星巴克咖啡

營業中

休息中

帶3位公主去銀河玩天浪陶園，第二朝早仲玩多次，所以唔想去遠嘅地方食，之前去澳門寫嘅食評，中咗openrice嘅星巴克現金劵，除了比朋友嘅，淨低300（因為30/6前要用）早一晚已問定開門時間，早上來到，門面大樓底高，灰加深木主調，有梳化枱，桌椅好鬆動，燈光昏暗，先去櫃臺落單，落咗就等一陣，店員整好再到櫃臺攞！Flat White（$47/大）紙杯裝（我在香港堂食會用瓷杯）叫了少奶，店員會好仔細問清楚你要少幾多，劃清楚在杯上，打開蓋無拉花（可能少奶就無？）少奶咖啡味道濃咗，夠熱唔落糖味道順喉！好味！咖哩牛肉酥（$40）三角造型，已加熱，酥皮幾酥脆，入面嘅牛肉餡咖哩香，不過唔辣，牛肉略乾！幾好！家人食：焦糖咖啡（$47/大）家姐飲冰搖檸檬茶（$37/大）姨甥飲芒果熱情果沙冰（$43/小）肥髀飲，芒果沙冰！夠冰凍煙肉蛋酥（$40）賣相靚！姨甥食雞肉凱撒沙律卷（$45）肥髀食，食咗一啖，青菜、青瓜加蕃茄好清爽嘅味道！雞肉ok!雞肉批（$35）家姐食！店員有禮斯文，做事快手！現金劵幾好，$25一張，比較彈性！我今餐只要補$27

離開澳門前我哋飲多一杯野先走我飲green tea latte，唔記得咗叫少甜所以太甜啦。綠茶味比喺香港飲嘅濃啲，但係整體嘅味道冇乜大分別。我好鍾意佢上邊嗰層泡，飲落去口感更豐富啲。

在澳門最後一站是在銀酒店，臨上車出發去碼頭前買左一杯荔枝抹茶上船同妹妹一起飲。荔枝抹茶散發出十分香的荔枝味，飲下口，立即感到陣陣冰涼快感，好夠冰凍！而且有好香甜的荔枝味，飲下口配合抹茶的茶香及微澀味，十分match，推介。

正月中旬‧有雨是的，在濠江只要想找個舒服的地方工作，有電源又有wifi，也還是要喝星巴克。要了杯Honey Orange Macchiato，其實喝起來跟一般的鮮奶咖啡差不多，咖啡的味道也只是淡淡的。不過就加入了橙味，味道也濃郁幼滑，幾有節日氣氛。下一場，是去喝清酒。