影片
港鐵觀塘站 B2 出口, 步行約7分鐘
繼續閱讀
電話號碼
53653963
開飯介紹
以校園風為主題。食物主打西台Fusion菜，如特色炸軟殼蟹肉燥飯等，午市套餐性價比高；另外綿綿冰及芭菲也是其得意之作，建議穿著校服來用餐會有更好的體驗。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
優惠
相關文章
今日去咗觀塘嘅校園風Cafe，真係好多打卡位，好有懷舊感，諗返以前讀書嘅日子，真係想著返套校服嚟影相，應該會好有feel！😆😆呢間Cafe好正，星期日都開門，週末去觀塘食嘢又多咗一個好選擇。 我試咗佢哋嘅蟹籽卡邦尼意粉，味道濃郁又帶啲鮮甜，好正；經典全日早餐份量足夠，好啱慢慢歎；仲有榛果鮮奶咖啡，香滑又有層次感，完美配餐。天婦羅海苔魷魚鬚炸得香脆，食落口感一流；炸薯條配茄黑松露醬，特別又有特色；最後嘅士多啤梨芭菲甜品甜而不膩，好鐘意！下次再約朋友嚟，影相食嘢一齊Chill吓！
繼續閱讀
呢間餐廳空間幾闊落，而且唔會趕你走，所以超適合傾偈🥰⭐️開心果刨冰（$138）加開心果淋醬（+$10）全日最期待就係呢個刨冰！心心眼😍佢份量都幾對得住呢個價錢，最上面係雲呢拿雪糕加開心果碎，然後下一層就係忌廉，之後先至係開心果刨冰，本身個刨冰都有淡淡嘅開心果味，但係淋埋個開心果醬之後，開心果味係極濃郁！💕最驚喜係刨冰入面仲會有啲豆腐花同埋餅乾碎，口感豐富，打卡一流💚⭐️黑松露雜菌雞肉長通粉 （$108）呢個長通粉用料非常大方，佢入面有好多舊雞肉，應該係煎過先加入去，食落唔會好柴同幾淋，醬汁亦都係好多，每一條長通粉都掛到汁，黑松露味同埋菇菌味好重！唔錯❤️⭐️青醬帆立貝蝦肉燉飯 （$128）我好似第一次食青醬，所以覺得佢隻味都幾青草🤣但呢個飯嘅汁醬都幾多，表面有兩大粒帆立貝，飯入面有好多菇菌，但係好似唔係好見到蝦肉？係幾creamy既～📍Times Coffee (觀塘)觀塘興業街18號美興工業大廈A座1樓C1室#cafe #九龍美食 #觀塘美食 #樓上鋪 #alwaysgugu #gugu #hungry #西餐 #美食 #香港美食 #food #hkfood #foodhk #foodie #foodiehk #hkfoodie #咖啡廳 #打卡美食 #打卡餐廳 #打卡好去處 #香港打卡 #香港好去處 #甜品 #假期好去處 #Happyfriday #打卡美食 #開心果 #意粉 #食好西 #刨冰
繼續閱讀
上次來已經係大半年前，呢段時間真係發生左好多野，決定再同呢個朋友來好好紀錄下。呢度入面嘅裝修好有校園嘅感覺，仲有紀念冊同回憶錄可以寫-都幾有年代感😂睇來我半年前寫個本已經full曬-因為當日我搵唔翻🤷🏻♀️-二人餐$328-/鳳尾蝦沙律+$30/蝦本人幾彈牙，沙律份量都唔少🥗/甜不辣+台灣腸/小食方面可以選擇台灣腸/甜不辣/地瓜球中嘅兩款-台灣腸味道鹹香濃郁🤩甜不辣口感煙韌唔油膩🍡/冬陰功海鮮意粉+$30/味道微酸幾開胃，唔算好辣，醬汁亦都唔漏🌶️/軟殼蟹鹹蛋黃意粉+$40/軟殼蟹係脆架🦀鹹蛋黃醬起沙程度幾滿意，今餐唔洗腎虧🍝/抹茶蕨餅紅豆冰+$58/重點來啦💕除左返來寫回憶錄之外，仲係為左食冰而來🤩每啖冰都好綿，都有抹茶嘅味道🍧加埋奶蓋cream同軟糯嘅紅豆🫘兩個人都超滿足🧊🧊/荔枝玫瑰冰茶+$20/今日咁悶熱嘅天氣好彩有佢🍹好甜好舒爽，帶少少嘅玫瑰花香🌹/雙重薄荷朱古力+$28/加左薄朱雪糕🍦嘅朱古力，簡直不要太邪惡，直頭係夏日之選🍃
繼續閱讀
觀塘呢間復古校園主題嘅台式fusionCafe真係勾起晒中學回憶！木枱木凳、黑板、鐵櫃，連Menu都係筆記簿造型，仲要食物質素超班，個刨冰仲要正過出名嗰間Shxxx Shxxx！ ✨ 二人套餐 ($328) (另包沙律、小食和飲品)✅ Bagel全日早餐- Bagel外脆內煙韌，咬落有口感 - 煙三文魚+牛油果份量大方，擺盤靚到唔捨得食 ✅ 蒜香蜆肉意粉- 蜆肉多到跌出嚟，鮮甜冇沙 - 蒜香夠晒味又唔油膩 - 意粉硬度煮得剛剛好 🍧 MVP開心果刨冰- 份量巨大，足夠2-3人share - 開心果味濃郁又唔甜膩，仲附送多杯醬自己加，唔會食到一半就冇晒味- 驚喜位：冰內藏有餅碎同牛奶布丁，口感層次爆燈 - 刨冰控認證❤️🔥：真係好食過Shxxx Shxxx！ 🎓 環境體驗- 真·學校木枱凳，坐低即刻變中學生 - 黑板牆+鐵櫃超好打卡 📌 「食物+環境+回憶」三重享受！快啲約埋身邊嘅開心果控同刨冰愛好者 ，一齊嚟懷緬吓校園嘅美好時光🤍 抵食指數：🌕🌕🌕🌗🌑好味指數：🌕🌕🌕🌕🌑
繼續閱讀
今⽇專程嚟到觀塘呢間課室Cafe⻝嘢，呢度嘅裝修真係好特別好靚！我哋晏晝嚟到仲有太陽光成個感覺係⾮常之chill，重點係嘢⻝都唔錯。我哋叫咗⼆⼈套餐跟餐送嘅沙律同⼩⻝⼀啲都唔⾺⻁ 地⽠球外⽪煙靭⼊⾯有芋泥，沙律菜都係⾮常之新鮮嘅。主⻝我哋揀咗煙三⽂⿂南⽠燉飯，南⽠味⽐出邊⻝過嘅濃郁，賣相⼜好睇。炸⽻⾐⽢藍同腰果加埋南⽠燉飯⻝落去好夾，有唔同⼝感。另外仲揀咗⿓蝦汁⻑通粉，⼊⾯有蝦同蜆⾁，好欣賞佢嘅⻑通粉係⾮常之掛汁，⻝落去淡淡都有⿓蝦味。我會為咗呢個意粉再嚟。另外套餐仲包咗甜品，係有兩杯抹茶雪糕嘅，⽤咗可愛嘅杯裝住。味道正常發揮。咁多嘅嘢⻝，最後埋單每⼈唔使$200，雖然佢哋冇收+1服務費，但係店員嘅態度都好友善
繼續閱讀