愛意式咖啡館 (已結業)

之前打算去，兩次都冇開門，換門釘，今日終於可以嚟到喇。環境都幾舒服，嗰日去得兩台人，坐得都幾鬆動。但如果多人就應該有啲迫啦😂叫咗個青醬雞扒意粉：青醬好好食，意粉軟硬適中墨西哥夾餅半份：呢個好食，餅皮覺得啱啱好好脆口又唔怕硬，入面有火腿同芝士，仲有小小拉絲效果同埋呢個墨魚蝦春卷配芥末醬：炸得一般，好多油，但味道不錯價錢就都小小貴，下次試埋蛋糕先～

行到好攰在google找附近咖啡廳，喜出望外，咖啡香濃(Americano唔落糖同奶都一d唔難入口)。開心果蛋糕勁好味，粒粒果仁在內下次想再試埋佢的無花果蛋糕及牛油果蛋糕。老闆請繼續加油

是日一行七人過大海去澳門美食節, 午餐時段大家想找個地方食小小野「打底」, 原先想去的那間找不到,卻誤打誤撞來了這裡, 跟別的咖啡店差不多, 地方夠清靜, 坐得也舒適。點了一個西西里海鮮薄餅大家一齊食, 薄餅底烘得外層微脆，餡料有海鮮、火箭菜、芝士等,味道不錯。另外也要了「煙薰豬肋骨搭意式時蔬」午餐大家分吃, 豬肋骨鬆軟入味, 配合醬汁也是惹味;麵包香脆好吃。再來一杯鮮橙汁，這個還不錯, 是新鮮榨的, 味道不太酸也不太甜, 剛剛好。餐後大家便齊齊去澳門美食節的會場。

朋友話近日經過龍嵩正街（新馬路附近），發現一間新店，拉埋我地去試。7點去到，坐唔滿。店舖環境唔錯，新店新裝修，乜都好乾淨(不過食到食物有沙，減一星)。老闆好熱情，一直有同各枱食客交流，可惜食物水準仍有待改進。澳門CAFE多得很可怕，如維持此質素，加上價錢偏貴，恐怕難捱落去。。。(食物質素介乎ok和劣評中間，但老闆好有heart，期望見到進步，所以整體都係比ok....)