稻香超級漁港

係友人屋企打完麻鵲 就附近麗港城搵食 大家唔想食快餐同中菜 見稻香有邊爐打又坐得舒服 於是入去可能平日兼尚早 四個人即安排坐卡座 幾好侍應比了幾張火鍋紙 其中以紅點$48 黃$38 綠$28三色作為價格 肥牛,海鮮$58起 湯底有平有貴選擇另外每位收取$8醬油費 任你混醬..同時也可任飲水吧既飲品及糖水我地選醉雞湯底 當然美味(雞件夠嫩滑食到一件不留)所點食物比想像中新鮮 但又比想像中細碟 肥牛一碟收七八十蚊得12片又切得勁薄是晚較好 墨魚丸,腐皮卷,餛飩(多蝦)同水餃(多荀絲) 水吧既豆漿,酸梅湯 水準唔差 糖水就一般(先到先有,無晒唔見再添糖水) …查看更多

黎飲過幾次茶都覺得OK第一次夜晚黎食飯....發覺真係少款又難食....首先菜牌得一個....平時我見都有大大本個d menu都無提供....之後叫左半隻燒雞...咕嚕肉...魚腐菜苗落單時我問樓面菜苗可唔可以要白菜仔??樓面話ok既,但之後又走返轉頭同我地講要加$10指定菜類要加成十蚊咁貴??真係未聽過之後我地都話算啦無所謂野食好快就到...可能因為當晚少客啦燒雞黎先....除左脾位滑之外....其他部位都係好鞋口!同埋勁勁勁勁肥!!食到有一舊係9成都肥膏黎既....見到都驚仲要唔熱....只可以用微暖黎形容....仲要好咸咕嚕肉細粒....好厚粉....睇落去就好大舊....但好多都係粉....最經典都莫過於果個魚腐菜苗囉....一黎到....我同朋友都O哂咀魚腐在那??我地只係見到D白魚蛋既物體囉.....咬落去真係仲難食過白魚蛋....不過有樣野要讚既就係呢道菜絕對適合老人家食!!!因為D魚蛋係勁林....唔洗用牙咬....完全係做到「入口即溶」!!! 放入口「妹」下佢都已經化哂....勁到呢....即係我覺得魚蛋咪魚蛋囉....點解餐牌上要寫魚腐呢?? 真係好誤導人....仲要收$68??真係唔值....好彩無加十蚊指定菜類咋叫左兩個白飯....我地同個四眼黑衫男職員落單既....但等好耐都無黎....我之後再向另一個黑衫女職員追....佢應左我轉頭就同另一個樓面講叫佢去追....樓面又捉住D傳菜阿姐去追....兩個白飯都要推黎推去....不如話我知係邊裝....我自己去裝仲好食完之後叫甜品....想食紅豆糕....職員話無....真係有D失望好彩仲有個芒果布丁....真係幾好食....係成餐飯最好食既野囉埋單唔算貴....但食飯就絕對無下次囉…查看更多

環境闊落,起初仲以為好差,但去到唔差喎,D火煱料好新鮮,而且又有一蚊湯底~仲有埋自助吧,8蚊就有得任飲,而且仲有D糖水食~正呀~價錢抵呀~…查看更多

一大班同事飲茶.BOOK定位, FAX定點心紙落單.BOOK1:15PM, 亞姐話1:05PM俾我地入定單, 唔使等點心上. 超好超細心.一去到即有位. 開完茶, 熱辣辣點心即上. 紅棗糕超好食. 又軟又滑, 煙煙UN UN, 甜度岩岩好. 又唔會有酸味.好正MUST EAT ITEM! HAHA!個鴛鴦炒飯又係好食. 暫時來講. 觀塘區既酒樓中, 佢既鴛鴦炒飯最得.飯粒粒分別. 唔會太硬太軟. 汁味剛剛好. 好食到要搶食.TOTAL 叫左18個點心, 1個炒飯, 8個人. 埋單除開都只係HK$40. 抵食.…查看更多

母親節,三個家庭,共同向三位母親賀.節日的選擇就只得兩個套餐,貴價的$2988沒有半席,就唯選此餐,內容有:乳豬 - 皮脆肉香,中上水準.翠玉瓜珊瑚蚌花枝片 - 食材新鮮,味道不錯!失敗是忘記上蠔油,要叫!蒸海班 - 一整條虎班,廚師火候把握功夫好,掂!蟹肉翅 - 不如說是羮吧,一般.玉環瑤柱甫 - 瑤柱沒試,玉環(節瓜)好食,不太腍,伴碟的菇好食!鮑魚菇鴨掌 - 鴨掌夠腍,鮑魚菇入味,幾好!荷葉飯 - 不覺特別.壽包 - 皮軟餡熱又不太甜,這個可給很高分!雞,及芒果沙律卷 - 因感冒及喉嚨痛這兩款菜都沒有食.此套餐全席$1988,免加一茶芥,送兩啤,六汽水,半席$1088,半席者,除魚外全部食物都是半份,相信多了那一百元,就是補貼在魚上面.基本上此食肆食物水準完全可以接受,侍應的服務亦沒甚麼瑕疵,未食前參考食評,見到 1 vs 3 的比例,但食完發覺:都不如想像中差!…查看更多