樂宮餅店

營業中

休息中

呢盒cookie係一個住澳門既auntie係十幾年前介紹我食既，我既家人亦十分鍾意食！多年黎我地都不斷捧場！cookie夠香夠鬆化，換來既代價就係cookie比較油，唔多油點鬆化？所以唔好一次食太多！獨食唔係難肥，係好難唔肥！我地最鍾意腰果cookie，夠傳統，另外兩味，開心果同核桃係近幾年既新花款，但都唔錯~~呢編食評除左繼續支持外，仲想提供d實用資料比有興趣既食家知道！價錢：大$180，細$70款式：腰果—橙色罐，核桃—綠色罐，開心果—黃色罐"總店"：位於舊葡京地庫商場。坦白講，舊葡京裡頭都幾雜，好多坦胸露背既姐姐日光日白係商場行黎行去，如果唔識路，帶住小朋友或女仔三四個又真係唔太方便係商場左穿右插。不過放心，店鋪位置都幾貼心，只要知入邊個門口，都可以避免係商徘徊。呢個門口就係係面對住舊葡京酒店商場果邊門口，左手邊有一個好多職員出出入入，凹左入去既神秘入口，入口一樣有個細細既旋轉門，一入餅店就在右手面！分店：除左碼頭外，新馬路都有幾間，但一直係人地買比我，所以分店既地址我真係唔清楚。上幾個月我去澳門，發現過位於新馬路既義順牛奶前幾個鋪位有一間，但今次去又好似唔見左。另一間又係新馬路

黎到macau一定要買d野返公司俾同事gei~唔想買杏仁餅個d, 因為食太多啦剛好有同學話我知呢間d 曲奇好好味, 所以就試下啦~本來想買開心果, 點知無哂得返腰果味...><但都好啦, 試下啦~不過, 賣野個位阿姐gei 態度真係差差的!! 鬆是很鬆化啦~ 不過油了一點... 腰果再多一點就好了不過, 同事gei 反應都非常之好, 咁就夠lu~

同事買了樂宮的曲腰果奇餅。初初仲以買有間酒店叫樂宮度買添，原來係Lisboa下面間樂宮。真係好好味，食到停唔到口。非常鬆脆，知道一定用左好多油先咁香脆架啦，不過食落去就唔太覺既。同事話開心果都好好味，等我下次去買先。

每次去澳門,我都一定會專程去買樂宮餅店的腰果曲奇餅.心水清的朋友都知道半年前阿蘇個節目都曾經介紹過這盒曲奇餅; 但我於幾年前已經認識這個牌子. 從前我只識得在澳門碼頭的手信舖買,仲記得最初初買的時候細盒賣$50,大盒(=兩盒細)$90; 依家已經加價到細盒$70,大盒$130...加幅達40%我都繼續買,全因為真係好食. 曲奇餅系列有腰果,合桃&開心果(得單款賣,無mix),但我認為只有腰果最好食. 曲奇餅好香好新鮮(因為turnover大,特別近年多人買,試過幾次細盒賣完只剩大盒),唔拆封的話就算擺幾星期一樣好鬆脆,而且每塊都有粒粒腰果在其中,一開始食就停唔到口...不過當然,鬆脆的曲奇餅都一定油,所以我通常只買細罐.年多前發覺樂宮在新馬路手信街附近開了間新舖(主力賣曲奇餅), 後來更知道原來亦可以在舊葡京地下商場買. 累積多次經驗,認為在舊葡京買最好,因為一定最新鮮(即最快返貨); 不過次次都要專程行過去囉.

08-12-177/142罐腰果,1罐合桃有牛油香, 几鬆脆,不過好奇怪, 食咗塊腰果,再食塊合桃,就覺得合桃好食; 食咗塊合桃,再食塊腰果,又覺得腰果好食,即係..唔知喎…自己諗啦下次要試開心果 合共$210

** 此 食 肆 的 第 四 個 笑 **24-10-08Fri同男友去澳門玩兩日,佢姑媽叫佢買呢o度o既曲奇返香港,我o地之前都唔知.去到餅店,得合桃同腰果兩種味道,亞姐話腰果最好食,我先清一式買腰果,男友買好多罐,但都買o左一罐合桃味o既.我o地一o黎就買成十罐曲奇,但都冇得試食,問都唔啋,咁高竇.第二日,我o地又返去補貨,我o地今次只買兩罐,而我都補一罐合桃味(一場o黎到都要買o黎試吓o既.)亞姐見買咁少,都唔多啋你.我心諗,亞組呀,你o地啲曲奇唔係平o架.細罐(0.5kg)要MOP70.00,大罐(1kg)MOP130.00,唔該你o地啲態度好啲啦.到尋日o係公司,我開o左大罐o既腰果味o黎試,有啲已經碎o左,咬落去真係好鬆化,好香,成個office都有呢陣味,味道亦唔錯,我停唔到口,如果我唔係放o係我經理位,我諗我會食o左半罐.放工返到屋企,o岩o岩大嫂o係o度,於是我就將3罐腰果味同一罐合桃味混成每罐都有四份一合桃,四份三腰果o既曲奇,咁就大家都試到兩隻味啦.咁我試吓合桃味,其實合桃咪相對起腰果味係清啲,但又同樣鬆化,呢個可以一試o既.幾個月前,經理請過我o地食Jenny

曲奇本來有三種口味 : 腰菓、核桃和開心菓。但當日則只有腰菓和核桃口味出售。餅罐上沒有印上生產或過期日期，職員解釋說曲奇都是自家廚房新鮮製造的，開罐後最好三個月內吃完。我買了一罐大的腰菓曲奇(1KG) ($130), 但又因為阿蘇在電視推介的原故，多要了一罐小的核桃曲奇(1/2 KG)($70)。連職員都說，腰菓曲奇一直是他們最好賣的招牌貨，但因為阿蘇的原故，最近就多了人買核桃曲奇。回家吃過後，大部份人都分辨不出兩種不同菓仁的味道，只覺兩者都同樣香脆鬆化。而我因愛吃nuts，故此比較喜歡有較大粒菓仁的腰菓曲奇。如果是愛吃曲奇的人，試過香港品牌Jenny曲奇後，不妨又試試這種口味，真是不錯的。不愛吃杏仁餅等中式手信的人，也可以多一個選擇。Tips: 開罐後一定要密封存氣，越早吃就越鬆脆。

腰果牛油曲奇 / 合桃牛油曲奇 ~ 有分$70 / 細罐 同 $130 / 大罐 , 細罐都已經好多 , 大罐就有成1kgs , 曲奇食落真係好香好重牛油味道 , 而且鬆化到係拎個陣都要輕力d , 一放入口就已經溶 , 一粒粒nuts配合落曲奇度增加左口感 , 食起黎更加好味道 , 真係會令人一塊接一塊咁食唔停 , 相比起香港既Jenny Cookies有過之而冇不及呀 , 到舊葡京肯定要買返幾罐。下次要試埋開心果牛油曲奇 , 不過要係大三巴個度有間寄買既果汁店先有得賣。

行過手信街，見到樂宮分店，於是買左樂宮曲奇比阿媽(佢話好食)，我試了一塊，跟jenny cookies一樣鬆化，沒有濃郁牛油味但有一種淡淡的腰果味~ 可以一試!