六記粥麵

營業中

休息中

綱上看了非常多的好評之後，2025年5月25晚就去試食。首先地方、環境不合格。叫了云吞麵和及第粥。 麵不爽，不彈； 混濁 味精湯不是大地魚湯； 雲吞沒有鮮味，不是散尾雲吞。如果10分滿分，最多比3分。等左半個鐘，追左3次，幾乎要走，粥才到。粥底煲得算合格，但一樣係味精底味。所有豬雜都吾合㭘，豬肚無哂味，肉丸有臭味，肉丸咬一啖就放棄，粥也未能吃完。完全中伏的經驗。千祈，千祈，千祈吾好去食。

今日特登由香港嚟澳門嚟試過水蟹粥。大約1:00pm左右嚟到已經好滿。一坐低，就叫咗一碗水蟹粥-係有一隻水蟹，半份米通鯪魚球同埋一份蟹籽撈麵+3隻鳳爪。鳳爪係個waiter極力推介，亦都冇令到我哋失望，尤其是個撈麵真係非常之爽口。個鯪魚球亦都好好食。可以再嚟幫襯！ 😋😋😋見到其他食客都有試大腸同炒蜆，可以下次再嚟試。另外，啲姐姐都非常之Friendly，好落力去sell唔同嘅菜式。👍🏼👍🏼👍🏼

🍴米通炸鯪魚球 $55個皮薄薄地，搽得好香脆米通係增加咗口感，鯪魚肉都彈牙又厚又軟味，不過味道係比較偏鹹，點咗蜆蚧醬汁之後更加鹹香！🍴水蟹粥 $128一碗都夠兩個九share，食落去比較鹹鮮，有鮮味嘅，有蟹香味，有一隻蟹，ok的！推薦指數: 7.5/10

水蟹粥🦀都可算係澳門名物，呢間既冇華麗嘅裝修亦冇精緻嘅擺盤，但絕對係味道擔當😍粥底夠綿，啖啖都食到水蟹嘅鮮甜💯仲有毫不吝嗇蝦籽份量嘅蝦籽撈竹昇麵，係每一啖都充滿蝦子嘅香氣🤭麵條彈牙口感十足。然後懷舊嘅錦鹵雲吞，酸甜汁內有甜椒、菠蘿、肉絲，係傳統嘅做法啊，呢種做法出面真係買少見少！嗰滷水豬大腸🐽都要讚一讚，因為越普通先越難超越既有嘅味蕾記憶，墊底嘅生菜🥬吸晒滷水汁嘅味都係一條都不可錯過🌝

蟹粥不知所為、淡如白粥完全無蟹味、$128當遊客水魚！🤬湯面個湯好淡味，店家唔捨得落料，但索價好貴，一碗鲮魚球鳳爪湯面收$50，簡直搶錢，見碌麵阿姐好俾心機係咁攁啲麵攁咗好耐，但都救唔到麵鞋嘅命運，鬼咩，啲料咁渣，點救都救唔起啦，湯頭先講過，得好淡嘅魚味，唔细味都飲唔出有魚味，鲮魚球又係净鲮魚，但無味嘅，估計係街市嗰啲現成 cheap cheap 鲮魚肉。唯一可讚嘅係鳳爪，入味，夠淋，係好食嘅，但$15三隻，仲要其中一隻细到好似乳鴿爪咁。此店攞咗好多米芝蓮獎，店家似乎靠咁樣唔憂做呃遊客，食過一次做過儍仔夠了。，

難得嚟到澳門，當然要試下地道美食😋今次嚟到連續多年榮獲美芝蓮推介嘅六記粥麵，因為得兩個人，所以就叫咗一碗水蟹粥、炸全蛋鮮蝦雲呑(半份)同有份鹵水鳳爪(細)。水蟹粥 $128 👍🏻👍🏻👍🏻👍🏻一碗入面有一隻蟹，粥底好綿，大大碗絕對夠兩個人食炸全蛋鮮蝦雲呑(半份) 55 👍🏻👍🏻👍🏻👍🏻炸得外脆內軟，每件入面有都一隻完整鮮蝦鹵水鳳爪(細) $55 👍🏻👍🏻👍🏻鳳爪偏大隻，每隻都鹵得好入味，略嫌價錢少貴🙈

鍾情平民美食可一戰食物貨真價實，陵魚球甘香、魚肉實淨😋；鳳爪、豬大腸，軟腍得來keep到口感😋，味道不錯；蝦籽面，中規中矩，可能係我本身不愛幼面。雖然位處舊區，但舖頭乾淨企理、地點易搵，美中不足有烏蠅keep 住係我張枱飛，有些少煩擾；另外，待應姐姐個個都有禮貌（仲教我搭巴士）。雖然做遊客生意，但無厄遊客錢，值得鼓勵！附近屬民居，見店外對面有小食車仔、又有舊建築物，都幾有澳門風情，有時間可以可以走走📸

六記是一家曾獲米芝蓮的粥麵老店，最有名的就是竹昇麵、米通鯪魚球和炸雲吞。這晚點了：米通鯪魚球（半分）：半份共有五粒，每一粒鯪魚球都有一個乒乓波的大小，肉質爽彈，味道不錯，配的蜆蚧醬有點過鹹，所以不能沾太多。乾炒魷魚麵：麵炒得很香，麵質爽口彈牙，十分好吃，魷魚小片小片的，有很多片，不過，這魷魚質感柔軟，比較似墨魚，不過不要緊，也很好吃。滷水鳳爪湯麵：這滷水鳳爪雖然不是店家名物，但很好吃，我們用餐時，看到在店進食的本地人，基本上是每枱一碟，反而這竹昇麵做成湯麵，不及炒麵好吃。及弟粥：粥底算是綿密，食材也多，有肉丸、豬潤、豬肚和豬腸等，不過食材沒什麼鮮味，粥吃起來也好像味道比較淡。美中不足的是，店的空調有點不足，可能這和我們坐的桌子比較接近門口有關，門開着，熱氣從外不時吹入，覺得有點熱。後記：吃過這餐之後，我和家人都覺得有少許口渴。

都有好幾年沒有到澳門遊玩，今次難得和幾個朋友到訪澳門，當然要品嘗吓當地美食，睇睇可否保持當年的水準，第一站首先試試馳名嘅六記粥麵！水蟹粥經店員講解，佢話我地三個人，叫一個細窩就夠吃（2隻蟹，3倍粥底）；細窩都幾大，粥底好棉稠，味道鮮甜！招牌蝦子撈麵麵條係每早用竹昇人手打出來，所以稱為竹昇麵，非常爽口彈牙；麵條上加上好多好多蝦子，再加埋秘制辣椒油，好滋味！炸鴛鴦即係炸米通鯪魚球和炸雲吞，鯪魚球魚肉鮮味彈牙，配自制蜆蚧醬，蜆肉大大粒，好味！炸雲吞入口香脆但有鬆化感！店舖仲有好多款式粥品和麵食，仲有祖傳大腸鳳爪撈麵，下次一定要嘗多幾款美食！

星期日早上，全家經HZM大穚過大海。入澳門關後，坐巴士去六記。剛好趕在開鋪前到達，但正店已客滿，要到隔離的分鋪就座。夾硬拼埋二張枱，就是七人開餐地方。天氣熱，只能依靠牆上的電風扇。這就是懷舊了！馳名水蟹粥  難得全家過大海，六記名物水蟹粥，總要來一窩。粥底中二隻蟹蓋和很多蟹腳，七人分享可分得碗。蟹味濃，粥底鮮甜，就連抗拒海鮮的小米也食得津津有味。窩蛋牛肉粥     水蟹粥唔夠食，所以加一碗蛋牛粥。蛋，原來在碗底篤篤，撈一撈攪一攪，整窩粥都變成黃色了。六記祖傳滷水鳳爪大腸     鳳爪皮雖薄但關節軟綿綿，豬大腸容易咬，無需太多牙力就可享用。首創米通鯪魚球   又是招牌菜之一。外層香脆，中間是彈滑的鯪魚球，伴鹹香的蜆芥醬更是絕配。沙嗲車仔拼盤    魚蛋 雞翼 豬皮 麵筋   家人覺得沙嗲有陣藥材味。懷舊炸錦鹵雲吞   五柳汁色澤厚不通透，山楂?  酸度唔突兀，沾上香脆又帶微微鹼水味的雲吞皮，很和諧。本來再想來一客炒粉麵，但店家很忙，擔心漏單，更怕等得太久，所以放棄炒粉麵，實行留肚，再去掃澳門街頭小食。 

咁多年無去六記食水蟹粥，都一樣咁好味😋 人多可以叫多幾款👍🔸水蟹粥細窩$280內有2隻蟹，3倍粥底好夠食😋 是日水蟹都算大隻有肉食，粥鮮味十足，略嫌粥底唔夠綿比較稀，水多過米，舀多兩羹更加稀。🔸米通鯪魚球 跟蜆蚧醬 $55半份外皮沾咗米粉才炸，炸得好脆口，魚肉口感結實夠彈😋 蜆蚧醬有點鹹，點少少都夠。我自己就唔太識欣賞呢款鹹味，唔點都好味😋🔸錦鹵炸雲吞 $95雲吞餡細細粒，可以食到大大片嘅薄脆好香脆，，錦鹵汁是靈魂😎 甜甜酸酸勁開胃😋🔸乾炒韮王銀牙麵 $55麵彈牙炒得夠乾身有鑊氣，沒有油膩感😋🔸鹵水鳳爪併豬大腸 $80鹵水鳳爪鹵得得夠淋又入口即溶，豬大腸清潔得好乾淨。 沒帶壓味😋🔸椒鹽鮮魷 $108炸得香口惹味，入口唔會覺得好油😊 鮮魷炸後都滑，唔會韌😋

今次去澳門，難得可以Plan行程，我就揀咗衣間食店食水蟹粥，唔知我地係唔熟澳門地方定係店舖比較隱蔽，😅覺得有少少隔涉，雖然係咁，但店舖一開，已經差唔多坐滿人。食物方面：🦀水蟹粥～粥底好綿，雖然是水蟹，但算大隻，所以都有肉食🤭。蝦籽雲吞撈麵～啲麵好彈牙，熟度剛好，撈埋啲蝦籽真係好好食，雲吞都好大粒，🤤皮薄餡靚。炸鴛鴦～雖然係幾熱氣，但真心好味，特別係米通鯪魚球，一啲都唔腥，配上蜆蚧汁真係冇得輸。由於行程係最後一日，所以我哋都買咗啲麵和米通鯪魚球番香港。

🦀米芝蓮推薦💯去澳門覓食不可錯過水蟹粥‼️哩間傳統中式麵店一向都多人幫襯出名水蟹粥🦀竹昇麵🍜米通鯪魚球揀咗晏就時段去🕑幸好一去就有角落坐店舖傳統設計，座位較窄，必要時需搭台🔎水蟹粥（細窩）💰260味道好鮮甜🤤係食得出蟹嘅鮮甜～蟹有膏有肉🦀殼好薄 進食要小心粥底較稀，但都綿密，食完一碗又一碗😬兩個人食絕對叫一碗就夠‼️冇睇清楚餐牌😿見到圖片唔覺好大就叫咗細窩其實細窩可以算係4人份量🫢如果店員可以提提顧客就較好🔎懷舊炸錦鹵雲吞💰80雲吞皮好特別 唔同喺茶樓食嗰啲炸雲吞哩隻皮比較厚但又炸得好鬆脆🦐肉餡細粒，一啖一粒，過吓口癮份量太多嘅關係俾咗啲雲吞隔離檯而佢哋又請翻我哋食米通鯪魚球雖然外層好脆，但味道好腥😿點埋發酵醬汁 Um…都係我接受唔到嘅口味但據聞係鋪頭好出名嘅食物😂

呢間連續十幾年登上米芝蓮必比登推介，我可以話係由細食到大，今次主要都係黎食回憶既🤭相隔五年再訪，人氣依然鼎盛，五點幾到都已經滿左九成▪️ 首創米通鯪魚球（跟蜆蚧醬）（7.5/10）💲MOP 50（半份）外皮有少少米通，炸到好脆身，口感非常彈牙😛蜆蚧醬有陣腐乳味，不過實在太鹹，點少少就已經好夠🤏🏻▪️ 懷舊錦鹵炸雲吞（跟錦鹵汁）（7.5/10）💲MOP 80炸雲吞皮香脆，會似係蛋散嗰陣味，錦鹵汁絕對係亮點，酸酸甜甜咁勁開胃，唔會覺得油膩😎▪️ 招牌蝦籽撈麵（7.5/10）💲MOP 55面頭灑上大量蝦籽，個竹昇麵乾爽有彈性，完全無我好怕既鹼水味🤣▪️ 漁民艇仔粥（6.5/10）💲MOP 34見到有唔少人叫水蟹粥，呢個粥底係類似嗰種，水多過米，較為稀淡，配料有粉腸、豬皮、魚片條等😌▪️ 皮蛋牛肉粥（6.5/10）💲MOP 34唔記得左影相添📸同樣地略嫌個粥底唔夠綿密🥣但就足料既，有唔少皮蛋同埋新鮮牛肉片🔎 整體評分（7.5/10）

星期日夜晚諗住香港人都返曬香港 應該唔使等位掛， 點知都係等咗一陣入面坐滿人而且仲keep住有人等又有好多人打電話入嚟叫外賣真係好好生意米通鯪魚球鯪魚頭個皮用米通包住去炸好脆好香入面啲魚肉又結實夠彈值得推介個蟹粥係一隻蟹一個粥底的份量如果人多都可以叫細窩或者大窩粥底唔夠結身，比較稀如果可以再綿密一點更好蟹的鮮甜味有少少啦蝦子竹昇麵蝦子份量正常竹昇面正常水準好食的沙嗲魚蛋撈麵沙嗲汁唔夠，可以再畀多啲，或者另上鹵水雞腳菜鹵水雞腳好食，肥美厚肉加生菜墊底吸收鹵水汁精華性價比提升攻略帶細佬去澳門玩遊樂場唔一定要花好多錢去室內遊樂場， 戶外政府建免費的都好大好靚可以玩足半日， 六記附近就有林茂遊樂場，行8-10分鐘就到, 滑梯有兩三層樓咁高，仲有個超大型沙池， 有沙有水，小朋友玩到唔想走，帶住細路食完嘢行下做運動都非常之好㗎。