影片
以上資料只供參考, 請與餐廳確認詳情
食家推介
招牌菜
已搬遷！已搬遷！已搬遷！新地址：澳門馬濟時總督大馬路80號珠江大廈地下U地舖訂座電話☎️+853-63444555装修精美，食材新鮮！餐廳內除了好吃還有好睇，找找看，有意想不到的驚喜
繼續閱讀
今日同成大班朋友一齊上澳門去玩，一大班人掃完街之後去搵火鍋食晚餐咁凍嘅天氣打邊爐係最好。而且我哋人數比較多所以好難搵位，打左幾間都無謂之後就去咗上遊。總共叫咗三個煲，麻辣火鍋湯底/ 椰子雞湯底/鴛鴦湯底。 真係要讚下佢個麻辣底好好味，麻香辣集一身。落咗好多唔同香料，香濃嘅感覺就係浸一浸落去已經會索晒佢啲味非常入味。我哋叫咗三種牛佢每一種好有肉味。安格斯比較有口感，其他非常有嫩口。不過價錢就有啲貴。都要二百幾蚊一碟。其他菜品都還可以，如果價錢再實惠d會更好。
繼續閱讀
我愛打邊爐, 這個已不是什麼秘密了, 所以很多時候朋友相約晚飯都會選擇火鍋。在香港如是, 在澳門也不例外。為慶祝有些朋友生日兼考完他們心目中一個困難的考試, 也開心的完滿結束我的課堂, 一班人相約飲酒打邊爐慶祝。經愛吃的屋主介紹, 訂位在這家名叫"上游"的火鍋店晚飯, 希望朋友能力爭上游, 考個好成績。餐廳位於南環, 其實就在瑪嘉烈葡撻向中央陸軍俱樂部方向行一個多街口。門面也大, 容易找到。不過, 容易找到鋪頭不代表容影找到位子。我們只閒日星期二來, 要不是屋主先訂好位, 恐怕一檯難求。全店兩層樓面, 座無虛席。入門口右旁有半開放式廚房, 用來展示游水海鮮外, 師傅在準備餐廳名物 - 黃牛刺身。味醬料架上選擇不少, 指天椒, 蒜茸, 炸蒜, 芫荽, 蔥花, 沙茶醬, 辣油等。如以現代的邊爐店來說, 算是基本的配置吧!湯底只是簡單的鴛鴦湯, 味道不算突出, 清湯略淡; 另一邊辣味一般, 惹味還好。第一碟來的是餐廳叫作"牛脆尖"的東西, 其實即是我們平時吃的牛胸油。入湯輕灼, 口感爽脆, 雖然有點煙韌口感, 但越嚼越有牛油香。墨魚滑夠彈, 過湯後有嚼勁, 味道不濃, 但感覺足料。加上蟹籽, 有粒粒"卜卜"的口感。竹笙雖也不是什麼驚為天人的火鍋料, 但是其吸湯力奇高, 吸盡湯中滋味。可是竹笙的可愛之處是共縱使吸盡湯汁的味道, 但只要適當的時間, 竹笙依然有爽口的感覺。切忌入湯太久!老實說四寶丸只是很一般, 亦沒有枇像中的彈力口感, 但是這些似是打邊爐的常備菜式。但是對比四寶丸, 手打牛丸當然更好更靚。洪渾有勁的肉質彈力從, 有如愛因斯坦的相對論般, 越多力度嚼於丸上, 回彈力就越高。再者, 牛肉鮮味及咬下的肉汁自然不言而喻。等了好一陣, 餐廳主打的黃牛就叫上桌。餐廳用上每日新鮮的首批靚牛, 用上嫩滑的牛頸脊作刺身。師傅即席薄片手切, 牛肉入口輕盈, 雖油脂味道不如和牛般香, 可是牛肉也有絲滑的化口感覺。 而另一個主打的推介菜式是餐廳的牛錢展, 平時吃的金錢展一般都是圓形較細塊的。可是這碟金錢展的件頭有平時的兩倍般大, 以水煮一分鐘多。口感更見實在, 金錢展的爽口更明顯, 但是金錢展依然嫩滑。當然, 手切的火鍋牛片仍然是來此光顧的熱門菜式。牛肉不是那種雪花分佈均勻的種類, 但是牛肉脂肪依然雪白分明, 入口有油香的同時, 更有牛味。個人偏好牛肉只是入湯略略拖幾下, 肉片仍是粉紅的時候吃, 令牛肉呈肉香與半生肉汁之間, 表現才是最佳。餐廳除主打黃牛之外, 海鮮也是其推介。可是海鮮價格不便宜, 感覺極豪氣。大蟶子一人一隻, 肉甜而爽口, 但是還都說不上驚喜。反而要說驚喜, 真是非這餐廳自包的韮菜餃莫屬。餃于皮並非薄如絲的, 但是香清可口, 餃子都能"骨咚骨咚"的從口中滑入喉中。加上韮菜餃的惹味香鮮, 真是想不到如何原因不大力推介這菜料。由火鍋一轉而來到個小食菜式 - 椒鹽鴨舌。香口小食, 從來都不抗拒, 鴨舌外層脆口, 椒鹽惹味也夠, 不算太鹹。而最後一個是屋主朋友嚷著一定要吃的臘味煲仔飯。臘味中有酒香, 臘肉爽口中有鹹香。雖不是件件生插入飯, 令到臘味香味只留在表面, 可是切得細件的臘肉油也都滲到飯中, 惹味也是理所當然的, 加上醬油, 味道更好。這店, 朋友的確無介紹錯, 特別是韮菜餃! 我們只五個人, 結果還是吃完再點再完光, 雖然好飽, 但一樣的美味。
繼續閱讀
雖然平時都經常去澳門食嘢,但係就真係好少會有食店令到我會有寫食評嘅衝動,今次嚟到Macau,喺朋友嘅介紹之下,終於嚟到上游火鍋,當推門入去時已見侍應滿帶笑容嚟迎接,而且地方整潔,我就已經對呢間店加咗分,因為我朋友知道我勁鍾意食牛,所以叫我一定要嚟呢度試吓,因為佢話呢度D牛係正到不得了的,於是我一連就點咗幾款牛,一食就已經愛上呢間火鍋D牛,就同自己講,返到香港後一定要寫篇食評去介紹呢間店呀,於是就發表了呢幅食評啦,相信大家試過後都會同我一樣食過番尋味呀!!!呢個鮮嫩牛肉配以調配牛肉刺身嘅醬汁,入口即溶且嫩滑,直情可比美於日本嘅禾牛呀,太正啦 睇見即時手切出嚟手切肥牛就知好味,只要淥到5-6成熟左右就好啦,到時不但好有口感而且仲有好香嘅牛肉味,因為熟得滯的話就會變得"銀",雪藏牛肉同新鮮手切出嚟嘅簡直就冇得比呀,一個字........正 估唔到打邊爐都可以食到新鮮牛脷,入口時不但爽口,而且亦係有好香好香嘅牛肉味,令我萬分驚喜,因為我就真係未曾試過喺其他火鍋店食到新鮮嘅牛脷嘞,雪藏嘅就大把,真係無得頂呀
繼續閱讀
您可能會有興趣的...