更多
2021-02-18
943 瀏覽
簡單來講，排2粒鐘就係買2件19蛋糕，時間成本高到癲，你好L得閒冇野做先好排。所有野人手做，好慢，冇服務，冇人流管理。分分鐘白等2粒鐘係咩都買唔到！！！！真心！你唔信就你自己去排下。第一次嬲到要寫劣計！今日難得平日放假，12點半左右去到間野到買蛋糕，一去到，人龍已排到出門口打蛇餅中。如果唔想排太耐，我諗要11:45到掛。等左1個鐘，終於排到入門口到。以為好快到我啦，一入到去呆左，因為店入面仲有一條人龍。排左2個幾鐘，然後差唔多排到我時，前面有啲人一次過買左廿幾件蛋糕（應該係冇預訂，買現貨），到我時只係得返2種口味嘅少量蛋糕揀。真係好嬲，排左2個幾鐘，係想食抹茶流心千層蛋糕，最後只係買到2件蛋糕仔。排2個幾鐘唔知為咩野，浪費時間同埋假期。流程係咁，你落完order，收銀會拎住本簿，叫店員逐件執貨，係人手做，冇電腦化，所以收銀一件件咁嗌，店員就一件件咁執。你唔好彩前面嘅人買十幾廿件，咁你就慢慢等。平均每人要5分鐘或以上黎執貨。有人問佢地，控制人龍，廢事排完2個鐘都咩都買唔到（係，我後面仲有好長龍嘅人應該係白等2個鐘咩都買唔到）。個收銀姨姨話會向佢地公司反映喎。仲有問佢搞限購，個個人都即買廿
今日難得平日放假，12點半左右去到間野到買蛋糕，一去到，人龍已排到出門口打蛇餅中。如果唔想排太耐，我諗要11:45到掛。
等左1個鐘，終於排到入門口到。以為好快到我啦，一入到去呆左，因為店入面仲有一條人龍。
排左2個幾鐘，然後差唔多排到我時，前面有啲人一次過買左廿幾件蛋糕（應該係冇預訂，買現貨），到我時只係得返2種口味嘅少量蛋糕揀。
真係好嬲，排左2個幾鐘，係想食抹茶流心千層蛋糕，最後只係買到2件蛋糕仔。排2個幾鐘唔知為咩野，浪費時間同埋假期。
流程係咁，你落完order，收銀會拎住本簿，叫店員逐件執貨，係人手做，冇電腦化，所以收銀一件件咁嗌，店員就一件件咁執。你唔好彩前面嘅人買十幾廿件，咁你就慢慢等。平均每人要5分鐘或以上黎執貨。
有人問佢地，控制人龍，廢事排完2個鐘都咩都買唔到（係，我後面仲有好長龍嘅人應該係白等2個鐘咩都買唔到）。個收銀姨姨話會向佢地公司反映喎。仲有問佢搞限購，個個人都即買廿幾件現貨，後面排隊嘅人最後咩都冇，個姨姨都係話會反映意見。
我明明記得呢間係小生意，仲要見到疑似創辦人係到執緊餅，我真係唔知佢間公司有幾大，要慢慢反映意見。
你問蛋糕好冇味，係好食，但排2個鐘未必買到你鐘意口味。值唔值你自己諗。仲有，你預訂完，都係一樣都排同一條隊拎貨，因為佢地係即場執貨俾你，慢慢等啦。
佢以前係太子店，我都有幫襯過，你係要等，但冇去到2小時，因現貨好少，好快賣哂，就唔洗等。而家搬左去旺角，多左現貨，但安排衰過以前好多，因為人龍更長，冇人截龍，冇人問定你要幾件蛋糕同咩口味黎預售出量，所以你等運到睇下排到你仲有冇貨。
佢時間係賺錢時間，我排隊時間就唔係時間。真係想講粗口，再好食嘅蛋糕都唔想再去。有人俾意見，但間店都冇心聽，似係9答一句，我地會向公司反映意見，就完左。真係買蛋糕黎講最差嘅體驗，排2個鐘唔知為咩。
最後，排隊過程會見到員工拎住食材係咁穿過人龍兩頭行。
31 瀏覽
0 讚好
0 留言
張貼
