3
0
2
電話號碼
+853 2883 6272
營業時間
星期一至日
17:30 - 02:00
以上資料只供參考, 請與餐廳確認詳情
吃七彩，不如去吃石獅！吃過乳豬海鮮煲，同骨煲，最近幾次去吃d乳豬越來越少，所謂的海鮮都冇幾件，骨煲雖然份量依然多，但d湯底就越來越有味精味！同樣都係甘多人去，我寧願去石獅，好味又抵吃！今次去之前明明book左要單獨一張臺，去到點知要逼我地同人搭臺，張臺仲要超細，問可唔可以搭張大d既臺，就聲大夾惡鬧人！咁既服務態度，真係俾錢買難受！之前仲試過問我地要唔要啤酒，我地未話要就開俾我地，跟住就走人，真係好無奈
繼續閱讀
詢眾要求澳門火鍋資料常和朋友推介這一間七彩講得多不如寫一篇我第一次去的時侯也是星期天大約8點左右 但太多人等不到位上次早左去(7點未到)終於等到了但由於這是一間無正統服務系統 有店舖既大排檔你要眼明手快搵到阿姐 然後講明幾多位如果唔係....搵位難事~~~上次我們只有2個人 容易搵位但食得野少基本上只是一個豬骨煲 已經飽到不得了不過其真材實料又有好多大豬骨同骨筒,雞腳,栗米/湯底非常鮮甜真係值得一去的見到餐牌上的火鍋料真係想叫晒黎食不過好彩男朋友阻止如果唔係會食唔晒另一男朋友推介炸雞排我以為得一塊點知一黎黎兩塊真係無因為我地得2個人而比少左份量由於已經切好左一夾起芝士漏出來見到都覺得好味熱辣辣好香脆 - 正!下次去一定要多d人再食依兩樣而且依度有自家製雞骨草,清甜!也是我的推介之一!
繼續閱讀
澳門三日兩夜之旅，未出發先興奮，由於10:00pm才到達，於是到處找好吃的地道食店作宵夜。說也奇怪，竟然與食家兩個不約而同的找到這間七彩大排檔，細問司機下原來就在酒店步行十分鐘的地方，心想準是沒有錯吧﹗放下行理，開開心心出發，店不難找，就在華寶花園，繞個圈便可輕易見到招牌。時值10:30pm，進入食店仍人聲鼎沸，坐滿不少本地客，睇樣係得我地兩個係遊客了吧﹗冷氣開放，一副尚算整潔的大排檔格局，坐位也不算迫狹。網上看到這兒最出名的是冬蔭公乳豬海鮮鍋，價錢$280，很貴，但一場來到也沒必要慳住來吃，就先來個海鮮鍋吧﹗這兒啤酒價錢便宜，大啤$10便有交易，因此吸引了不少收工後來隊啤的男士，大呼一嚷，熱鬧程度與香港的大排檔大同小異。十分鐘左右，海鮮鍋上枱，睇見真係嘩然，超巨型的一品鍋，有蝦、蟹、蜆、九肚魚、魷魚、乳豬件、大量黃牙白、金菇、秀珍菇等。巨就係巨喇，冬蔭公湯底味道偏淡，與海鮮唔多夾，搞到海鮮有如灼熟一樣﹔特別在的乳豬件，吃落也有如餸頭餸尾一樣，肉唔見有，全是肥羔位豬皮位等，豬還是燒脆吃好吃吧，如此用來打邊爐，又肥又怪，感覺真係麻麻地﹗九肚魚當水滾時已溶溶爛爛，食物咩都有o的好吃可叫豐富，不好吃卻只可說是旦咩都有o的，亂糟糟的。有相為證，吃了三份一之後的景況，你覺得我們在吃什麼？食家一句「呢煲野真係好核突!」令我放棄。這個一品鍋絕不吸引，$280更是我有生以來吃過最貴的鍋底，晚上仍坐爆本地人，我想可能有別的食物會是出色吧？我就不會再來了…..
繼續閱讀
七彩大排檔老板娘喺澳門街有”朶”咖, 間舖之前喺澳門清平直街. 我基本上餐牌有嘅都食過晒, 餐牌上冇嘅都食過, 連”龍躉”腩都食過, 冇嘢講只有 - 好食!!要喺七彩大排檔食嘢就要七點半前到, 唔係就唔使旨意有位, 請等位. 好彩嘅話就可以撘枱, 唔鍾意等位? 好憎撘枱? 咁請你揀過第二間食肆, 你唔適合七彩大排檔. 一係就十點半後到, 呢個鐘點冇咁多人, 不過就請你有心理準備好多新鮮嘢都已經買哂喇, 係你遲唔關七彩大排檔事.坐低落咗單如果見有好多外賣單就唔好追, 因為外買行先冇人會睬你, 厨房話事. 請記住你嚟澳門食嘢一定要放鬆心情, 你唔係喺香港, 要快你就唔好喺澳門食嘢, 澳門有一樣嘢係冇嘅, 就係”快”. (P. S. 我係一個香燦) 等嘅時候飲吓啤酒、吹下水到有得食都係享受一種. 呢喥所有煲都得(我係一隻邊爐精), 有鵝煲就耍叫, 唔係日日有, 最緊要係新鮮劏, 我已經放棄咗香港嘅鵝, 喺香港邊有新鮮鵝食呀! 大家多謝香港政府啦! 春秋二祭嘅時候個鵝煲就最好食, 啲鵝肥嘟嘟, 份鵝雜一流, 鵝肝緊緊熟, 嗰啲Foie gras行埋一邊啦! 有食過渣華道街市東宝露比哥雞肝嘅就知我講乜嘢, 但係啲鵝肝重好食過露比哥嘅雞肝. 冇鵝煲就退而求其次叫乳豬海鮮鍋(山仔咁高)、 米酒雞(同呀媽煮嘅有得fight)、 鯉魚鍋 (香港冇人買喇), 骨煲最多人叫(外賣重多), 冬天加上羊腩煲……食得辣就叫香辣炒麵, 米通墨丸有人講過喇, 你好彩就有焗魚腸(餐牌冇嘅), 再好彩啲有蒸鹹鮮(同日本”一夜干”一樣, 再加上鹹香!). 其他就係普通廣東菜, 是但叫都唔會差,
繼續閱讀
近來每次返澳門都係夜晚過到去, 又唔知去邊到食DINNER, 又唔想周圍搵,誤打誤撞之下走佐入去食七彩大排檔, 果然唔錯呢, 不過有人話抵, 有人話唔抵, 不過我地都覺得OK抵食~前幾次去都有叫椒鹽九肚, 上次去就無貨, 有D失望呢~甜酸魚塊, 好正~ 招牌米通墨魚丸, 熱辣辣好好味~~~ 即叫即炸, 唔似香港D餐廳咁炸定晒~我無緣試過骨煲, 因為我地得3個人, 其中一個又唔鍾意食煲, 2個人就唔會食得晒個煲WOR,好大煲~~~ 如果試下次都係搵多幾個人去試先得~ 因為見到隔離枱個煲已經漏晒口水~ 哈哈~枱唔係太多, 夜佐要訂枱, 我地食緊既時候都頻頻聽到老闆收電話訂枱~
繼續閱讀
您可能會有興趣的...