文華東方酒店向陽閣咖啡室 (已結業)

吃過自助早餐後,下一站就來到文華酒店, 目的又是為了蛋糕。 大堂上一層樓梯就到, 人不是太多, 環境好優靜, 相信在這裡進餐都是一件賞心樂事。問左店員姐姐可否影相, 我心想都應該不行,怎料她竟說可以, 我個刻真是很高興, 差點笑了出來。 入面有三大個櫃, 放左多款蛋糕、麵包、酥皮製品、甜品等。蛋糕西餅賣相精緻有美感,只是$20一件, 本來只想買兩件, 但見到太抵, 最後都買了三件。餅盒設計比較簡單, 蛋糕放落去時都無固定底部, 一不小心就好易痴在一起。 椰子熱情果芝士蛋糕: 好多層次, 脆餅底、紅莓醬、熱情果mousse、芝士餡, 又軟又滑, 椰子味唔太突出但都已經好出色了。 紅莓朱古力蛋糕: 問過店員話會幾濃味, 無講錯, 朱古力mouuse又軟又滑, 帶點甘味, 和紅莓十分配合。 荔枝玫瑰芝士撻: 見到玫瑰味就好感興趣, 可惜撻底不太脆口, 但有驚喜的是撻皮上的杏仁蛋糕, 帶點濕潤, mousse很輕軟, 同時吃到荔枝和玫瑰花味, 感受到陣陣幽香,甜度方面高左少少但可以接受。 今次只試左三件覺得還未夠呢! 下次再來澳門一定要再黎止止甜癮先。

一早嘆完早茶，乘坐酒店穿梭巴士往碼頭，再轉乘威尼斯穿梭巴士住四季酒店參觀，以歐洲風格，就像半島酒店SYTLE，好HIGH CLASS，不像香港現代化，我喜歡，而餐廳比較集中，不會像烕尼斯咁大，中菜廳及西式酒吧，好WARM，下次來希望試試。於威尼斯食咗少少嘢，轉乘酒店穿梭巴士往金沙,，已是下午三時幾，文華酒店就在金沙隔離，剛剛好嘆佢的下午茶，餐廳以葡式及中式設計，有西式開放廚房，陽光從白色玻璃木窗射進來，天花中式風扇柔柔轉動，制做東南亞熱帶情調及柔閒環境，打開餐牌找不到在網上見TEA SET，問問待應，原來不在餐牌，他還告訴我這個二人TEA SET價錢MOP208，包二杯飲品，待應端上來中式小擺設木架，再用白色小碟乘載CHEESE CAKE、葡撻、款式不多，勝在中式小擺設木架夠特別，二杯咖啡夠大杯，大過隔離枱單叫，味到當然也不錯。

星期六晚，靚靚女朋友帶我嚟試下呢度既自助晚餐，對食物水準，佢本身已經係一名食家，我從來唔會冇信心。地方非常舒適，佢仲細心地揀左個窗口位，正！頭盤當然係我倆最愛既海鮮啦！我最鍾意既生蠔，女友最鍾意既甜蝦，當然唔放過啦！海鮮都非常鮮味，生蠔厚肉又滑，蝦新鮮之餘，仲好有口感，我地食唔停口。。。呢度仲有大蝦同炒蝦，都係香口之選。我自己仲試埋蟹，都好好味，有肉地之外，少少海水味，食得出咁新鮮。緊接就係刺身同埋熟食，刺身厚薄適中，熟食選擇都好多，有羊肉，炒蝦等等，但我會推介係要師傅幫手既意大利飯，我地本身以為好健康，但係突然見到師傅將一整舊牛油放鍋。。無所謂，但係我自己就覺得好好食，推介！甜品方面都有幾多種類，我們測試後，最好就算係藍莓批。。。總言而之，海鮮可作主打，師傅煮飯必”擦”服務不過不失啦！都好有禮貎埋單約七百幾，因為飲左兩杯！二百幾buffet，真係幾好！！！