Zecond (已結業)

今日要farewell 一位同事，係openrice搵左幾間餐廳揀，最後揀左呢間。lunch有set menu。有前菜，主菜，甜品，3個course. 一個餐$138。前菜我地揀左和風凱撒沙律同湯。沙律有櫻花蝦， 麵包糠都幾脆。湯係牛肝菌湯，幾濃味。兩樣都唔錯。主菜我地揀左卡津孜然雞扒，慢烤三文魚柳，香烤煙燻鴨胸。卡津孜然雞扒🐤孜然比平時辣少少，對我黎講辣左啲啲，但都食到。雞扒都算大塊，比我想像既份量多。配有薯蓉沙律，薯蓉唔係話好滑個種，味道一般，沙律菜都算新鮮。慢烤三文魚柳🐟因為係慢烤，所以啲肉唔會好鞋，配有魚子同沙律醬，魚子脹卜卜，新鮮好食。都係有配薯蓉同沙律菜。香烤煙燻鴨胸🦆份量又係比想像大好大，6塊厚厚的，都唔細塊。呢個肉偏咸少少，但配左藍莓紅酒醬，就balance返個味，都唔錯。個餐仲包左甜品，今日甜品係cheese cake,好好食。西餐黎講呢度既餐份量都幾大，又包甜品，食物味道都幾好，會推介呢間。…查看更多

同朋友仔食生日飯，無限時可以坐到十點👍🏻Set dinner 餐湯+主食+甜品只係$138，上環黎講性價比高🥰煙三文魚牛油果沙律🥗 +$35估唔到裏面有三文魚子，配上柚子醋，酸甜開胃❤️卡津孜然雞扒🐓孜然味重，雞扒皮香脆嫩滑，伴碟薯蓉都唔錯泰式冬蔭大蝦意粉🦐🍝大蝦有四隻，偏辣，有種特別嘅泰式味道，同平時冬陰功忌廉意粉唔同，幾有新意👍🏻海膽醬蟹肉牛油果意粉🍝+$25蟹肉份量都幾多，朋友話少少濃味，我就覺得接受到😌慢烤挪威三文魚柳魚皮烤到脆卜卜，魚肉嫩滑，美中不足係有dd腥味芝士蛋糕🍰香滑好食👍🏻蘋果撻 +$20 可以翻熱，朋友話唔錯朱古力榛子碎餅 +$20整體太甜，朱古力味唔夠濃，可以跳過呢間cafe製作用心精緻，食物質素唔錯，店員有禮貌，係用心經營既小店，會再嚟幫襯🧡…查看更多

真心推介的小店，食物用心製作，食物有質素，環境舒適，店員有禮，臨走前連廚師都會同你講拜拜，10分窩心。溫馨提示：晚餐如果不想等位，可以先預訂，或者早一點大約6:30到達，就不用等位7:30後就會有較多人。…查看更多

最近老公返了加拿大，我可以一個人周圍去試喜歡的美食。住咗上環咁耐，仍然有很多小店未幫襯過。Zecond係其中一間，今日下午茶時段經過見套餐竟然有八折。原價$158包starter，main dish和dessert, 重送一支水，就算咖啡都只需加$20, 折咗只係百二蚊左右，超抵！叫咗香烤煙燻鸭胸，是日濃湯係好好味嘅菇湯，鸭胸濃味大件皮香脆，甜品cheese cake size剛剛好不太甜畫下完美句号，之前在家喝了咖啡，就等下次來再試吧。全部店員都很友善，唔知係friday定换更時間，食緊野時有兩個店員都下班了，臨走時短髮的店員也有點頭微笑。剩下厨師一個招呼三枱客。…查看更多

全日最放鬆一定係lunch time 😉🕰️ 兩個星期前，食咗孜然雞扒，真係好食，每日新鮮煲牛肝菌湯，令人回味。第二次，再試餐廳嘅意粉，「海膽醬蟹肉牛油果意大利麵」，麵底轉咗貓耳朵粉，決定一試。點知伏到喊出嚟🥴！詳細如下：前菜和風凱撒沙律🥗-味道正常主菜海膽醬蟹肉牛油果貓耳朵-買相令人無晒胃口，影都唔想影-個醬超級油膩而且食得出蟹肉好唔新鮮！❗️！❗️-食咗幾啖之後，勁多蟹殼碎-淨咗3份一碟， 份量正常，但太難入口好多蟹殼碎甜品日式芝士蛋糕-好細件，味道ok , 但size細到。。。唔該真係唔好拎出嚟招呼人，好寒酸。用原本大細一開二，不如坦白講無晒！咁樣仲好！最後食完，即刻肚痛，即日痾咗三次！總結， 同價位， 上環一定有其他更好嘅西餐， 價錢經濟30-40% 依間西餐廳， 太難令人想再翻頭！唔好食唔緊要，唔乾淨的話。。。就真係唔會再翻兜！！…查看更多