Zappy (已結業)

百樂中心有很多餐廳，我亦試過數間較出名的，這次又來到這棟大廈覓食，來到新開沒多久的Zappy Cafe，一進去就看到花草的佈置，予人非常寧靜舒服的感覺，餐廳不太大，環境安靜舒適，最適合和友人坐一整晚聊天。餐牌上有不同的fusion菜式，價格中上，味道質素挺高。無花果橙柳合桃沙律：淋上餐廳自家製的橙柳醬汁，新鮮的無花果、橙柳、合桃、鹹芝士為味覺帶來點酸酸甜甜又帶鹹的衝擊，這個絕對是新鮮、營養價值高的沙律選擇，推介！南瓜盅雞絲意大利飯：以雞湯烹煮意大利飯，釀入烤熟的日本南瓜內，雞絲嫩滑野菌多，飯粒分明，汁吸盡精華，十分入味。

之前上網搵到呢間Zappy Cafe & Bar，環境寧靜舒服，場內播放住柔和嘅音樂，絕對適合同男友撐下檯腳。我地叫左個黑松露薯條做頭盤小食，好大碟，炸得金黃脆口，食落熱呼呼的感覺，加上上面鋪左不少嘅黑松露，散發住陣陣黑松露香味，非常之好味。主菜方面我哋揀左個蟹肉野菌意大利飯，份量足夠，賣相都幾靚，有兩隻酥炸蟹鉗放上頂，十分搶眼。撥開蟹鉗後，更是有驚喜，有一大埋黑松露醬在面，mix埋意大利飯一齊食...正! 意大利飯唔會太過黏口，一口蟹肉，一口野菌，配合得天衣無縫。蒜香辣油活蜆天使麵絕對適合鍾意食辣嘅朋友，蒜香味重，而且有辣油鋪上面，十分惹味。天使麵條條分明，爽口彈牙。蜆肉鮮甜肥美，而且無沙。整體上，環境同食物都唔錯，如果想同朋友或者伴侶靜靜哋傾下計食個飯，呢間餐廳會係個唔錯嘅選擇。

見到呢間餐廳有好多好評，於是今晚去左食晚飯，果然不錯首先我地叫左無花果橙柳合桃沙津。水果夠新鮮,夠甜，加埋烘焙過既合桃同菲達芝士，同埋自家製的芥末蜜糖橙汁，好開胃!然後我地叫左個冷盤—黑松露蟹肉煙三文魚卷，值得推介!我地冇諗過原來入面有咁多蟹肉!冷盤黎講真係好足料，亦都食得黑松露係貴價果種，三樣材料好match南瓜盅雞絲意大利飯冬瓜盅就見得多，南瓜盅真係第一次見，可以食到意大利飯之餘，仲可以食到好多南瓜肉，幾健康最後甜品有伯爵茶千層蛋糕，口感有點像栗子蓉，但帶淡淡的茶味，食到好滿足呀

銅鑼灣既呢棟大廈有好多餐廳，今次我地揀左呢間意大利餐廳，環境幾舒適，食物質素亦高無花果橙柳合桃沙津我好鍾意呢個沙津好清新，佢唔係用普通既沙津醬，而係自家製的芥末蜜糖橙汁，所以感覺好健康，而家好少見出面既沙津有無花果，正南瓜盅雞絲意大利飯將意大利飯裝入日本紅栗南瓜盅入面，賣相好吸引! 另外意大利香味很濃郁，加埋啖啖雞肉，值得推介!黑松露蟹肉煙三文魚卷我好欣賞佢個卷入面有好多好多蟹肉! 而且黑松露濃郁得黎不會搶左蟹肉既鮮味，有驚喜!甜品—Earl Grey 千層蛋糕，好味!

今日係銅鑼灣放工後，同左同事去附近醫埋肚先返屋企。Random去左百樂的一間Cafe，餐廳裝飾係田園設計，個感覺都幾舒服。坐低先叫左杯荔枝梳打，攪均之後有清清地的荔枝甜，加埋梳打的氣，係返工後gur gur之首選。另外，朋友就揀左玫瑰咖啡，見到個樣都覺得幾正。小食方面，我們叫左一份吉烈炸蠔，外皮炸得岩岩好。安格斯牛小排係屬於Medium Rare，加埋拌碟的黑醋汁，又同牛肉幾Match。呢個蟹肉野菌意大利飯係呢餐飯的驚喜位。雖然個蟹鉗只係Party Food Level，不過意大利飯每粒飯都吸滿雞湯的精華，而且蟹肉非常多。餐廳的環境都坐得幾舒服，而且都唔會太嘈，好適合幾個朋友仔傾下計食下飯。

銅鑼灣係朋友食飯行街的好去處，但大家會唔會同我一樣覺得好難揾一間有得Book位又可以坐得舒服，靜靜地傾下計的餐廳呢？今次我去到百樂中心，一個充滿餐廳的大廈，去左位於13樓的小Cafe Zappy。去cafe當然要叫杯咖啡飲下啦。本身諗住叫比較少有的薰衣草咖啡，不過我又忍唔唔到玫瑰咖啡的引誘。Rose Latte的味道夠清香，唔係一般的死甜，Mix埋咖啡的獨有香氣，淨係聞都夠正！至於朋友仔就叫左一杯荔枝梳打，見到佢好快就飲左一半就知道味道唔差。係食主食前，我們叫左一份吉烈炸蠔。一共有6隻炸得金黃鬆脆的蠔，$58都幾抵食。個皮唔算太厚，個外皮炸得非常鬆，令人想食完又一粒。主食方面，我們叫左份蟹肉野菌意大利飯，每粒飯都充滿蟹肉的香氣，撈埋埋意大利黑松露醬，令味道的層次更多。個人比較有驚喜的係香烤美國安格斯無骨牛小排。雖然無得揀要幾成熟，不過黎到的，正係我想要的！牛小排肉質都幾嫩口，上面的香草令到牛肉更香。此外，我都幾鍾意食牛小排下的薯蓉，薯味非常濃，口感仲幾滑Tim。==============================鍾意我的分享的，我邀請你訂閲我的食評，我會繼續與大家繼續吃掉世界，

假期自己一人去銅鑼灣行下，行到肚餓就黎到依間想試好耐嘅餐廳喇！門口裝飾簡約，令人覺得好舒適。餐廳唔算好大，可以坐得舒舒服服。午餐選擇都算多元化，有輕盈嘅，又有肉類。海鮮愛好者嘅我就選擇左蟹肉野菌意大利飯。午餐包一個餐湯，今日餐湯係忌廉蘑菇湯。忌廉湯熱辣辣，都幾creamy，有打碎左嘅蘑菇，亦有不同嘅菇類，真材實料！非常好！主菜上場喇！蟹肉野菌意大利飯，睇落已經覺得好creamy 面頭有黑松露醬，大愛呀！食落啖啖都有蟹肉，一d都唔手軟呀！飯粒軟硬適中，味道有微微嘅白酒味，再加上野菌嘅咬口，得好！如果再加埋黑松露醬一齊食，又會多一個層次！不錯呀！值得一讚係服務態度，侍應好細心呀，叫餐飲時會問客人要唔要少冰，而且反應好快，絕對唔需要客人等好耐。非常好！

銅鑼灣不嬲都好多嘢食，但就成日都好多人排隊。今次朋友推介，介紹我哋呢間人隱世西餐廳，無論食物定環境都好喜出望外😍一入到去，就有好高級西餐廳嘅感覺同環境。店員都好有禮貌，仲專登比個位我哋放袋。我同男朋友叫咗兩個主菜，一個蟹肉野菌意大利飯同埋牛油果大蝦天使麵。我叫嘅意大利飯我覺得非常滿意，完全冇偷工減料，淡淡蟹肉，同意大利飯融合起來，非常有好口感。天使麵都好驚喜，有兩大隻蝦，分量十足。而且牛油果都好新鮮，軟林林嘅，係最靚嘅牛油果。整體而言非常滿意，環境清幽，裝修企理。絕對係慶祝周年或者情人節最佳選擇。

今日行過呢幢大廈,見有3個阿姨好努力咁喺大門前派傳單拉客去樓上啲餐廳,我同朋友見set lunch價錢合理,就隨意揀咗13樓呢間試吓. 上到去發現呢間餐廳我曾經嚟過,不過以前叫Donkey&Sheep,可能轉咗手,但佈置同以前差不多,依舊開揚丶舒適~雖然餐廳小小,但set lunch主菜選擇都有好似7款咁多,前菜可選湯或沙律.今日係忌廉磨菇湯,好creamy,磨茹味都幾香濃.朋友點咗蟹肉野菌意大利飯,佢話味道唔錯~我點咗linguine,好醒胃~ 比大部分餐廳煮得好味~跟餐飲品除咗咖啡或茶仲可揀橙汁丶蘋果汁丶可樂,或者以半價轉特飲. 朋友點咗蜜桃百爵茶奶蓋,而且已經急不及待咁飲晒(可能太好味)...我連相都無機會影~ 值得一讚係呢度啲餐具又新又靚,而且好乾淨(無水印)! 侍應有禮又細心!

放工同男朋友撐枱腳，梗係要揀間浪漫有情調嘅餐廳😆😆今日就嚟到銅鑼灣百樂中心試下依間隱世樓上西餐廳😋😋餐廳面積唔算大，但座位夠寬敞，坐得好舒服，裝修以綠色草地作主題，餐廳由裡到外都是用草地作主題，格調簡單，柔和嘅燈光增添一份溫暖、浪漫嘅感覺👍🏻👍🏻情侶拍拖首選啊！主菜先嚟一個卡邦尼扁意粉，先讚一下餐廳用料十足，用佐相當多嘅煙肉同蘑菇😳😳配料多到嚇我一跳，平時坊間食到嘅只有數塊煙肉，依度係啖啖意粉都帶有煙肉，正👍🏻👍🏻意粉用上扁意粉，比普通意粉更客易掛汁，口感軟滑得嚟帶少許煙韌🤤🤤餐廳秘製嘅卡邦尼醬汁認真一流，芝士味唔會太濃又帶有淡淡忌廉味，好creamy又唔會太膩，配上扁意粉味道滿分😍😍上菜時睇落細細碟，原來份量都好多好飽肚㗎🤣🤣男朋友叫佐個香煎三文魚柳，上菜時三文魚柳大大塊舖係碟上，外表煎至金黃色，賣相十分吸引😍😍表面灑左小小香草，咬落帶點微脆，豐厚嘅油脂令魚肉入口即溶，肉質嫩滑，鹹度適中，味道一百分👍🏻👍🏻值得一題，配菜薯角初時以為係坊間食到嘅薯角，嘩😮😮食落原來係原個薯仔切件焗製而成，難怪完全冇炸粉味，咬落滿口薯香🤗🤗再嚟個小食😃黑松露薯條，上菜時熱辣辣，即叫即炸😆😆薯條炸得脆口唔

今日有朋友帶我去時代廣場後邊後面嘅樓上Cafe，抱住一試無妨嘅心態就走咗去食喇。間cafe面積唔係好大，只係擺到三四張枱，但見到店主係有花心思係裝修行業方面，令到呢間cafe帶有啲溫馨嘅感覺。不過裝修再好，啲嘢食唔好都假啊。所以我同我啲朋友就嗱嗱聲打開Menu點野食。我地今次點咗黑松露薯條、香煎三文魚柳、美式BBQ醬燒豬肋骨以及鮮蝦帶子意粉。首先先來係餐前沙律。鮮甜大蝦，配合爽口沙律菜感覺好清新。跟住你先送上來嘅就係佢黑松露薯條。每一冇一條線充分精神黑松露醬聞到已經好想食呀佢。佢建議我哋食薯條嗰陣點啊酸忌廉令到成條唔會太過油，啱啱好。跟住送上嘅係香煎三文魚柳。三文魚面煎得帶啲香脆，但內裡依然好嫩滑，帶有魚生嘅質感，火喉啱啱好，一百分。鮮蝦帶子意粉用上咗墨魚汁意粉，帶子煎得香嫩可口，而大蝦亦都非常鮮甜。成碟意粉好快就比我地掃清光。最後送上就係美式BBQ醬燒豬肋骨。美式bbq醬夠惹味。整體而言，價錢公道，位置方便，食物質素唔差，可以再黎。

琴晚食完餐西餐,同朋友分享,傾開個時,佢介紹左一間隱世既西餐比我.咁岩今日有時間,就去試下啦.不過平時我就唔鍾意連續食同一種類既菜既.呢排唔洗加班,一收工就去食飯,所以一般都好少人,唔洗排隊等位就入得啦.見到第一個MENU,諗住叫set既時候發覺原來係lunch set黎唔緊要,咁散叫啦,就食朋友推介既菜式牛肝野菌忌廉濃湯 $38好鍾意用大大隻碟去裝啲湯飲,因睇感覺上氣派啲,好彩呢碟湯都唔貴中間用忌廉畫左個圖案出黎,幾靚,係碟邊仲放左個蒜蓉牛油多士添一黎到已經聞到濃郁既香味,飲落啖啖都有野菌,好足料,味道都係適中既蒜蓉牛油多士 軟身既蒜蓉牛油多士,加上香脆既包邊,食落都好新鮮就咁食又或者沾啲湯食都可以蟹肉野菌意大利飯 $138朋友推介一定要試下呢碟菜.第一個感覺係個risotto整得幾好,濃淍度適中同埋好大方,係面頭上有一大舊黑松露,蟹肉都係密集式地平均分布果然係隱世樓上店,係有返咁上下水準既本身想試下個日本北海道千層蛋糕,但因為太飽了,都係下次先最後想讚下啲員工服務幾好,我飲水飲得好快,佢都好勤力咁好快幫我斟返,搞到我都有啲唔係幾好意思走個時見到呢個位整得幾靚,下次要試埋啲飲品至得.

每逢星期六日，當然要同太太食好西👻上次到銅鑼灣經過這棟大廈，望見有好多餐廳🍴上次已經mark 定想試這間由於到達的時間天色還未暗 ，透過窗邊看着銅鑼灣繁華嘅市景，感到在百忙的生活中，享受一點悠閑的感覺😌我們前菜點了一道-凍蝦作為開胃的小食，凍蝦是個不錯的選擇，而且份量比我想像中多，蝦肉爽口彈牙😍幾有驚喜然後來了一道 炸蠔小食 師傅嘅功力也不錯 粉漿也不多，入口鮮甜多汁終於來到主菜，今日點了一份三文魚扒，賣相很好，但對於我這個大男人來說👉🏻👈🏻份量比較少，老闆應該知我減肚腩中😭 雖然份量雖小，但師傅將三文魚扒煎到入口即溶，油份也不多，配合自家製的忌廉汁，頗開胃的🤤最後叫了黑松露蘑菇意大利飯，一上枱我已經按捺不住😈黑松露的香味侵佔我整個鼻子，淡淡的蘑菇香，幾分鐘就食完這碟飯🤣食完飯後，這裡的環境很適合約會，和伴侶坐着談天說地，為美好的一天作總結

同朋友好耐冇見，今日去銅鑼灣會一會佢先！同佢一齊上到嚟呢一棟大廈，你想去之前已經發現有好多人等𨋢，睇嚟呢一棟大廈全部都係食店，距離時代廣場只係隔一小段路嘅距離，感覺十分之更方便。上到去餐廳，並冇想像中咁多人，反而有一份係鬧市之中，帶有清閑嘅感覺。我地首先叫咗前菜，凍蝦。作為一個開胃嘅小食，感覺都相當唔錯。再配埋窗口位，一邊睇到街外嘅風景，一邊慢慢食住小食，傾吓計，感覺特別寫意。日式炸蠔，蠔肉唔算好大粒。不過都幾香口。至於主菜，煎三文魚扒，幾好食嘅！配少少嘅忌廉汁，正。呢度嘅地點非常之咁方便，而且仲有佢哋嘅手沖咖啡奶茶。朋友約會的而且確係一個幾好嘅選擇。

今日同男朋友搵到銅鑼灣一間隱世意大利餐廳，值得推介比大家羅勒醬鮮蝦天使麵天使麵配以青瓜和羅勒醬，滲入茴香，而鮮蝦好大隻，有少少白葡萄酒味，蝦身已剝殻，所以不用自己剝殻，好方便。香煎三文魚柳賣相不錯，三文魚柳啖啖肉，煎得很香，帶少少魚油。另外，我很喜歡檸檬牛油忌廉醬，清清地，不會蓋過三文魚的味道。薯菜是烤焗方式煮，而不是炸的Albert Glas Dornfelder這款紅酒偏fruity,尤重櫻桃和黑加侖子味，好啱女仔飲，易入口