影片
最近經常喺銅鑼灣工作，唔知食咩好，經過希雲街見到呢個厚興瑜記手撕雞專門店，十幾年前經常買一盒手撕雞返屋企加餸，當時覺得味道唔錯，今次第一次係厚興瑜記嘅分店堂食。希雲街分店嘅門面，地方唔算大，裏面大概有10個座位內。手撕雞嘅餐牌，可以配搭飯同埋粉麵，二手撕雞可以配搭其他小食。點咗一個手撕雞拼猪肚飯，另外再加辣醬，送飯唔錯，手撕雞嘅份量算OK，味道中規中矩，豬肚嘅份量就比較少，而飯嘅份量好多，但如果可以再熱啲就比較好。另外每人附送一碗雞湯，碗雞湯味道唔錯，無添加，純天然。
繼續閱讀
第一次用外賣apps叫外賣 叫手撕雞變左手撕骨 餐廳話係正常 邊有手撕雞係咁嘅樣 未食過喎？個雞仲要有宿味 懷疑啲雞有問題 個麵仲要生嘅 餐廳話個麵係爽口咁係正常…爽同未熟就2回事黎嘅其實 最後成盒食唔到要重新買過晚餐…咁我一開始要退錢 餐廳唔肯退搞到我要同外送平台溝通一輪先退返一半比我本身個盒已經細盒 仲要一半係骨 肉得幾舊…如果淨係味道唔好都算 而家比咁多骨我當我狗？呢啲咁嘅餐廳冇下次 利申：圖中係未食過嘅樣黎 講大話比雷劈
繼續閱讀
本應想買1隻鷄試吓唔同口味，即係清遠鷄半隻，原味半隻，但係買嘢俾我嘅女士好似聽唔入耳，剩係包半隻清遠雞$90，仲話要雞腎定豬耳骨，咁咪覆佢鷄腎，點知今晚打開就發現得兩條雞髀骨晾起加雞翼骨，肉甚少連埋雞腎，基本上連個雞髀嘅肉都冇埋，不似預期，冇下次喇！😔
繼續閱讀
三年前第一次上完學車堂食過，食完一次後，以後每每經過銅鑼灣，想唔到食什麼，都會行遠小小 來這裡吃個手撕雞冷麵。無華麗裝修，但齊潔。知道他們搬了去希雲街差不多三個月，就去新店食個 lunch.來來去去都是雞拼 豬肚雞翼尖雞腳....沒新意，但水準穩定而且跟餐的那個湯 ，有家的感覺.：）我今回點了手撕雞加辣，拼豬耳雞翼尖，再加少少麻醬，夏天一流。知道他們加了酸菜魚 和麻辣鮮魚皮。可惜肚就得一個吃不了這麼多，永遠有下次。
繼續閱讀