影片
以上資料只供參考, 請與餐廳確認詳情
這天晚上去到10時多才有時間吃晚餐，所以就去了這間24小時營業的車仔麵店吃晚餐～這間車仔麵真的是附近居民的恩物，除了提供車仔麵食之外，還有港式的小食提供，就算晚一點想填飽肚子或是吃小食過過口癮都沒有難度啊！入座後看了看牆上的牌子寫着營業40載，原來這間店舖歷史十分悠久了！單單是麵也有九種可以挑選，幼麵、粗麵、油麵、米粉、米線、即食麵、河粉，或者加$4轉做出前一丁/烏冬。朋友要了黃色的油麵，而我就點了米線。食物配料方面，選擇更多，多達50種，所以和朋友各點了三個餸可以大家交換吃，可以嚐到更多不同的配料。我們吃着麵的時候才發覺忘記了要圈醬汁，所以應該是默認清湯了，相信如果有圈到醬汁的話會更加好吃呢！～豬腸🥢必點🥢沒有臭味，很香口。·～牛筋軟腍得來有咬口。·～炸魚肉豆腐🥢必點🥢大塊皮脆身，釀了魚肉，吃起來很香口。·～牛腩帶有頗多的脂肪，油脂味豐富。·～滷水雞翼不單是有雞翼，還有雞鎚，如果滷水味可以重一點和煮得更軟腍會更加好吃。·～魚肉釀尖椒帶辣味的尖椒釀上魚肉，有街頭小食的風味。🥤飲品點了凍西洋菜蜜和凍杏霜。另外點了一個小食，兩溝碗仔翅加魚肉，魚肉數量不少，有木耳、冬菇、粉絲等，整餐都充滿港式地道風味。✖️餐廳不設加一服務費
繼續閱讀
這間文記車仔麵三餸套餐 $45，選擇都頗多，每碗份量都頗大。點了鯪魚肉，九菜及水餃配粗麵。鯪魚肉及水餃都是他們自家製的。這款魚肉很少出現在車仔麵中，魚肉不死實，食到魚肉的鮮味，水餃大隻，菜肉比例一半半，好足料，九菜份量超多。車仔麵配料少有地出現煎釀三寶，所以另一碗點了炸魚肉豆腐，蘿蔔，牛柏葉，生菜配米粉。炸魚肉豆腐大件厚實，食到他們的魚肉無論煎或煮都很不錯。蘿蔔淋身無渣。餐廳亦有不少小食供應，炸魚皮都不錯。
繼續閱讀
早幾日去左土瓜灣間「文記車仔麵」，呢間嘢原來已經屹立咗40年，真係唔講得笑，佢仲係24小時通宵營業，幾時肚餓過黎食都得 👀我地嗌咗兩個三餸麵，豬手、滷水雞翼、魚皇卷、墨魚丸、牛腩、蝦條，佢既份量真係冇得頂，碗麵堆到滿一滿，睇見都開心！先講個豬手，炆得夠晒火候，入味得嚟又唔會太鹹，食落啖啖膠質，黏口得嚟又唔會膩，正！👍🏻至於個魚皇卷，即係佢哋嘅炸魚肉豆腐，真心要叫！外皮炸脆，入面釀咗魚肉，香口到停唔到口，必點呀！牛腩真心正到爆！佢哋用嘅應該係坑腩部位，炆到超級腍身，但係又唔會散收收，仲keep到啖啖肉嘅口感。個汁完全滲入晒啲肉嘅纖維裡面，濃郁得嚟又唔會死鹹，仲有陣淡淡嘅八角滷水香味，好味！仲要係啲筋位炆到淋淋哋，食落去黏口得嚟充滿骨膠原，正到痺！👏🏻至於個蝦條，同出面打邊爐食到嘅完全兩回事！外皮炸到金黃色，裡面食到蝦肉嘅彈牙同鮮味，香口到停唔到口！👀另外再嗌多碟小食香脆炸豬扒 & 香脆炸雞中翼送麵。超鍾意炸雞中翼，炸到金黃香脆，咬開肉汁，好邪惡但好滿足！😋
繼續閱讀
今日同朋友經過土瓜灣去食車仔麵車仔麵靈魂當然就係湯底🍜,而令人食過返尋味嘅車仔麵,重點一定係佢嘅秘製醬汁,呢度有牛腩,咖哩,辣汁,麻辣汁,為湯底額外添上風味,猶如畫龍點睛🤩而配料方面多達50多款,每次食都有唔同新鮮感👍🏻仲有套餐三餸只係$45🙌🏻最愛鳳爪味道濃郁入味,口感軟糯,骨頭易於咀嚼😍。另外牛根感覺咀巴被黏住嘅感覺😚而鹵水雞翼的味道是濃郁,香料氣息豐富,且帶有軟嫩口感的美味。
繼續閱讀
今日落大雨，所以近近哋喺附近食咗個午餐，最後揀咗文記車仔麵。車仔麵嚟講佢嘅餸都有唔少選擇，而我緊係揀，食車仔麵一定會揀嘅蘿蔔豬大腸，可惜呢度嘅車仔麵冇豬紅，但佢可以另外嗌韭菜豬紅，呢個係一個小食。我仲揀咗滷水蛋，魷魚蝦條。另外仲嗌咗個香脆炸豬扒。車仔麵嚟講都唔算好貴。咁一定要講吓佢個蘿蔔，個蘿蔔係清甜無根，仲煮到十分之林。而佢嘅豬大腸，係揀咗較肥嘅部位俾，呢個部位係我最鍾意食嘅。咁滷水蛋就ok嘅基本嘢啦。而蝦條佢係新鮮炸起仲熱辣辣嘅。最後佢個魷魚都十分之彈牙。整體嚟講係值得一試嘅。
繼續閱讀