茶木‧台式休閒餐廳 (黃埔天地)

營業中

休息中

茶木台式休閒餐廳,呢間台式餐廳喺香港都有好多間分店,我覺得佢地嘅食物質素好好,而且性價比又高,所以我經常都會幫襯。今次去咗黃埔行街,見到呢度都有分店,所以入去食試下。同其他分店一樣餐廳非常整潔,座位空間感好足夠。喺呢個集團食嘢感覺真係好舒服好舒適。紅燒牛肉米粉 我最鍾意就係食佢哋啲米粉非常幼滑,紅燒牛肉煮到好入味好軟淋,入口牛肉味好香濃,加上芫茜,蘿蔔,整個湯底都係牛肉嘅精華,每次我都會連湯都飲曬。溏心蛋我每次都會食,蛋味香濃加上入口蛋黃滑溜,每次都要食一碟先至滿足。台式拼盤 有台式腸,花之丸,鹽酥雞,台式腸入口煙煙銀銀味道香甜,花之丸炸到金黃色,外脆內熱,咬落去口感爽口彈牙。鹽酥雞真係好好味炸到脆卜卜,食落去雞肉味道香濃雞肉好嫩滑。最鍾意佢就係有少少蒜片配埋一齊食,令到食物嘅味道層次更加豐富。抹茶雪糕配芒果吉士窩夫 ,窩夫香脆配上香濃嘅芒果味道香甜。高山御路紅茶,紅茶用明火保溫,入口茶味香濃甘香,陣陣肉桂薄荷香味慢慢滲出,正。