Cafe Gute (已結業)

又走黎呢度食lunch, 午市時間要等位, 好彩大約五分鐘就有位, 不過係坐響門口既一張弧型大檯, 即係要搭檯, 感覺麻麻. 不過趕時間, 也就算了.

循例又係set lunch, 餐湯係忌廉湯, 有少少煙肉碎響面, 幾香口, 算唔錯. 侍應會捧著一大籃麵包比你揀, d麵包一路放響暖櫃暖著, 所以入口依然係暖既, 特別好味. 主菜我揀左雜菌芝士焗飯, 香而不漏, 我平時唔多鍾意食呢味既, 都覺得呢度整得好味. 友人叫既日式牛肉湯烏冬據報都唔錯, 搭單既兩件壽司就麻麻喎. 餐飲要咖啡, 都ok.

由於我地兩個揀既都係至平果款set lunch, 埋單大約每人四十元, 都算抵食. 不過環境麻麻, 檯椅擺得迫, 又比較嘈, 平時lunch就無乜所謂, 想傾下計既話就未必適合.