影片
影片
相片
腐乳味巴斯克芝士蛋糕
腐乳味巴斯克芝士蛋糕
+19
招牌菜
噚日（18-4-2025 Fri）復活節假期第一日，食完黑布小巷後周圍盪，走去D2 一期行，意外發現又有檔巴斯克軟心芝士蛋糕專門店，老公見佢有腐乳味，竟然真係有人會將呢兩樣嘢擺埋一齊，佢重有好多種口味，而價錢由$160.00起，我哋諗咗一陣，覺得可以試，由於冇帶冰袋，所以要即食，我哋就問店員，係咪冇切餅要成個買？佢答係。咁我哋要$198.00嘅腐乳味，然後喺商場搵個位坐低食啦。好幸運地，我哋搵到個位，睇見個面係焗得幾靚，我哋急不及待咁舀嚟食喇，其實，腐乳嘅味道係好淡，要好細心至食得出，我哋只覺得係濃嘅芝士味，不過可能如果腐乳味太重就唔好食啦，而佢嘅口感就係我鍾意，好流心同幾厚嗰隻，不過佢其實唔大件，咁樣比荃灣YuMo(https://www.openrice.com/zh/hongkong/r-yumo%E8%8A%9D%E5%A3%AB%E8%9B%8B%E7%B3%95%E5%B0%88%E9%96%80%E5%BA%97-%E8%8D%83%E7%81%A3-%E8%A5%BF%E5%BC%8F-%E8%A5%BF%E5%BC%8F%E7%B3%95%E9%BB%9E-r796652)更貴。抵食係2.6分
繼續閱讀
這款腐乳味芝士蛋糕絕對是味覺上的大膽創新！一入口，濃郁的芝士香氣瞬間爆發，質地細膩綿密，中間的流心芝士更是驚喜，切開時緩緩流出，口感滑順如絲綢，芝士的鹹香與奶香完美交融。腐乳的獨特風味並不會過於搶戲，反而為蛋糕增添了一抹深邃的鹹鮮層次，讓整體味道更加豐富，完全不會膩口。底層的餅乾底酥脆可口，與柔軟的芝士形成絕妙對比。 整體來說，這款蛋糕將傳統與創意結合得淋漓盡致，芝士愛好者絕對不能錯過！味道濃郁卻平衡，每一口都讓人回味無窮，滿分10分實至名歸，強烈推薦給喜歡挑戰味蕾的食客！
繼續閱讀
朋友生日，收工經過荔枝角，想搵啲又好食，兩個人又食得曬嘅蛋糕，因為次次太大個蛋糕食唔曬好浪費，搵搵下，係D2 One 見到有間賣蛋糕小店，招牌寫腐乳味蛋糕，覺得好特別！好！就決定試吓！初初諗緊會唔會好奇怪，但試咗第一啖，好正！腐乳味嘅鹹香好入味，同芝士好夾！連我生日嘅朋友都話一啲都唔漏，可以再幫襯！！係我食過咗咁多芝士蛋糕最好食嘅一個👍🏻推薦另外，蛋糕包裝好有香港特色，不過掛住食，無影到，見佢好似仲有其他味，好想再試，下次再嚟幫襯先👍🏻👍🏻回鋪再食指數：⭐️⭐️⭐️⭐️⭐️/5星為滿分
繼續閱讀
星期六日同朋友去荔枝角行吓，睇吓啲文創市集，之後經過發現3樓有間望落好吸引嘅巴斯克蛋糕檔口，於是買咗一個嚟試吓。🙈首先，賣相唔錯嘅，用一個好有質感嘅圓木盒裝住，又幾靚，職員亦都好細心咁介紹，feel到佢好有熱誠。😳當晚返到屋企就迫不及待試食，蛋糕面頭微微燒焦，入口好滑溜，散發着好香芝士味，我哋揀咗紅茶味，茶味都幾濃厚，屋企人都話不錯，而且佢嘅份量都唔細，四個人食都夠，下次會再幫襯試吓其他味道。😋
繼續閱讀
同事們同我慶祝生日買左衛食攻略都介紹既腐乳芝士蛋糕 四寸蛋糕三至四個人食都夠大家可能聽到腐乳味會覺得好怪🤣原來腐乳同芝士好夾好像藍芝士完全唔令人抗拒☺️仲要香港自家品牌支持支持👍
繼續閱讀