Zenon Café (已結業)

未見過咁pushy既老闆娘 一坐低就行埋黎問食乜問左兩次落得單未 cafe就梗係慢慢坐 催乜姐 之後話落得單 佢又多多意見話邊個邊個最多人order話你地再諗下先就行左去 我米諗左囉係米一定要叫個個都order既先得架 又催人落單而家落得喇又迫人再諗 之後再堅持order番我地想食既 又問飲乜 呢個呢個最多人叫 又叫我地再諗下先 我唔想加錢飲果啲beverage又唔得架咩 真心未見過咁chur既waitress or老闆娘 我以為自己去左澳牛 比錢果時隔離枱就可以拎張單埋黎 我地就要出去比 送左兩張coupon比我地but sorry你請我都唔會再黎比人chur

中環的路真的9曲13灣， 拖住個行李箱，轉來轉去， 真的有種想死的沖動， 店裏的人都很熱情，樓上是發廊 環境都算特別， 點飲料送小水泡， 出品都唔錯！！！但是累了歇歇腳吃點東西也是情調一流，食物和咖啡以及服務都非常好。一set下來約莫港幣150吧，還行。

Zenon 同朋友去中環，路過zenon cafe，記起佢哋三文治非常之好食，所以入去食返一次回味一下。Regular Reubun~麵包過經烘過熱熱，外面香脆裡面鬆軟。包裡材料有一層烤過的牛肉，瑞士奶酪，酸菜，秘製醬汁，咬落去牛肉非常之多啖啖都食到牛肉的，配秘製醬特出牛肉味道，碟邊仲有新鮮沙律菜及蕃茄片。Truffle Hunter~同樣的麵包經過烘過熱熱，外脆內嫩。包裡材料有意大利辣香腸片，培根，火箭菜，秘製醬配香濃黑松露，碟邊仲有新鮮沙律菜及蕃茄片。我同朋友一人一半分享來食，兩種味道都好味又包肚，回味無窮。最後我叫了一杯Honey Rose Latte,咖啡一放在枱上時立即聞到陣陣玫瑰香味，杯面有一隻靚靚的拉花天鵝，而杯邊放了些玫瑰花瓣碎，這杯咖啡真的是色香味俱全。仲有一樣要提一下，樓上是髮型屋，可以比太太樓上扮靚靚，先生在樓下飲返杯咖啡慢慢等太太，上下網打機。

美男邊爐比左幾間我揀但最後去左Zenon Cafe黎得Cafe當然食All day breakfast啦🍳小女子揀左British啊 不然你可以選American主要分別就是我有芝士腸腸同鴨胸吃而美國版就係長條煙肉同雞胸🤔整體感覺不太油膩 份量都夠飽嘅😬_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$98________________________唔信我嘅可以自己去試試😂地址：中環威靈頓街86號地舖

It’s the second time I wrote positive comments here. The restaurant is well located nearby Soho. Yes it has some elements of the old salons. The waitress served us well and introduced combinations of choices. Me and my friend ordered an all day breakfast and a truffle sandwich. I grabbed and tried the toast with butter on. Omg!! The toast is so crispy. The Omelette is so well made with melting cheese inside. The truffle sandwich comes and we were still having duck chest and sausages, and having

平時活躍於九龍區，今次去港島區做野就同朋友覓下食！威靈頓街勁多餐廳，今次揀左依間cafe，正好切合番tea time既心情！兩個人餓餓地就嗌左個jumbo reuben，岩晒兩個食肉獸。明明好多人tea time都可以食得好輕盈，但食肉獸係要嚼幾塊肉先安落。上枱熱烘烘真係令人垂涎三尺，快速相機食先就將甘厚既sandwich送入口中啦！麵包烘得邊邊脆卜卜包身就keep到鬆軟。牛肉都好juicy，有別於我見過既reuben，佢地既牛肉係厚啲，食落更加啖啖肉好滿足啊！入面仲夾住一啲德國豬手側邊既酸菜絲，口感同味道正正作一個balance，令人會好想繼續食既衝動！碟邊仲有啲沙律菜，飲食要均衡啊，去cafe都做得到架！tea time嘆杯野吾少得，聽講依度係出名咖啡，吾好咖啡既我都自然想嗌杯latte，係green tea latte！飲落好濃抹茶味，岩我心水啊

今日難得約到朋友仔陪我去街,第一站先來這裡食個豐富的午餐餐廳環境好簡潔帶點特式，原來地下是cafe，而樓上係salonHoney Rose Latte $55玫瑰小花瓣曬在杯邊，入口香濃綿密奶滑,偶爾滲出淡淡玫瑰花香跟香蜜味All Day British $98煙薰鴨胸有三塊厚切，鹹香十足，另外芝士大腸煎得剛好，食落中間香好芝士味，滑強都不錯，伴邊仲有沙律菜跟一塊大麵包整體價格唔算貴了在中環旺區內，仲要食物質數都不錯，加上呢到幾好hea

位於中環的Zenon Cafe，是一間髮形屋兼咖啡店。曾經光顧過一次這裡的巨人份量三文治，今天放假，我便獨自來回味一下吧。Jumbo Reuben $128咸牛肉三文治，可能選擇普通或巨人份量，我原本選擇巨人份量，但服務員下錯單，幸好即刻改回大人份量吧。用上三塊面包的巨人咸牛肉三文治，把多塊咸牛肉重疊起來，加上溶化芝士，邪惡至極，肚子好餓阿。牛肉咸度適中，並不過火，色澤深紅，味道不俗，略為靭了一點點。秘製辣汁令三文治更加惹味，配以生菜沙律中合肉膩感，非常好吃吧。

這間以懷舊理髮店為主題，從店舖內進上一層便是真正的髮廊的咖啡店，主打美式輕食，在中環裡不失為一間頗有特色的咖啡店。 Regular Reuben即叫即製，麵包燙熱，燒牛肉、瑞士芝士等餡料，配以秘製的醬汁，帶點兒辣，開胃惹味，伴以沙律，水準令人滿意。 每日限定的 Egg Benedict比預期中失色，斑尼迪蛋欠缺了應有的流心，荷蘭汁的味道也只是不過不失而已。 Strawberry Delight 以新鮮士多啤梨糖漿、青檸、橙汁與梳打水作材料，顏色豔麗，不太酸的味道，還好。 太太的Fresh Orange Juice味道正常，新鮮解渴。這髮廊下的天地，在中環區裡，都算幾有特色。

威靈頓街午飯，間間都很多人排隊等位。這西餐廳的位置不錯，又有位。 環境都不錯！幾有藝術感。坐位也幾闊落，很舒服。午餐有All Day Breakfast，也有漢堡加沙律。All Day Breakfast有幾多其他選擇，有Benedict, 但是我比較想食漢堡。厚厚的漢堡扒充滿肉汁很Juicy, 還有適量的芝士。味道剛剛好，份量不少，男士也夠的。有鮮橙汁但要加錢。 沙律細些少，其他也不錯。我們2人約250元。每人125，中環不用等位，差不多啦！

第二次約foodie食飯，其實都好緊張; 好在都系講飲飲食食 幾岩嘴型(˶‾᷄ ⁻̫ ‾᷅˵)講翻間餐廳 幾特別 分兩層 樓上系 Salon ; 樓下系經營餐廳; 而且環境吾錯 系到坐底傾下幾都幾舒服。小編幾鐘意啲畫。你地睇下幾搞笑，令餐廳內氣氛輕鬆啲。講到最後，梗系要介紹我地主菜 All Day Breakfast of British (hkd$98) 其實食得全日早餐都系果幾味啦，有沙律, 腸仔, 吐司等..估吾到既系有煙鴨胸 呢個就少啲餐廳咁配搭啦。全部都熱呼呼上 額外好味，呢個早餐小編都尚算滿意既。

對我而言, 「食得好」係佔80%, 而「扮得靚」就只僅佔20%, 我願意將大部份時間、金錢和精力都放在食之上, 而不費神於扮靚當中, 故常常被各好友提醒需要執下, 但我卻取耳邊風, 所以今時今日仍是孤身隻影……好友看不過眼, 便先用美食誘惑我, 再乘機捉我去改變形象, 相約我去一間又有得食又可扮靚的咖啡室。咖啡室門口掛上一個 “CafeSalon”大招牌, 即是將Café和Salon集於一身, 提供一站式服務, 下層是Café, 沿樓梯走往上層便是Salon, 客人可邊歎咖啡邊等候扮靚, 真爽!而我就對食較專注, 所以第一時間在下層Café內找個靚位, 睇下揀乜食, 都話 “食”佔80%, 哈! 先被近門口的長木枱所放的可愛小水泡吸引着, 充滿夏日色彩。走進內裏, 座位不多, 一邊是沖調飲品區, 另一邊是用餐位置, 設有六七張小圓枱和三張二至四人方枱, 而我便都喜歡坐近開放式的門口位置, 感覺較開揚自在。看看menu, 大部分菜式和飲品均附有小相片, 設計簡單而清晰。主要分七大類, 有Chef’s Special、Slow-Cook Special、Sandwiches、All Day

今日去中環開會，剛好到午餐時間就去附近搵間Cafe食個lunch。經過Zenon Cafe，記得之前曾經試過佢地既All Day Breakfast，味道相當出色，今日再試下其他款式。食物選擇好多，門口已經聞到濃香咖啡味。叫左一份vegetarian sandwich。青瓜、蕃茄，加上份量相當多既mozzarella cheese，味道絕不單調。麵包用上香麥多士，健康有益，蔬菜份量多，入口口感豐富味道滋味，旁邊有沙律。甜品叫左一份Cheesecake。芝士輕盈不覺甜膩，質感軟滑加上餅底濃香，小小一件相當出色。

今日上完堂好肚餓，即刻走去中環食個午餐，經過一間cafe見到換左新餐牌，早早之前都未試過新主菜，今日午餐就試一試。叫左我最愛既慢煮雞排。飲品叫左蝴蝶花茶。一層層顏色分明，賣相好有趣。蝴蝶花茶和檸檬汁，味道比較酸甜好開胃，加左小小蜜糖，滋潤不失香甜，秋天飲下蜜糖都幾好主菜到啦！雞排加上香草煎得香口，外層帶微微香脆，雞肉極是嫩滑多汁。慢煮雞排保持肉汁豐富，入口嫩滑的確唔容易，旁邊伴上薯仔和蔬菜，營養好均衡。

中環威靈頓街的 Zenon Café 是我喜歡的 café 之一， 將個性化的Salon 和 Café 共融。經過歲月的洗禮，以往的偶像派以經成為今天的實力派。Zenon  的咖啡一向岩我的口味，所以間唔中也會來喝杯咖啡， 但此終在中環區的有頗多高水準的咖啡店，令客人肯回頭絕對不易。 襯週輕輕鬆鬆來吃個All day Breakfast 。All day breakfast 分British and American ,  我選擇了前者, 我為我不喜歡美式breakfast 內的煙肉。英式的All day Breakfast包括了 芝士腸、煙鴨胸、炒蛋、多士和沙律菜。 對好多人來說絕對唔算豐富， 但對我而言份量就岩岩好， 不過加埋茄汁豆就更完美。 先試一口鮮黃的炒蛋 ,  蛋香濃、口感滑配埋微脆牛油多士，好正! 繼而一啖咬下芝士腸，卜卜脆滿滿的芝士香，大人細路都鍾意；油潤的煙鴨胸肉嫩砧口， 不過我喜歡煎香多一點點 。 喝一口香濃咖是來 Zenon 的最終目的， 今天喝了一杯稱心滿意的Honey Rose Latte 我應為玫瑰花類的飲品是專為女性而設，陣陣玫瑰花芳香已經十分迷人， 感覺