 讚好
0 留言
叫野食果陣同呀姐講要幾多錢果隻就得,佢送到果陣都係話「睇住!!小心熱!!黎,一碗幾多幾多蚊」咁,都幾過癮。
20蚊雞絲竹笙碗仔翅
47 瀏覽
0 讚好
0 留言
先黎既係呢碗廿蚊雞肉竹笙翅,基本上味道近酒樓擺酒果隻,size就係一隻碗咁,一個人黎到唔想駛咁多錢可以考慮呢款。
80蚊濃湯花膠煲仔翅
93 瀏覽
0 讚好
0 留言
80蚊濃湯花膠煲仔翅,本身諗住叫75蚊果隻花膠海蔘煲仔翅,但經另一半一提,75蚊個湯同20個湯係一樣的,不如加多5蚊試下濃湯丫,果然雞湯係脆絕配,加埋一大片翅同花膠,都應該幾受女仕們歡迎。

冬天食完暖笠笠=)
我諗其實係因為出左名,同埋真係叫做平價食魚翅先吸引到咁多人過來食,本人絕非話不值一試,而係如果係一定要食既話,真係最好準時開鋪就黎
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2011-01-22
用餐途徑
堂食
人均消費
$50
推介美食
80蚊濃湯花膠煲仔翅
  • 濃湯煲仔翅