影片
開飯介紹
於1969年創立的老字號港式扒房，以熱騰騰的鐵板呈上親民價扒餐，再淋上香濃的黑椒汁或燒汁，非常惹味。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
相關文章
鋸扒！鋸扒！好耐冇鋸扒啦🥩！今次我地去咗尖沙咀嘅金鳳大餐廳！一開始係路過就俾呢間餐廳嘅懷舊風格吸引，行到入去發現即使唔係lunch時間都非常之熱鬧！另外，佢地店員都非常nice，倒汁嘅時候會好貼心咁拎紙巾比客人擋住！今次食得好滿足呀！一齊睇下我地食咗啲咩啦！🍞餐包+牛油- 餐包松軟，上臺嘅時候係溫熱嘅，再搽埋牛油，香氣瞬間散發出黎！🍲羅宋湯- 酸酸甜甜，清爽可口，用黎開胃就最啱啦！🥣忌廉湯- 濃郁順滑，有微微嘅香草味，非常暖胃！🍛金鳳皇牌焗豬扒飯餐 $118(加一前價錢)- 賣相吸引，豬扒外脆內嫩，肉質鮮嫩多汁！🥩招牌牛柳餐 $152 (加一前價錢)- 牛柳叫做七成熟，口感嫩滑，完全冇牛筋，入口即溶嘅感覺，再配買黑椒汁，簡直無得彈！🍓紅牛(士多啤梨雪糕+利賓納) $18,正價$35 設加一服務費🥭金牛(芒果雪糕+忌廉) $18,正價$35 設加一服務費- 兩款飲料味道清新，唔會有甜膩感，氣泡飲加雪糕非常特別，而且顏色夢幻，一望落就好有食慾！呢間餐廳簡直就係平民扒房，味道絕對唔輸其他餐廳！而且餐廳歷史夠曬悠久，係信心嘅保證!👍鐘意鋸扒嘅朋友快啲黎試下啦！
繼續閱讀
金鳳大餐廳，聽講佢哋主打貴族牛扒同什扒餐，係嗰種好有香港懷舊西餐廳feel嘅地方。點知一入到去，嘩，全場爆滿！平日夜晚喎，原本諗住而家香港經濟咁差，應該唔使等位，點知都要排咗十幾分鐘先有位，真係有啲意外！環境同服務
餐廳環境係典型香港式西餐廳，燈光偏暗，坐位安排有啲擠迫，枱同枱之間好近，講嘢大聲少少隔離枱都聽到。不過整體都算乾淨，懷舊嘅裝修有種親切感，唔算好熱情但都夠有效率，叫嘢食同上菜都幾快。食物
我哋叫咗招牌貴族牛扒（五成熟，鐵板上）同什扒餐（有火腿、豬扒、牛扒同雞翼）。貴族牛扒一上枱，鐵板嗞嗞聲，仲有陣陣牛油香，望落真係好吸引！牛扒五成熟煎得啱啱好，肉質嫩滑，帶點juicy，配上黑椒汁同薯格，味道好濃郁，份量都唔少，食完好滿足。什扒餐就豐富啲，火腿、豬扒、牛扒同雞翼一齊上，夠晒五顏六色。豬扒同牛扒都煎得香口，火腿就略為普通，雞翼就中規中矩。醬汁方面，黑椒汁同洋蔥汁揀咗黑椒，味道夠濃但略為鹹咗少少。整體嚟講，食物係中上水平，唔係話好驚艷，但絕對對得住個價錢同名氣。總結
金鳳大餐廳真係一個好有香港特色嘅食肆，貴族牛扒同什扒餐都好食，份量足，價錢合理，難怪平日都咁多人！
繼續閱讀
今晚老公突然間收早，所以我哋就即興去左金鳳大餐廳撐枱腳😆🗯貴族牛扒餐 + 生蒜 (餐湯 +餐包) $225呢嚿牛扒超級大嚿同埋厚身 同平時既牛扒真係唔同😍姨姨建議我唔好揀咁熟會更好食我揀咗五成 真係煎得好好完全冇柴 熟度岩岩好肉質好軟熟 好有肉汁果然係老字號🤤🤤🤤🗯招牌牛柳餐 + 生蒜(餐湯 +餐包) $152牛柳相對林身啲 牛味好重又係煎得啱啱好😍 好驚喜配左黑椒汁 味道好夾😆🤘🏻㊙️套餐已包左餐包 + 湯 + 餐飲 轉凍飲都唔需要額外收費🤩🗯黑牛 (朱古力雪糕+可樂）一隻字 掂！🗯凍朱古力 甜度剛好！餐包熱辣辣 焗熱左 好熟熟咁上餐枱🍞紅湯出色 夠多菜🤣個味好夠濃白湯點餐包超級配 好建議大家將餐包搽牛油後點黎食🤣好鍾意呢間舊式扒房鋸扒真係舊式扒房先係最有風味🤣🤣好有人情味☺️ 姨姨們都好友善今次係我第一次幫襯尖沙咀山林道分店以前我哋拍拖嘅時候會去荔枝角D2排隊架🥺尖沙咀分店大好多容易啲有位 大家可以過去TST試吓一踏入門口就好似去左八十年代既餐廳 好有風味🥰📍 金鳳大餐廳 (尖沙咀)尖沙咀山林道9A號地舖
繼續閱讀
▪︎[ 芝士牛油蒜蓉燒生蠔 | HK$38 (兩隻) ]▪︎[ 牛柳餐 | HK$167 ]▪︎[ 貴族牛扒餐 | HK$225 ] ☆☆ ▪︎[ 金鳳特色飲品 - 紅牛 | +HK$15 ] ☆☆套餐奉送：牛油餐包 • 餐湯 • 餐飲貴族牛扒，用上美國牛肩扒，茶餐廳黎講有驚喜 🤤，肉味相對濃，而且口感較軟。牛柳餐味道相對美國牛肩扒無咁突出。以港式鋸扒，不過不失。⚠️⚠️ 勝在性價較高，食肉獸大愛，肉量十足。小食，🦪 燒生蠔蒜量都幾多，好有港式風味。黑牛白牛飲得多，今次初嚐紅牛，🍓 士多啤梨雪糕 X🫐 利賓納 X 🍹蘇打水。呢個配搭幾有新鮮感，利賓納加蘇打水，飲起黎就無咁邪惡啦～
繼續閱讀
金鳳真係由細食到大，以前每年聖誕節都會一家人嚟鋸扒慶祝真係老字號嘅平民扒房，1969年創立，主打懷舊鐵板餐，每日晚飯時間都坐滿，有時仲要排隊添各式各樣嘅扒都有，好多選擇，套餐包括牛油餐包、餐湯、餐飲等好鍾意佢嘅羅宋湯，大大碗真材實料，加少少胡椒粉，將個牛油餐包浸落去，小時候侍應阿叔教我嘅食法貴族牛扒，五成熟牛柳餐五成熟喜歡鐵板上嘅牛柳餐，一上枱聽到「吱吱聲」香氣十足，特別係冬天可以保持溫度同埋鎖住肉汁每款扒餐都有薯條同蔬菜，加埋黑椒汁，好滋味牛柳色澤紅亮，外面烤得有點焦，內裏粉嫩Juicy，油脂分布均勻，我個人更喜歡貴族牛扒，肉味香濃最後仲有餐飲，如果鍾意食蒜蓉嘅可以配埋蒜蓉更惹味
繼續閱讀