Zakka (已結業)

打完羽毛球當然要補充體力架啦～係奧海城行下行下見到間新開的餐廳，看餐牌有我最愛吃的漢堡牛當然要入去試下啦⋯⋯整體一般，湯好好味黑松露薯條好脆漢堡内的牛咸了點，但個麵包皮好鬆軟其餘兩個餐我朋友話ok，應該有進步空間。服務方面都好好

是日路經發現新店開張，當下搶閘試新野。點了個「手製帶子蝦墨汁漢堡」，賣相不錯且份量足。中間蝦餅即叫即炸，又脆又彈牙；可能加入0左帶子，比平常蝦餅多左少少鮮甜味，不錯吃！夾包0既沙律醬帶有少少wasabi味，幾清新！伴碟薯條灑上了黑松露，即刻感覺矜貴哂鍾意菇既fd子就叫左「黑松露野菌意大利麵」，意麵的質地不錯，又索盡忌廉汁幾好味。成個晚餐既焦點去左「脆酥窩夫」度，重牛油香又脆，好似食緊窩夫版既牛角酥咁。窩夫熱辣辣，加埋雪糕冰火交融，十個正。為左呢個甜品，我會特登黎多次奧海城架等左一陣，臨尾來左「梳乎厘班戟」，軟軟綿綿咁，都幾好食。伴碟個白色野原來唔係雪糕、又唔係忌廉，問返阿店員原來係意大利芝士整既忌廉，滑溜得來有少少奶味，加埋糖漿，同個梳乎厘都好夾。不過餐牌話呢個要等成半個鐘，真係唔趕先好叫啦。

落大雨揾個地方坐坐，見呢間新cafe就試吓，呢個位即係以前嘅euro gogo, order 咗個鮮果雪糕waffles，雪糕話係自選，落order時當然係無呢會事，唔緊要，嚟到，點解會係兩塊酥皮？真係第一次食到夾兩塊酥皮出嚟就當係waffles嚟賣嘅舖頭，如果係難整你不如唔好賣，一係你就寫明用酥皮製作，因為真係有人唔鍾意食酥皮架