喜蓮咖啡麵食

之前到過澳門好幾次了, 也完全不認識喜蓮咖啡最近看到數位食友都介紹這裡的美食, 吸引了我來這裡芝士豬扒夾餅看餐牌不知道什麼是夾餅, 一問店員之下原來是飛碟夾餅外層烤得脆身, 裡面的豬扒薄身但也蠻入味的裡面還有不少的芝士, 溶化的芝士搭上豬扒的這個夾餅不錯吃牛尾湯公仔麵這是喜蓮的名物之一吧, 看到每桌幾乎都有這個麵湯頭有很濃的牛尾湯味道, 牛味蠻重的, 還有番茄西芹跟甘筍的味道在裡頭麵條蠻彈牙的, 也很能把湯頭掛在麵條上, 整個好好吃! 不過如果沒有那麼多碎骨就更好了窩蛋免治乾牛肉飯看到這裡牆上有一張窩蛋免治乾牛肉飯的圖片, 男友說應該會很好吃, 就叫了一碟試試說是窩蛋, 其實是太陽蛋, 放在飯跟免治乾牛肉上面牛肉炒得非常好吃! 乾身的免治牛肉加了黑椒跟洋蔥炒過, 整個非常香很惹味加上蛋黃一起配飯, 整個飯是沒有汁的但絕對夠味, 牛肉也很好下飯, 推介!就是因為這個窩蛋免治乾牛肉飯, 我們已經決定以後每次到澳門都要來喜蓮吃很出色的一家茶餐廳…查看更多

3月19日, 澳門瘋狂大食團正式展開! 喺出發前就已經做晒research整咗個eat list~第一站就揀咗嚟喜蓮試佢嘅牛尾湯通同埋咖哩角! ::: 咖哩吞拿魚角 :::果然係名物~ 首先餡料咖哩配吞拿魚已經夠特別! 其次就係佢個size~ 根本就係三文治嘅size! 勁大份! 呢個非一般咖哩角亦唔係用普通嘅炸皮做, 而係用薄薄一塊嘅白麵包, 包上混入洋蔥嘅咖哩吞拿魚餡, 然後成件炸成金黃色! 一咬開脆卜卜嘅麵包角, 澎湃嘅餡料爭相爆出~ 咖哩吞拿魚味道微辣, 但又有洋蔥嘅香甜, 十分惹味! 嚟呢度必試!:::芝士豬扒夾餅 :::佢地嘅夾餅其實即係香港嘅飛碟~ 因為唔想食豬扒包住所以就叫咗個芝扒治試下! 同樣都係麵包夾餡料, 但呢個夾餅就無咖哩角咁脆, 雖然都有烘底, 但就咁睇都見到佢唔係烘得好均勻… 入面塊豬扒薄薄地, 醃得幾入味~ 加埋半溶嘅芝士, 基本上都好難唔好味~::: 鮮牛尾湯通粉 :::個樣其實都有d似羅宋湯通粉~ 用嘅係坑紋通粉, 唔會煮得過淋, 所以都有d咬口. 鮮橙色嘅牛尾湯底味道唔算濃, 微微酸甜番茄味中滲出淡淡牛肉味~ 牛肉粒唔係話無味… 不過就真係太碎濕濕… 整體都幾好味~ 但又唔覺得真係好特別囉…::: 咖哩牛脷飯 :::咖哩係十分澳門地道風味的~ 唔似港式咖哩咁溝椰奶加辣油, 又唔係日式甜咖哩咁杰撻撻… 呢個咖哩醬汁明顯較稀, 味道辛香帶辣勁! 牛脷份量都頗多~ 兼且塊塊都大大條, 有牛味得嚟又煮得香軟淋身, 好好味! 不過就真係幾辣…::: 雲吞拼水餃 :::食過番尋味, 於是就問下呀姐仲有咩推介食物, 佢就話係雲吞同水餃~ 結果又叫咗十隻雙拼試試! 其實雲吞同水餃個皮都係用雲吞皮包, 只有個餡有少少唔同~ 個皮好嫩滑, 餡料亦新鮮, 都唔錯!::: 紅豆冰 :::呢度d紅豆冰都幾多花款, 除咗普通嘅紅豆冰, 仲有d溝奶茶咖啡嘅變奏版! 不過我地都係叫番最正宗嘅嚟試下先~ d奶落得好多, 味道頗甜. 可幸紅豆都煲到起晒沙, 咬落香甜粉糯, 力保紅豆冰最重要嘅一環!::: 熱朱古力 :::呢杯係友人叫嘅~ 望落都唔錯! 朱古力粉都多, 味道自己濃郁~以茶餐廳嚟講呢度都幾乾淨, 食物款式亦多~ 食客類別由遊客至本地人都有~ 佢仲有d沙丹豬扒飯呀豬手呀一d特別菜名都好想試! 下次有機會再嚟食過~…查看更多