影片
電話號碼
23366711
開飯介紹
主打正宗泰國菜，不時推出期間限定菜式；此分店裝潢雅致，帶點園林氣息，讓你在輕鬆的氣氛下，忙裡偷閒享用美食。
繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
00:00 - 23:00
公眾假期前夕
00:00 - 23:00
以上資料只供參考, 請與餐廳確認詳情
有關獎賞計劃
相關文章
講起元朗食泰菜，「泰斗」絕對係街坊飯堂級！今次唔講大路嘢，集中火力讚爆佢哋「生菜包」同「蝦餅」，兩樣都係我回頭N次嘅理由！生菜包：香辣爆擊！自己包最過癮 佢哋嘅生菜包，肉碎炒得「乾身又夠鑊氣」，一上枱就聞到香茅同金不換嘅霸氣！肉碎用豬肉同雞肉混合，咬落有粒粒口感，仲有啲爽脆筍粒同洋蔥吊味，辣度可以自選（小辣已經好惹味）！重點係生菜新鮮到滴水，每塊都脆卜卜，自己拎塊菜包住熱辣辣肉碎，一啖塞入口 — 菜嘅冰涼 + 肉嘅香辣 + 香料衝擊 = 爽到震！ 食到唔停手，仲抵在份量足 蝦餅！真蝦肉彈牙爆 另一必點係 「手打蝦餅」！一碟四大件，厚度直逼1.5cm，咬落去唔係粉漿，係實實在在蝦肉嘅纖維感，外皮炸到金黃微脆，入面彈牙到好似食緊蝦滑，仲有淡淡胡椒香！點埋佢哋自家嘅酸辣梅子醬，微甜帶酸超解膩，食一件已經想Encore！真心唔係出面啲「風批蝦膠」可比，真材實料到連屋企長輩都大讚小總結：兩道菜都係 「即叫即製」，上枱熱辣辣先至夠香！生菜包左右，蝦餅有找，以呢個質素嚟講性價比超高，難怪平日夜晚都坐滿人。環境就典型街坊小店格局，但食物有水準就夠啦～ 想食地道泰式小食？呢兩樣信我，必嗌！溫馨提示：生菜包辣度可走辣，但小辣風味最正！
繼續閱讀
今日去完元朗行山，加上天氣好熱想食開胃泰菜，就順便去bookmark 左一段時間的呢間餐廳。一入餐廳空間感幾好，樓底夠高裝修都好有泰式style，枱與枱之間又唔會覺得迫。餐牌都好多款唔同泰菜，新派fusion 泰菜都有好多選擇。柚子沙律 $108柚子肉好大粒，夠水潤又甜，佢個調味做得好好，香料味夠得黎又唔會過濃，加埋啲香脆嘅腰果粒，更加有口感。泰式燒豬頸肉 $128燒得好香口，又夠爽，點埋佢個辣辣地嘅汁真係幾夾。泰式燒老虎蝦（兩隻）$168一拎上枱就已經聞到好香嘅炭燒味，老虎蝦大大隻，職員好細心比定手套同埋濕紙巾我哋；食得出係新鮮蝦，因為啲蝦肉好爽口彈牙，蝦頭仲會有啲膏，推介。鹽燒馬友 $248一打開個魚皮，啲魚嘅鮮味出晒嚟，魚肉好嫩滑，我平時好怕食到好腥的魚，呢個一啲腥味都冇。手搖香芒檸檬變態紅茶 （加大）$73 甜甜的芒果味再加上好香濃檸檬嘅紅茶底，撞埋一齊真係好適合夏天飲，好解渴仲要大大杯。金柚香芒沙冰 $78有唔少嘅香甜柚子肉粒，芒果沙冰又夠透心涼。甜品點可以唔叫芒果糯米飯，佢係用咗三色飯，有蝶豆花糯米飯，普通糯米飯，同埋斑斕糯米飯，飯粒夠煙靭粒粒分明，個椰汁就甜咗少少，但佢個芒果都幾甜同最梗要係冇渣。呢度如果多啲人嚟食仲可以試多啲唔同款嘅食物。藥房星期六晚上七點至九點都有live music 可以邊食邊chill住聽歌。
繼續閱讀
元朗泰斗元朗大樹下東路633號餐廳門口可以泊車，夠哂方便，餐廳面積非常大，門口仲有好多打卡位，啱晒情侶過來，室外非常寬敞，綠色植物為主題，坐得非常舒服，菜式應有盡有明爐魚$228熱辣辣完條大魚上枱，size非常大，魚肉吸滿湯汁嘅味道，酸酸辣辣，越食越開胃，肉質嫩滑，旁邊仲有啲熱辣辣嘅湯，可以慢慢加入去，湯底入邊好多配菜，有大量嘅薑絲同芹菜，加蔥花肉碎同埋菇類，連埋啲魚肉一齊食夠晒惹味，喜歡這道菜有肉又有湯柚子沙律$98一道清新可口的菜，用泰國柚子肉酸甜適中，果肉鮮嫩多汁，加入一些堅果、蝦米加入自己調製的醬汁，開胃醒神，甜甜酸酸嘅味道火焰新派老虎蝦$328大大隻老虎蝦（4隻），非常大隻，啖啖肉，蝦頭仲好多膏，一小杯烈酒點火，再淋上面，很漂亮的火焰蝦，老虎蝦肉質鮮甜，爽口彈牙，蝦頭的蝦膏甘香，並用上冬陰功做醬汁，很特別蠔仔肉碎豆腐湯$138材料很豐富，有蠔仔、肉碎、豆腐、雜菇、粉絲等，粉絲給收了湯底，很入味，湯底清甜，蠔仔也很肥美可口，大約有十多隻蠔仔，一路用火爐煲住入口，熱辣辣，又夠暖胃椰汁紅豆冰$42濃郁的椰香和甜美的紅豆，香滑口感與紅豆的軟糯，好味,又唔會太甜，奶味濃郁椰汁冰$42純天然的椰香味，入口濃郁，香甜順滑
繼續閱讀
今日同家人去左食期待已久既泰國菜，門口見到裝修好靚，有心思設計，好多打卡位置💗女士們中意同朋友慶祝生日飯嘅首選👭入到去環境優美，大部份位置較寬敞，坐卡位比較舒適店員招呼不錯，有介紹餐牌較受歡迎嘅菜色招牌泰式番燒雞, 香芒軟殼蟹金磚見到咁生穎，⼀於聽店員講，叫左呢兩款仲有泰式蝦肉炒金邊粉，甜品芒果糯米飯大熱天時，忍唔住飲沙冰🍧叫左以下兩款芒果沙冰同埋菠蘿沙冰🍧餐廳仲有特別活動，旁邊有一個角落放左好多泰式服裝，歡迎客人穿着，感受泰式氣氛睇得出餐廳好多idea, 感覺好用心同埋有創意，喺香港食過無數間泰國菜，但呢間感覺內外都好用心食完餐飯，餐廳仲送左四個銀幣給我地挽夾公仔機如果身邊有小朋友一定好開心最後又好好彩俾我地成功夾中左一個雪糕公仔
繼續閱讀
放工同朋友殺入元朗發掘美食，裝修得好靚，坐得勁舒服，打卡位好多！😍🍱 小食拼盤 有齊蝦餅、魚餅、春卷，全部即炸熱辣辣～ 蝦餅爆膏彈牙，春卷咬落有聲脆卜卜，點埋泰式甜酸醬超開胃🔥 泰式燒豬頸肉炭香超誘人！豬頸肉厚切唔乾柴，邊位燒到微焦脆口，蘸酸辣汁食減膩感～ 底下鋪滿生菜絲，夾住肉食更清爽💯🍍 菠蘿海鮮炒飯鑊氣十足！用原個菠蘿上枱勁大份，炒飯乾身唔油，大蝦份量多，仲有肉鬆同腰果增加口感～ 菠蘿肉清甜多汁，撈埋咖哩食更惹味！🍛 馬沙文咖哩牛坑腩配薄餅全場MVP🌟！咖哩香濃帶花生香同香料層次，牛坑腩炆到淋晒🤗 薄餅烤到微脆，蘸滿咖哩汁食真係邪惡到震薄荷朱古力，上面仲有朱古力冰沙，簡直冰涼透心！朱古力味濃唔假甜，薄荷清新平衡甜膩🍸 呢到連Cocktail都有，今日試咗Bangko's summer，酒精感輕易入口，甜甜地好好飲
繼續閱讀
您可能會有興趣的...